TOƁƁERE 22
Ko honno yewtirton woɓɓe fii kibaaru moƴƴo on ?
Ko no janngirton fii goongaaji Deftere Alla nden, no gasa ko non miijortoɗon : « Fow no haani anndude fii mun ! » Ko goonga, fow no haani anndude ɗun ! Kono no gasa on suusataa haalangol woɓɓe goo fii ko jannguɗon kon. Yewten fii no heɓirton cuucal e no fuɗɗorton haalangol woɓɓe goo fii kibaaru moƴƴo on e nder weltaare.
1. Ko honno yewtirton yimɓe ɓe annduɗon ɓen fii ko jannguɗon kon ?
Taalibaaɓe annabi Iisaa wi’uno : « men waawataa ronkude wowlude ko men yi’irnoo gite amen ɗen kon e ko men nanirnoo noppi amen ɗin kon » (Kuuɗe sahaabaaɓe ɓen 4:20). Hakkee ko ɓe yiɗunoo goonga on, hiɓe faalanoo yewtude yimɓe ɓen fow fii mun. Ko wano non miijorɗon ? Si ko ɗun, ɗaɓɓee feere no yewtiron ɓeynguure mon e weldiɓɓe mon e hoore teddungal fii ko jannguɗon kon (janngee Koloosi 4:6).
Pehe fii fuɗɗagol
E nder ko yewtidoton kon e ɓeynguure mon, fuɗɗoree toɓɓere ka nder Deftere Alla e hoore wi’ugol : « Mi janngii ko hitti ndee yontere ɗoo. »
Hollee aaya wakkilinayɗo giɗo mon nawnuɗo maa sonnjiiɗo.
Si mo gollidoton lanndike on honno feƴƴinirɗon yontere nden, haalanee mo fii ko jannguɗon kon ka nder Deftere Alla maa ka pottital moftal.
Hollee weldiɓɓe mon ɓen jokkorde nden jw.org.
Lanndee woɓɓe goo tawegol ka jannde mon Deftere Alla maa hollon ɓe no ɓe lanndortoo fii jannde nden ka jw.org.
2. Fii honɗun waajodagol e moftal ngal ko faandaare moƴƴunde ?
Taalibaaɓe annabi Iisaa ɓen yewtataano yimɓe ɓe ɓe anndunoo tun kibaaru moƴƴo on. Annabi Iisaa « imminiri ɓe ɗiɗo ɗiɗo ko yaha adoyoo mo e ca’e ɗen fow » waajagol (Luuka 10:1). Waɗugol ɗee golle waajagol no haaniri okkuno yimɓe buy feere fii nanugol kibaaru moƴƴo on. Waajodagol weltinno kadi taalibaaɓe ɓen moƴƴa (Luuka 10:17). On waaway waɗude ɗun onon kadi faandaare mon fii waajodagol e moftal ngal ?
LUGGINEE
Ndaaree no suusirton haalangol woɓɓe goo kibaaru moƴƴo on e hoore weltaare.
3. Yahuwah Alla wonday e mon
Faalaaɓe waajaade ɓen suusataa sabu ko yimɓe miijotoo maa waɗata.
Haray hiɗon huli haalangol woɓɓe goo fii ko jannguɗon kon ? Fii honɗun ?
Fijinee VIDIO on e yewton fii lanndal jokkitungal ngal.
Ko honno ɓee sukaaɓe e jiwɓe Seedeeɓe Yahuwah ɓen heɓiri cuucal ?
Janngee Isaaya 41:10 e yewton fii ngal lanndal :
Si tawii hiɗon huli waajagol, ko honno toraare wallirta on ?
Hari hiɗon anndi ?
Seedeeɓe Yahuwah buy miijino ɓe waawataano muk haalangol woɓɓe goo kibaaru moƴƴo on. E piide misal, Sergey hutino hoore makko e hari no sattani mo yewtidugol e woɓɓe goo. Kono, ɓawto ɗun, o waɗuno jannde Deftere Alla nden. O wi’i : « Fii kala hari mi suusataa mi fuɗɗino haalangol woɓɓe goo fii ko mi janngaynoo kon. Haalangol woɓɓe goo fii Deftere Alla nden okkuno lan cuucal. Ɗun ŋalɗinno lan fota e tiiɗinno gomɗinal an ngal fii mun. »
4. Wondee e teddungal
Si hiɗon haalannde woɓɓe goo kibaaru moƴƴo on wonaa miijagol tun fii ko haaloton kon kono no haalirton non kadi. Janngee 2 Timotee 2:24 e 1 Petruusu 3:15, 16 e yewton fii ɗee lanndaale :
Ko honno huutorton ɗee aayeeje si hiɗon haalannde woɓɓe goo fii Deftere Alla nden ?
Si woɓɓe ka ɓeynguure mon maa weldiɓɓe mon jaɓataa ko wi’uɗon kon. Ko honɗun waɗoton ? Ko honɗun on haanaa waɗude ?
Ko fii honɗun no moƴƴi lanndorgol newaare edii haalangol ɓe ko ɓe haani waɗude ?
5. Haalugol fii kibaaru moƴƴo on no okka weltaare
Yahuwah Alla yamirno annabi Iisaa haalangol woɓɓe goo kibaaru moƴƴo on. Ko honɗun annabi Iisaa miijinoo fii ɗee golle ? Janngee Yuuhanna 4:34 e yewton fii ɗee lanndaale :
Ɲaamugol no moƴƴani ngurndan e ɲaamugol ko kelɗi no weltina ɓernde. Ko fii honɗun annabi Iisaa eɓɓindirnoo waɗugol faale Alla on (ko tawti ɗun, waajagol kibaaru moƴƴo on) e ɲaametee ?
Fii honɗun waajagol kibaaru moƴƴo on no waawi on weltinde ?
Piiji wallayɗi on
Ka pottital e nder yontere nden, ɗaɓɓee pehe no fuɗɗorton yewtugol woɓɓe goo.
Miijitee winndagol fii waɗugol yewtereeji ka pottital e nder yontere nden. Golle janngoowo on wallay on hebilagol fii haalangol woɓɓe goo fii ko wonɗon e janngude kon.
Huutoree cenɗe « Woɓɓe goo no wi’a » maa « No gasa woɓɓe goo no lanndoo » fii ekkitagol no jaaborton lanndaale e yimɓe ɓe jaɓataa yewtugol.
WOƁƁE GOO NO WI’A : « Ko honɗun fewndii ? »
Ko honno huutorton ndee feere fii haalangol ontigi ko jannguɗon kon ka jannde mon Deftere Alla nden ?
RAWNOODE
Haalugol fii kibaaru moƴƴo on no okka weltaare. E no gasa fuɗɗagol sattaa fii wano miijorɗon non.
Ndartannde
Fii honɗun haalanton woɓɓe goo kibaaru moƴƴo on ?
Ko honno waɗirton ɗun e hoore teddungal ?
Ko honno heɓirton cuucal fii waajagol ?
TASKEE
Ndaaree pehe nay ɗe sattaa fii haalugol kibaaru moƴƴo on e hoore huutorgol kartal kumpital jw.org.
Ndaaree mise nay wallayɗe on haalangol woɓɓe goo kibaaru moƴƴo on.
« Hiɗon hebilii wonugol yunngooɓe yimɓe ? » (Suudu Aynirdu ndun, settaambur 2020)
Ndaaree no misal ka nder Deftere Alla okkirta en cuucal haalangol woɓɓe goo kibaaru moƴƴo on, hay si ko en sukaaɓe maa jiwɓe.
Ndaaree no haaliranton siɓɓe mon ɓe anndaa Yahuwah Alla ɓen fii Deftere Alla nden.
« Hewten ɓerɗe siɓɓe men ɓe wonaa Seedeeɓe Yahuwah » (Suudu Aynirdu ndun, 15 marsi 2014)