An Féidir Leis na Mairbh Maireachtáil Arís?

DEIR AN BÍOBLA

“[Tá] aiséirí le bheith [ann].”—Gníomhartha 24:15, An Bíobla Naofa.

AN TAIRBHE ATÁ ANN DUITSE

Sólás nuair a fhaigheann daoine a bhfuil cion agat orthu bás. —2 Corantaigh 1:3, 4.

Ní bheidh tú scanraigh roimh an mbás.—Eabhraigh 2:15.

Fíordhóchas go mbeidh ár mairbh ar ais ina mbeo linn arís.—Eoin 5:28, 29.

AN FÉIDIR AN BÍOBLA A CHREIDIÚINT?

Is féidir, agus tá ar a laghad trí chúis leis seo:

• Is é Dia Cruthaitheoir na beatha. Tugann an Bíobla “foinse na beatha” ar Iehova Dia. (Salm 36:10, Gníomhartha 17:24, 25) Is cinnte go bhfuil sé ar chumas an Té a thug beatha do gach créatúr beo, an duine atá básaithe a thabhairt ar ais chun na beatha.

• Thóg Dia daoine ó na mairbh san am a caitheadh. Déanann an Bíobla cur síos ar ocht n-aiséirí inar tógadh daoine—óg, sean, fireann, agus baineann—ó na mairbh le maireachtáil ar an talamh. Bhí cuid acu nach raibh básaithe ach achar gearr, ach bhí duine acu a raibh ceithre lá caite sa tuama aige!—Eoin 11:39-44.

• Tá an-fhonn ar Dhia é a dhéanamh arís. Tá an ghráin ag Iehova ar an mbás; is namhaid é ina shúile. (1 Corantaigh 15:26) Tá sé “ag tnúth” leis an namhaid sin a chloí agus an bás a chur ar ceal trí aiséirí a thabhairt do na mairbh. Is fada leis go dtógfaidh sé ó na mairbh iad siúd atá ina chuimhne agus go bhfeicfidh sé beo ar an talamh arís iad.—Iób 14:14, 15.