Fii honɗun jokkanten janngugol Deftere Allah nden ?

1. Ko nafa honɗun heɓeten si en janngii Deftere Allah nden ?

Ndee jannde e nder ndee deftere ɓeydanii en yiɗugol Yahuwah. Hiɗen haani ɓurtude yiɗugol mo (1 Petruusu 2:2). Ko janngugol daaluyee Allah on e yiɗugol mo okkata en ngurndan poomayankejan. — Janngee Yuuhanna 17:3 ; Yuudu 21.

Ko si en ɓeydii janngugol Deftere Allah nden, si gomɗinal men ngal ɓurtata kelɗude. Gomɗinal men ngal wallay en no waɗiren faale Allah (Yahuudiyankeeɓe 11:1, 6). Wallay en no tuubiren, accen kuuɗe men bonɗe. E no heɓiren jikku moƴƴo. — Janngee Kuuɗe sahaabaaɓe ɓen 3:19.

2. Honno ko jannguɗen kon nafirta woɓɓe goo ?

Hiɗen yiɗi yewtugol yimɓe ɓen ko jannguɗen kon e hoore weltaare. Si en jokkii janngugol Deftere Allah nden, en waaway hollude yimɓe ɓen ko jannguɗen kon e oo kibaaru moƴƴo e fii gomɗinal men ngal e Yahuwah. — Janngee Roomu 10:13-15.

Buy no yewtidude e goreeɓe mun e ɓeynguure mun fii oo kibaaru moƴƴo. Ko yo en haalanɓe fii ko Allah fodi en kon hara en mettinanaaliɓe. Ko yo en annditu, ko jikku men ngun yimɓe ɓen yi’ata ɓuri ko haaleten kon. — Janngee 2 Timotee 2:24, 25.

3. Honno wonirten jiyaaɓe Allah ?

Si en janngii Deftere Allah nden, en waaway anndude Allah moƴƴa. En waaway rewude mo no haaniren non. Wonen jiyaaɓe makko. — Janngee 2 Korenti 6:18.

4. Honno ɓeydirten jannde men ?

Hiɗen waawi ɓeydude jannde men si en jokki janngugol Deftere Allah nden (Yahuudiyankeeɓe 5:13, 14). Hiɗen waawi lanndaade Seedeeɓe Yahuwah ɓen fii no ɓe wallira en no faamiren Deftere Allah nden, nder ndee deftere Que nous enseigne la Bible ? e haala faransi. Si en ɓeydii janngugol Deftere Allah nden fii men ɓantoto. — Janngee Zabuura 1:1-3 ; 73:27, 28, TMN.

Oo kibaaru moƴƴo ko ka Yahuwah o iwri. Si hiɗen faalaa ɓadaade Allah, ko yo en ɓado jamaa makko on (Yahuudiyankeeɓe 10:24, 25). Si en wakkilike fii waɗugol faale Allah on, en heɓoyay ngurndan poomayankejan. Ko ɓadagol Allah ɓurani en moƴƴande. — Janngee 1 Timotee 1:11 ; 6:19.