Baisteadh—Sprioc Mhaith!

Dúirt Íosa go gcaithfidh Críostaithe a bheith baiste. (Léigh Matha 28:19, 20.) Céard atá i gceist le baisteadh? Agus céard a chaithfidh duine a dhéanamh chun an sprioc sin a bhaint amach?

1. Céard a chiallaíonn baisteadh?

Tagann an focal “baist” ón bhfocal Gréigise a chiallaíonn “tumadh” faoi uisce. Nuair a baisteadh Íosa, tumadh faoin uisce in abhainn na hIordáine é, ansin “tháinig sé aníos as an uisce.” (Marcas 1:9, 10) Mar an gcéanna inniu, nuair a bhaistear fíor-Chríostaithe tumtar faoi uisce iad.

2. Céard a léiríonn baisteadh?

Léiríonn duine go bhfuil sé tar éis é féin a thiomnú d’Iehova Dia nuair a bhaistear é. Cén chaoi a dtiomnaíonn duine é féin d’Iehova? Sula mbaistear é, guíonn sé chuige ag gealladh dó gurb eisean amháin atá sé ag dul a adhradh, agus go dtabharfaidh sé tús áite dá thoil ina shaol. “Séanadh sé é féin . . . agus leanadh” sé teagasc agus eiseamláir Íosa. (Matha 16:24) Nuair atá duine tiomnaithe agus baiste is féidir leis dlúthchairdeas a bheith aige le hIehova agus leo siúd a adhrann é.

3. Céard is gá a dhéanamh sula mbaistfear thú?

Ullmhaigh don bhaisteadh trí fhoghlaim faoi Iehova agus trí chreideamh a chothú ann. (Léigh Eabhraigh 11:6.) De réir mar a chuireann tú aithne ar Iehova, neartóidh do chreideamh agus do ghrá dó. Spreagfaidh sé sin thú chun insint do dhaoine eile faoi agus a thoil a dhéanamh. (2 Tiomóid 4:2; 1 Eoin 5:3) Nuair a bhíonn tú ag maireachtáil “mar is dual de réir an Tiarna agus go mbeadh sé lánsásta” leat, féadfaidh tú ansin do shaol a thiomnú do Dhia agus fáil baiste.—Colosaigh 1:9, 10.a

DÉAN TAIGHDE

4. Is féidir linn foghlaim ó bhaisteadh Íosa

Léigh Matha 3:13-17 le tuilleadh eolais a fháil faoi bhaisteadh Íosa. Pléigh na ceisteanna seo:

• Ar baisteadh Íosa nuair a bhí sé ina naíonán?

• Cén chaoi ar baisteadh é? An le cúpla braon uisce a baisteadh é?

Thosaigh Íosa ar an obair speisialta a thug Dia dó nuair a baisteadh é. Léigh Lúcás 3:21-23 agus Eoin 6:38, ansin pléigh an cheist seo:

• Tar éis d’Íosa fáil baiste, céard dó ar thug sé tús áite?

5. Baisteadh—sprioc réalaíoch

D’fhéadfadh sé go mbeadh an méid atá i gceist le tiomnú agus baisteadh beagán iomarcach duit. Mar sin féin, is féidir leat an dul chun cinn cuí a dhéanamh. Chun foghlaim faoi dhaoine a bhí sa mbád céanna leatsa seinn an FÍSEÁN.

FÍSEÁN: Building a Relationship With Jehovah (1:11)

Léigh Eoin 17:3 agus Séamas 1:5, ansin pléigh an cheist seo:

• Céard atá in ann cabhrú leat chun fáil réidh le bheith baiste?

1. Guíonn muid chuig Iehova ag gealladh dó gur mian linn freastal air go deo

2. Nuair a bhaistear muid, léirítear do dhaoine eile go bhfuil muid tiomnaithe d’Iehova

6. Ciallaíonn an baisteadh go mbeidh duine ina bhall de theaghlach Iehova

Nuair a bhaistear muid, bíonn muid inár mbaill de theaghlach aontaithe domhanda. Cé gur ó thíortha agus ó chúlraí difriúla muid, creideann muid go léir na rudaí céanna agus maireann muid de réir na gcaighdeán morálta céanna. Léigh Salm 25:14 agus 1 Peadar 2:17, ansin pléigh an cheist seo:

• Cén tionchar a bhíonn ag baisteadh ar an gcaidreamh atá ag duine le hIehova agus leis na daoine eile a adhrann É?

ACHOIMRE

Mhúin Íosa go gcaithfidh Críostaithe fáil baiste. Chun an sprioc sin a bhaint amach, caithfidh duine creideamh láidir a chothú in Iehova, maireachtáil de réir a chuid caighdeáin, agus é féin a thiomnú dó.

Súil Siar

• Cén bhrí atá le baisteadh, agus cén fáth a bhfuil sé tábhachtach?

• Cén gaol atá idir baisteadh agus tiomnú?

• Céard a chaithfidh duine a dhéanamh sula mbaistear é?

FIOSRAIGH

Faigh amach faoin méid atá i gceist le baisteadh.

“Céard Is Brí Le Baisteadh?” (alt ar líne)

Déan athbhreithniú ar an méid is gá chun go mbaistfear thú.

“Love and Appreciation for Jehovah Lead to Baptism” (The Watchtower, Márta 2020)

Léigh faoin gcúis a bhfuair fear amháin baiste.

“They Wanted Me to Prove the Truth to Myself” (The Watchtower, 1 Feabhra, 2013)

Smaoinigh ar an gcúis gur sprioc mhaith é an baisteadh agus an bealach le hullmhú dó.

“Should I Get Baptized?” (Questions Young People Ask—Answers That Work, Volume 2, caibidil 37)