TOƁƁERE 21
Ko homɓe woni e waajaade kibaaru moƴƴo on ?
Neeɓataa Yahuwah Alla huutora laamu makko ngun fii ittugol satteendeeji fow. Hakkee ko oo kibaaru moƴƴi, fow no haani anndude fii mun. Annabi Iisaa no faalanoo yo taalibaaɓe makko ɓen yewtu fow fii oo kibaaru moƴƴo ! (Matta 28:19, 20). Ko honno Seedeeɓe Yahuwah ɓen woni e ɗoftoraade yamiroore annabi Iisaa nden ?
1. Ko honno Matta 24:14 woni e laatorde hannde ?
Annabi Iisaa hiitino : « Oo Kibaaru Moƴƴo fii laamu Alla ngun feɲɲinte e aduna on fow » (Matta 24:14). Seedeeɓe Yahuwah ɓen no weltii tawegol e ɗee golle hittuɗe. Meɗen waajaade kibaaru moƴƴo on e nder aduna on fow e haalaaji ko ɓuri 1 000. Fii waɗugol ɗee golle tiiɗuɗe meɗen haani wakkilaade moƴƴa e waɗira ɗe no haaniri non. Ɗun waawataa waɗude ɓaawo ballal Yahuwah Alla ngal.
2. Ko honno men wakkilorto fii waajagol ?
Men waajoto kala ka yimɓe woni. Wa almasiiyaaɓe ɓen ka teeminannde aranere, meɗen waajaade « ka cuuɗi » (Kuuɗe sahaabaaɓe ɓen 5:42). Ɗun no wallude men no men yewtira miliyonji yimɓe no haaniri hitaande kala, hara men accaali hay gooto. Ɓay men tawataa yimɓe ka cuuɗi maɓɓe soono woo, meɗen waajoo kadi e nokkeeli buy ka yimɓe woni. Men rewray kala laawol yewtugol woɓɓe goo fii Yahuwah Alla e faale makko on.
3. Ko hommbo haani waajaade kibaaru moƴƴo on ?
Almasiiyaaɓe ɓen fow no haani waajaade kibaaru moƴƴo on. Ɗee golle no hittani men. Men waajoto no men heɓiri feere woo, ɓayri meɗen anndi yimɓe ɓen no haani danndeede (janngee 1 Timotee 4:16). Men yoɓetaake fii ɗee golle ɓay Deftere Alla nden wi’i : « On hendike ɗun e hoore on ittaa hay huunde, onon kadi okkee ɗun, hara on ittinaali hay huunde » (Matta 10:7, 8). Hinaa fow jentotoo. Kono men jokkay ɓayri meɗen anndi waajagol amen ngol no tawaa e dewal amen ngal e weltinay Yahuwah Alla.
LUGGINEE
Ndaaree wakkilaare Seedeeɓe Yahuwah ɓen fii waajagol e nder aduna on fow e no Yahuwah Alla woni e wallirde men non.
Waajagol e nder aduna on : A) Kosta Rika, B) Etas-Ini, C) Benen, D) Tayland, E) Yap, F) Suwed.
4. Meɗen wakkilaade moƴƴa fii waajagol yimɓe ɓen fow
Seedeeɓe Yahuwah ɓen no wakkilaade moƴƴa fii waajagol kibaaru moƴƴo on kala ka yimɓe woni. Fijinee VIDIO on e yewton fii lanndal jokkitungal ngal.
Ko honɗun ɓurɗon yiɗude e nder wakkilaare Seedeeɓe Yahuwah ɓen fii waajagol ?
Janngee Matta 22:39 e Roomu 10:13-15 e yewton fii ɗee lanndaale :
Ko honno waajagol amen ngol holliri meɗen yiɗi ɗimmooɓe amen ɓen ?
Ko honɗun Yahuwah Alla miijii fii ɓee waajotooɓe kibaaru moƴƴo on ? (Ndaaree aaya 15).
5. Ko men gollidooɓe e Alla
No woodi piiji buy holluɗi Yahuwah Alla no ardaade golle amen ɗen. E piide misal, e nder Nuvel Zeland, musiɗɗo inneteeɗo Pol yiiduno e deɓɓo e nder ko o waajotoo suudu e suudu ɲalormaare. On bimmbi ɗon, debbo on torino Alla e hoore huutorgol innde makko nden, Yahuwah, fii yo goɗɗo aru, janna mo fii anndugol Alla. Pol wi’i : « leereeji tati ɓawto ɗun, mi hewti ka dammbugal makko. »
Janngee 1 Korenti 3:9 (NWT) e yewton fii ngal lanndal :
Honno ko feƴƴi kon e nder Nuvel Zeland holliri ko Yahuwah Alla woni e ardaade golle ɗen ?
Janngee Kuuɗe sahaabaaɓe ɓen 1:8 e yewton fii ngal lanndal :
Fii honɗun meɗen hatonjini e ballal Yahuwah Alla fii laatingol ɗee golle ?
Hari hiɗon anndi ?
Kala pottital e nder yontere nden men ekkitete fii waajagol. Si hiɗon tawaanoo e pottital amen, ko honɗun miijiɗon fii ko men ekkitetee kon ?
6. Meɗen ɗoftaade yamiroore Alla nden fii waajagol
Ka teeminannde aranere, ayɓe annabi Iisaa ɓen etino haɗugol taalibaaɓe makko ɓen waajagol. Almasiiyaaɓe ɓen e on saa’i ɗon « daran[ino] fii waajagol kibaaru moƴƴo on, haqinqin[i] mo » (Filipii 1:7). Ko wano non, Seedeeɓe Yahuwah ɓen woni e waɗude hanndea.
Janngee Kuuɗe sahaabaaɓe ɓen 5:27-42 e yewton fii ngal lanndal :
Fii honɗun men accataa muk waajagol ? (Ndaaree aayeeje 29, 38 e 39).
NO GASA WOƁƁE NO LANNDOO : « Fii honɗun Seedeeɓe Yahuwah ɓen no waajaade suudu e suudu ? »
Ko honno jaabortoɗon ?
RAWNOODE
Annabi Iisaa haalanno taalibaaɓe makko ɓen waajagol leƴƴi ɗin fow kibaaru moƴƴo on. Yahuwah Alla no wallude jamaa makko on fii waɗugol ɗee golle.
Ndartannde
Ko homɓe woni e waajaade kibaaru moƴƴo on e nder aduna on fow ?
Ko honno golle amen ɗen holliri meɗen yiɗi ɗimmooɓe amen ɓen ?
Hiɗon miijii waajagol ko golle weltinayɗe. Fii honɗun ?
TASKEE
Ndaaree no Seedeeɓe Yahuwah ɓen woni e waajorde ka ca’e njane.
Seeditaare heertiinde e kene e nder saare njannde : Pari (5:11)
Ko honno Seedeeɓe Yahuwah ɓen woni e waajorde fattiniiɓe ?
Nanee ko debbo sifii no o feƴƴiniri ngurndan makko ɗan waajagol e hoore weltaare.
Janngee fii polge hittuɗe ka sariya walluɗe fii waajagol kibaaru moƴƴo on no yaara yeeso.
« Waajotooɓe ɓen daranino fii waajagol ngol ka sariya » (Laamu Alla ngun no laamaade !, simoore 13)
a Ko Alla yamiri men waajagol. Ko ɗun waɗi Seedeeɓe Yahuwah ɓen lanndotaako lamɓe ɓen newnangol ɓe fii waajagol kibaaru moƴƴo on.