Maois Agus Arón le Faró

NUAIR a d’fhill Maois ar an Éigipt, d’inis sé dá dheartháir Arón faoi na míorúiltí. Agus nuaire a thaispeáin Maois agus Arón na míorúiltí do na híosraelítigh, chreid na daoine ar fad go raibh Iehobhah leo.

Ansin chuaigh Maois agus Arón chun cainte le Faró. Dúirt siad leis: ‘Deireann Iehobhah, Dia Iosrael, “Lig do mo phobal imeacht ar feadh trí lá chun mé a adhradh san bhfásach.” ‘ Ach d’fhreagair Faró: ‘Ní chreidimse i Iehobhah agus ní ligfidh mé d’Iosrael imeacht.’

Bhí fearg ar Faró, mar bhí na daoine ag iarraidh am a thógáil óna gcuid oibre chun Iehobhah a adhradh. Mar sin thus sé breis oibre dóibh. Chuir na híosraelítigh an milleán ar Mhaois faoin gcruatan, agus bhí Maois buartha. Ach dúirt Iehobhah leis gan imní a bheith ari. ‘Cuirfidh mé iallach ar Faró mo phobal a ligeann saoir,’ arsa Iehobhah.

Chuaigh Maois agus Arón chun Faró a fheiceáil arís. An uair seo rinne siad míorúilt. Chaith Arón síos a shlat agus déanadh nathrach mór as. Ach chaith fir feasa Faró síos a gcuid slata agus déanadh nathracha astu. Ach féach! Tá nathrach Arón ag ithe nathracha na bhfir feasa. Fós ní ligfeadh Faró do na hIosraelítigh imeacht.

Mar sin tháinig an t-am chun go múinfeadh Iehobhah ceacht do Faró. Bhí sé chun 10 bplá nó trioblóidí a tharraingt ar an Éigipt.

Tar éis mórán de na plánna dúirt Faró le Maois: ‘Stop an phlá agus ligfidh mé d’Iosrael imeacht.’ Ach nuair a stopadh an phlá ní ligeadh sé do na daoine imeacht. Ach tar éis an deichiú plá, lig Faró uaidh na hIosraelítigh.

Foghlaimeoimid faoi na 10 bplá sa gcéad scéal eile.