Tor tré Thine

THÁINIG Maois an bealach ar fad go dtí an cnoc Hóreb chun féar a fháil dá chuid caoire. Anseo chonaic sé tor tré thine, ach ní raibh sé ag dó suas!

Dhruid Maois níos gaire. Nuair a rinne sé sin tháinig glór as an tor ag rá: ‘Ná tar níos gaire. Bain díot do bhróga, mar tá tú ag seasamh ar thalamh naofa.’ Ba é Dia a bhí ann ag labhairt tré aingeal. Mar sin chlúdaigh Maois a éadan.

Dúirt Dia ansin: ‘Chonaic mé fulaingt mo phobail san Éigipt. Mar sin tá mé chun iad a scaoileadh saor agus is tusa a úsáidfidh mé chun iad a threorú amach as an Éigipt.’ Bhí Iehobhah chun a phobal a thabhairt go dtí tír álainn Cha’naan.

Ach dúirt Maois: ‘Cé hé mise? Cén chaoi gur féidir liomsa é seo a dhéanamh? Fiafróidh na hIostaelítigh: “Cé chuir chugainn thú?” Ansin céard a déarfaidh mé?”

‘Seo é a déarfaidh tú,’ d’fhreagair Dia. ‘ “IEHOBHAH, Dia Abraham, Dia Isac agus Dia Iacob a chuir chugaibh mé” ‘ Ansin dúirt Iehobhah: ‘Seo é m’ainm ar feadh na síoraíochta.’

‘Ach abair nach gcreideann siad mé nuair a deireann mé leo é, d’fhreagair Maois.

‘Céard atá i do láimh?’ D’fhiafraigh Dia.

D’fhreagair Maois: ‘Slat.’

‘Caith ar an talamh é,’ arsa Dia. Nuair a rinne Maois é seo déanadh nathrach den tslat. Ansin dúirt Iehobhah: ‘Cuir do láimh taobh istigh de do róba.’ Rinne Maois é seo. Nuair a thóg sé amach a láimh bhí sí geal leis an ngalar labhra. Ansin thug Iehobhah cumhacht do Mhaois an tríú míorúilt a dhéanamh. Faoi dheireadh dúirt sé: ‘Nuair a dhéanfaidh tú na míorúiltí seo creidfidh na hIosraelítigh gur mise a chuir chucu thú.’

Ina dhiaidh sin chuaigh Maois abhaile agus dúirt sé le Iet’ro: ‘Le do thoil, lig dom dul ar ais go dtí mo ghaolta san Éigipt.’ Mar sin d’fhág Iet’ro slán ag Maois agus thosaigh Maois ar a thuras go dtí an Éigipt.