TOƁƁERE 52
Fii honɗun ko ɓornotoɗen kon e no parortoɗen non no hitti ?
Mo kala no mari faale sertuɗo fii ko o ɓornotoo e no o parortoo non. Si en huutorii tugaale Deftere Alla nden, en waaway hollude faale men on e weltinen Yahuwah Alla. Ndaaren goɗɗe e ɗee tugaale.
1. Ko tugaale honɗe haani en ɗowude fii suɓagol conci e no parortoɗen non ?
Hiɗen haani suɓaade conci moƴƴi e « ɓornor[en] no moƴƴiri e hoore yankinaare e no haaniri » ko hollata mbaadi laaɓundi yaadundi e « rewooɓe Alla » (1 Timotee 2:9, 10, NWT). Ndaaree ɗee tugaale nay ɗoo : 1) Hiɗen haani ɓornorde « no moƴƴiri ». Wano yiiruɗon non ka pottite moftal, Seedeeɓe Yahuwah ɓen no mari faaleeji sertuɗi paragol. Kono no men ɓornortoo non, e no men moorortoo non maa no men femmbortoo non no teddina Alla mo men rewata on. 2) Ɓornorgol « e hoore yankinaare » haɗay en ɓornagol fii hollugol ɓanndu men ndun maa fii mantagol. 3) En ɓornorto « no haaniri » si en jokkaali wattagol kala concol yaltungol e parorgol kala moodu yaltuɗo. 4) No parortoɗen non no haani hollude soono woo ko en « rewooɓe Alla » (1 Korenti 10:31).
2. Ko honno no parortoɗen non battinirta musiɓɓe men ɓen ka dewal ?
Mo kala e men no waawi suɓaade no o ɓornortoo non. Kono, hiɗen haani miijaade no ɗun battinirta woɓɓe goo. En waɗay ko waawuɗen kon fii wota en hersin hay gooto, kono ko ɓuri moƴƴude kon, ko yo mo kala e men « weltinir ɲokondo mun on ko moƴƴi fii tiiɗingol mo ka gomɗinal » (janngee Roomu 15:1, 2).
3. Ko honno no parortoɗen non wallirta woɓɓe goo faalegol anndude fii Yahuwah Alla ?
Hiɗen haani wattande yila no ɓornorten non, tentinii si hiɗen ka pottital maa si hiɗen waajaade. No ɓornortoɗen non haanaa hittude ɓuri kibaaru mo waajotoɗen on. Kono no ɓornortoɗen non no haani waɗude yimɓe faale anndude goonga on e teddina « gandal [...] Danduɗo en on » (Tiituusa 2:10).
LUGGINEE
Ndaaren ko waawuɗen waɗude fii no conci men ɗin e no parortoɗen non hollata ko en almasiiyaaɓe.
No parortoɗen non no holla si hiɗen teddini laamiiɓe ɓen. Hay si Yahuwah Alla no yi’ude ko woni ka ɓerɗe men, no parortoɗen non no haani hollude hiɗen teddini mo.
4. Paragol no moƴƴiri no teddina Yahuwah Alla
Ko fii dalil hittuɗo hommbo wattanten yila fii no parortoɗen non ? Janngee Zabuura 47:2 (47:3, VPFJ) e yewton fii ɗee lanndaale :
Ko honno wonugol Seedeeɓe Yahuwah battinirta no ɓornortoɗen non ?
E miijo mon, hiɗen haani wattande yila no parortoɗen non si hiɗen ka moftal maa si hiɗen waajaade ? Fii honɗun ?
5. Ko honno fewjirten ko moƴƴi fii no parortoɗen non ?
Hay si conci men ɗin no satti-coggu maa sattaa-coggu, ko ɓuri hittude kon ko yo ɗi wonu laaɓuɗi e ɗi yaada e ko wonuɗen waɗude kon. Janngee 1 Korenti 10:24 e 1 Timotee 2:9, 10. Ɓawto ɗun, yewtee fii honɗun wikkotoɗen conci...
seekiiɗi maa welsindaaɗi.
ɓittiiɗi, wirtayɗi maa waɗayɗi haa woɓɓe heɓa miijo bonngo fii men.
Hay si almasiiyaaɓe ɓen wonaa e ley Sariya mo Alla jonnunoo annabi Muusaa on, himo holla miijo Yahuwah Alla fii mun. Janngee Yaɲɲannde sariyaaji ɗin 22:5 e yewton fii ngal lanndal :
Fii honɗun hiɗen haani wikkaade ɓornagol conci maa moƴƴingol sukundu ko nanndinta debbo wa gorko e gorko wa debbo ?
Janngee 1 Korenti 10:32, 33 e 1 Yuuhanna 2:15, 16 e yewton fii ɗee lanndaale :
Fii honɗun wattanten yila hara no parortoɗen non sonnjaali kawtal men ngal maa musiɓɓe men ɓen ka moftal ?
Ko honno yimɓe ka kawtal mon parorta e ɓornorta ?
E miijo mon, no ɓe ɓornorta non maa parorta non no yaadi e ko almasiiyaajo haani parorde ? Fii honɗun ?
No woodi fasonji buy ɓornagol e paragol ko welata Yahuwah Alla.
WOƁƁE GOO NO WI’A : « Min, mi wattoto ko mi faalaa kon. »
Hiɗon jaɓa ɗun ? Fii honɗun ?
RAWNOODE
Si en suɓike no moƴƴiri ko ɓorno-toɗen e no parortoɗen non, en hollay hiɗen teddini Yahuwah Alla e woɓɓe goo.
Ndartannde
Fii honɗun ko ɓornotoɗen e no parortoɗen non no hittani Yahuwah Alla ?
Ko tugaale honɗe haani on ɗowude fii fewjugol no parortoɗon non ?
Ko honno no parortoɗon non wallirta woɓɓe goo faalegol anndude fii Yahuwah Alla ?
TASKEE
Anndee ko honɗun woɓɓe goo miijotoo fii no ɓornortoɗon non.
« Ko honɗun no mi parorta non hollata ? » (Winndannde ka jw.org)
Anndee fii honɗun hiɗon haani miijitaade moƴƴa ado yo on deesinde e ɓanndu mon ndun ?
« Ko honɗun Deftere Alla nden wi’i fii deesingol e ɓanndu ? » (Winndannde ka jw.org)
Ndaaree tugaale goo wallayɗe on fewjugol no moƴƴiri.
« No ɓornortoɗon non no mantude Alla ? » (Suudu Aynirdu ndun, settaambur 2016)
Ko honno debbo mo ɓernde laaɓunde wayliri miijo makko ngon fii ko woɓɓe suɓii paragol no sertiri ?
« Mi miijino labintinagol ko ko boni » (Finee !, 22 deesaambur 2003)