TOƁƁERE 12

Ko honɗun wallata on jokkugol jannde mon Deftere Alla nden ?

Édition imprimée

Jannde Deftere Alla nden no wondi e nafa. Kono haray welaa fii wonnde. Saa’iiji goo on lanndoto si on waaway jokkude jannde mon Deftere Alla nden. Fii honɗun ɗun no wondani en e nafa ? Ko honɗun wallata on wakkilagol si on heɓii satteendeeji ?

1. Fii honɗun jannde Deftere Alla nden no hitti ?

« Ko fii, daaluyee Alla on ko wuuruɗo duncoowo » (Yahuudiyankeeɓe 4:12). Deftere Alla nden no hitti moƴƴa ɓayri nde anndinay on miijooji Alla ɗin e giggol makko ngol fii mon. Nde wallay on heɓugol ganndal, kono wonaa ɗun tun. Nde wallay on kadi heɓugol faamu Alla e tanƴinaare. E ko ɓuri hittude kon, Deftere Alla nden wallay on wonugol giɗo Yahuwah Alla. Si on janngii Deftere Alla nden, on heɓay ngurndan ɓurɗan welude.

2. Fii honɗun haanuɗen teddinde goonga Deftere Alla nden ?

Goongaaji Deftere Alla nden no wa’i wa keyeeji satta-cogguuji. Ko ɗun waɗi Deftere Alla nden wi’i : « Heɓu goonga, hara a yeeyaali mo » (Tindi 23:23, VPFJ). Si en miijitike fii hitte goonga Deftere Alla nden, en wakkiloto moƴƴa jokkugol jannde men nden, hay si en heɓii satteendeeji (janngee Tindi 2:4, 5, VPFJ).

3. Ko honno Yahuwah Alla wallirta on wakkilagol ka jannde mon ?

Yahuwah Alla, Taguɗo mon on e giɗo mon on, no faalaa on wallude fii no anndiron mo. Himo waawi on okkude « faale on e huuwingol on » (janngee Filipii 2:13). E saa’iiji goo, si tawii hiɗon hatonjini heɓugol wakkilaare ka jannde mon maa huutorgol ko jannguɗon kon, himo waawi on wallude. Si hiɗon hatonjini heɓugol doole fii jittugol satteendeeji maa muɲɲagol liddondiral, o okkay on ɗun. Toree Alla ɲannde woo fii yo o wallu on jokkugol jannde mon Deftere Alla nden (1 Tesalonii 5:17).

LUGGINEE

Ndaaree honno jokkirton jannde Deftere Alla nden hay si on alaa saa’i fii mun maa si on heɓii dartiiɓe on. Ndaaree kadi honno Alla wallirta on jokkugol jannde mon nden.

4. Waɗee jannde mon Deftere Alla nden ko adii kon

Wonnde haray hiɗen mari piiji buy ko waɗeten. En miijoto en heɓataa saa’i fii jannde Deftere Alla nden. Ko honɗun wallata en ? Janngee Filipii 1:10 e yewton fii ɗee lanndaale :

E miijo mon, ko honɗun « ɓuri moƴƴude » ka ngurndan mon ?
Ko honno waɗirton jannde mon Deftere Alla nden ko adii kon ?

A. Ko notaa : Pirintiiji holluɗi siyon waɗiraa. 1. Mowre njaareendi e mowre kaaƴe njane. 2. Siyon on no heewi fayda njaareendi. 3. Kaaƴe njane ɗen no ka hoore njaareendi ka nder siyon e ko lutti kon no ka leydi.

B. Ko notaa : 1. Mowre njaareendi ndin kadi e mowre kaaƴe njane ɗen kadi. 2. Kaaƴe ɗen fow no ka nder siyon. 3. Njaareendi ndin no rewa ka hakkunde kaaƴe haa heɓɓina siyon on, lutta seeɗa.

Si on adike waɗugol njaareendi ndin taho, on heɓataa ka waɗon kaaƴe ɗen fow.
Si on fuɗɗorike kaaƴe ɗen, on heɓay ka waɗon fayda njaareendi ndin fow. Ko wano non kadi, si on adorike « ko ɓuri moƴƴude kon » taho ka ngurndan mon, on waaway laatinde ɗun e heɓon saa’i fii waɗugol piiji goo.

Deftere Alla nden no waawi on wallude no anndiron Alla, rewon mo e no timminiron faale mon wonugol giɗo makko. Janngee Matta 4:4 e yewton fii ngal lanndal :

Ko honno ɗun nafirta on si on waɗii jannde Deftere Alla nden ko adii kon ?

5. Wakkilee si on heɓii liddondiral

Wonnde, woɓɓe etoto fii yo on accitu jannde mon Deftere Alla nden. Ndaaree misal Francesco ngal : fijinee VIDIO on e yewton fii lanndaale jokkituɗe ɗen.

VIDIO : O heɓuno nafa e nder wakkilaare makko nden (5:22)

Fotoo ka nder vidio « O heɓuno nafa e nder wakkilaare makko nden ». Francesco no pottitaade goreeɓe makko ɓen ɓawto ko o haalani ɓe o jokkondirtaa e maɓɓe hannde kadi.

Ko honɗun neene Francesco e goreeɓe makko ɓen waɗunoo ko o yewti ɓe fii ko o janngaynoo kon ?
Ko honno o heɓirnoo nafa e nder wakkilaare makko nden ?

Janngee 2 Timotee 2:24, 25 e yewton fii ɗee lanndaale :

Ko honɗun siɓɓe mon ɓen e goreeɓe mon ɓen miijii fii ko janngoton kon ?
Wano ɗee aayeeje wi’iri non, ko honɗun haanuɗon waɗude si woɓɓe weltaaki fii ko janngoton Deftere Alla nden ? Fii honɗun ?

6. Hooloree Yahuwah Alla fii ballal

No ɓadorten Yahuwah Alla non, ko non faale men on ɓeyɗorta fii weltingol mo. Kono wonnde en heɓay satteendeeji ka ngurndan men waɗugol piiji fii teddingol laawi makko ɗin. Si on miijorike nii, wota on terto, Yahuwah Alla wallay on. Fijinee VIDIO on e yewton fii lanndaale jokkituɗe ɗen.

VIDIO : Yahuwah Alla wallay en no wayliren jikkuuji men ɗin (3:56)

Ko jikkuuji honɗi Jim wayli fii weltingol Yahuwah Alla ?
Ko honɗun yiɗuɗon e misal makko ngal ?

Janngee Yahuudiyankeeɓe 11:6 e yewton fii ɗee lanndaale :

Ko honɗun Yahuwah Alla waɗanta ɓee « ɗaɓɓooɓe mo » tigi tigi, ɗun ko wakkilotooɓe ɓen fii anndugol mo e weltingol mo ?
Wano oo aaya wi’iri non, ko honno Yahuwah Alla wa’irta si o yi’ii wakkilaare mon nden fii jannde mon Deftere makko nden ?

NO GASA WOƁƁE NO LANNDOO : « Fii honɗun jannganton Deftere Alla nden ? »

Ko honno jaabortoɗon ?

RAWNOODE

Hay si wonnde no sattani on, jannde Deftere Alla nden wallay on heɓugol ngurndan welɗan haa poomaa. Jokkee hoolorgol Yahuwah Alla e o barkinay on.

Ndartannde

Fii honɗun goongaaji Deftere Alla nden no hittani on ?
Ko honno waɗirton « ko ɓuri moƴƴude kon » ko adii kon ?
Fii honɗun haanuɗon lanndaade Yahuwah Alla ballal fii jokkugol jannde mon Deftere Alla nden ?

Peccal 1 no timminaa :

Faandaare

Jokkee jannde mon Deftere Alla nden hay si ko nde wootere e nder yontere nden. Si tawii on waawataa waɗude ɗun saa’i mo suɓiɗon on, waɗee saa’i goo fii jannde mon nden.

Huunde goo :

Huunde goo

TASKEE

Ndaaree piiji nay wallayɗi yimɓe buy huutorgol saa’i maɓɓe on no haaniri non.

« No waawirton huutorde saa’i mon on no haaniri » (Finee !, feeburuyee 2014)

Ndaaree honno Yahuwah Alla walliri debbo etinooɗo weltingol mo, hay si moodi makko faamataano mo.

Yahuwah Alla no okka en doole ronndagol donngal men ngal (5:05)

Gorko goo wonuno giɗo Alla sabu ko ɓeyngu makko muɲɲinoo kon.

Mi ɲaawuno goonga on (6:30)

Seedeeɓe Yahuwah ɓen no tooɲee wonnde lancugol ɓeynguureeji. Kono ɗun ko goonga ?

« Seedeeɓe Yahuwah ɓen no lanca ɓeynguureeji kaa no mooɓindira ɗi ? » (Winndannde ka jw.org)