An Fear is Láidre

AN BHFUIL fhios agat ainm an fhir is láidre dar mhair riamh? Ba breitheamh é arbh ainm dó Samsón. Is é Iehobhah a thugann a neart do Shamsón. Fiú sular rugadh Samsón, dúirt Iehobhah lena mháthair: ‘Is gearr go mbéidh mac agat. Tógfaidh sé ceannas chun Iosrael a shábháilt ó na Fi·lis’tínigh.’

Is drochdhaoine iad na Fi·lis’tínigh a chónaíonn i gCa’naan. Tá go leor fir troda acu agus gortaíonn siad na hIosraelítigh go mór. Lá amháin agus Samsón ar a bhealach go dtí áit cónaithe na bhFi·lis’tíneach castar leon mór leis. Ach maraíonn Samsón an leon lena dhá láimh. Maraíonn sé na céadta Fi·lis’tíneach freisin.

Níos deireanaí titeann Samsón i ngrá le cailín arbh ainm di Delílá. Geallan na Fi·lis’tínigh 1,100 píosa airgid do Delílá ach inseacht dóibh céard a thugann a neart do Shamsón. Tá an-dúil ag Delílá san airgead sin ar fad. Ní fíorchara do Shamsón í, ná do phobal Dé. Mar sin fiafraíonn sí do Shamsón arís agus arís eile céard a thugann a neart dó.

Sa deireadh, insíonn Samsón rún a nirt do Delílá. ‘Níor bearradh mo chuid gruaige riamh,’ a deireann sé. ‘Ón am ar rugadh mé, roghnaigh Iehobhah mé le bheith mar shearbhónta speisialta aige ar a dtugtar Naizíreach. Dá mbearrfaí mo ghruaig chaillfinn mo neart.’

Nuair atá fhios ag Delílá é seo, cuireann sí ar Shamsón codladh ina hucht. Ansin glaíonn sí ar fhear chun a ghruaig a bhearradh. Nuair a dhúisíonn Samsón tá a neart ar fad imíthe. Tagann na Fi·lis’tínigh ansin agus tógann siad é. Cuireann siad amach a dhá shúil agus déanann siad a sclábhaí de.

Lá amháin bíonn ceiliúradh ag na Fi·lis’tínigh chun a ndia Dágón a adhradh, agus tógann siad Samsón as an bpríosún chun ceap magaidh a dhéanamh de. Idir an dá linn, tá gruaig Shamsón fásta arís. Deireann Samsón leis an mbuachaill atá i ngreim láimhe ann: ‘Lig dom teangmháil leis na colúin atá ag cothú an fhoirgnimh.’ Ansin guíonn Samsón chuig Iehobhah ag iarraidh neart. Glaíonn sé amach: ‘Lig dom bás a fháil leis na Fi·lis’tínigh.’ Tá 3,00o Fi·lis’tíneach ag an gceiliúradh agus nuair a lúbann Samsón é féin in aghaidh na gcolún titeann an fhoirgneamh agus maraítear na drochdhaoine seo ar fad.