An Díle Mór—Cé a d’Éist? Cé Nár Éist?

In aimsir Naoi rinne formhór na ndaoine drochrudaí. Geineasas 6:5

Bhí páistí ag Ádhamh agus Éabha, agus mhéadaigh an daonra ar an talamh. Le himeacht ama thaobhaigh roinnt aingil le Sátan in éirí amach in aghaidh Dé.

Tháinig siadsan anuas go dtí an talamh i múnla daonna ionas go mbeadh ar a gcumas mná a phósadh. B’fhathaigh láidre fíochmhara iad na páistí a rugadh do na mná seo.

Líonadh an domhan le daoine a bhí ag déanamh drochrudaí. Tá sé ráite sa Bhíobla go raibh drochghníomhartha ag tarlú i ngach áit agus nach raibh tada ar intinn ag an duine ach an t-olc.

D’éist Naoi le Dia agus thóg sé an áirc. Geineasas 6:13, 14, 18, 19, 22

B’fhear maith é Naoi. Dúirt Iehova le Naoi go raibh sé chun na drochdhaoine go léir a scrios le díle mór.

Dúirt Dia le Naoi an áirc a thógáil, bád ollmhór, agus a chlann agus gach cineál ainmhí a thabhairt isteach inti.

Chuir Naoi fainic ar dhaoine faoin Díle a bhí le teacht, ach níor éist siad leis. Bhí cuid acu ag magadh faoi Naoi agus bhí an ghráin ag cuid eile acu air.

Nuair a bhí an áirc tógtha ag Naoi, thug sé na hainmhithe isteach inti.