Fáigheann Isac Bean Mhaith

AN BHFUIL fhios agat cé hí an bhean sa bpictiúr? Re·becʹa is ainm dí. Sin é Isac a bhfuil sí ag siúl ina threo. Tá sí chun é a phósadh. Cén chaoi ar thárla sé seo?

Bhí Abraham, athair Isac, ag iarraidh bean mhaith a fháil dá mhac. Níor theastaigh uaidh go bpósfadh Isac duine de mhná Chaʹnaan mar bhíodh na daoine sin ag tabhairt adhradh do dhéithe bréige. Mar sin, ghlaoigh Abraham ar a shearbhónta agus dúirt sé: ‘Téigh go dtí an áit a gcónaíonn mo ghaolta i Haʹran agus fáigh bean do mo mhac Isac ann.’

Ar an bpoinnte thóg searbhónta Abraham deich gcinn de chamaill agus rinne sé an t-aistear fada. Nuair a bhí sé gar don áit ar chónaigh gaolta Abraham stop sé ag tobar. Bhí sé deireanach sa tráthnóna, an t-am a dtagann mná na cathrach chuig an tobar chun uisce a fháil. Ghuigh searbhónta Abraham chuig Iehobhah ag rá: ‘An bhean a gheobhaidh uisce dom féin agus do na caimill, go mba ise a roghnóidh tusa d’Isac.

Tar éis tamall tháinig Re·becʹa chun roinnt uisce a fháil. Nuair a d’iarr an searbhónta deoch uirthí thug sí dó é. Ansin d’imigh sí agus fuair sí dóthain uisce do na camaill ar fad, mar bhí tart orthu. Ba obair chrua í sin mar ólann caimill go leor, leor uisce.

Nuair a chríochnaigh Re·bec’a an obair seo, d’fhiafraigh searbhónta Abraham dí cén t-ainm a bhí ar a hathair. D’fhiafraigh sé freisin dí an bhféadfadh sé fanacht leo le haghaidh na hoíche. Dúirt sise: Be·túʹel is ainm do m’athair agus tá áit lóistín againn duit.’ Bhí fhios ag searbhónta Abraham gur mac le deartháir Abraham, Naʹhor, é Be·túʹel. Mar sin chuaigh sé ar a ghlúine agus thug sé buíochas do Iehobhah as ucht é a threorú go dtí gaolta Abraham.

An oíche sin dúirt Be·túʹel agus Láʹbán, deartháir Re·becʹa, le searbhónta Abraham go bhféadfadh Re·becʹa Isac a phósadh. Bhí Re·becʹa sásta leis seo. Mar sin, lá arna mhárach fuair siad na camaill agus thosaigh siad ar an aistear fada ar ais go Caʹnaan.

Bhí sé deireanach tráthnóna nuair a tháinig siad. Chonaic Re·becʹa fear ag siúl ins an bpáirc. Ba é Isac a bhí ann. Bhí áthas air Re·becʹa a fheiceáil. Fuair a mháthair Sarah bás trí bliana roimhe sin agus bhí sé brónach fós dá bharr. Ach anois thug sé grá mór do Re·becʹa agus bhí sé sona arís.