Cén Sórt Neach é Iehova?

Céard a thagann chun cuimhne, nuair a smaoiníonn tú ar Iehova Dia? Ceapann daoine áirithe go bhfuil Dia éachtach, ach go bhfuil Sé i bhfad uathu, cosúil leis na réaltaí sa spéir. B’fhéidir go samhlaíonn tú go bhfuil Sé cumhachtach ach gan phearsantacht, cosúil le stoirm thoirní? Ach cén sórt neach é Iehova? Déanann an Bíobla cur síos ar thréithe Iehova agus ar an spéis atá aige ionat.

1. Cén fáth nach bhfuil muid in ann Dia a fheiceáil?

“Is Spiorad é Dia.” (Eoin 4:​24) Níl colainn dhaonna ag Iehova. Is Spiorad é a chónaíonn ar neamh, áit nach féidir linn a fheiceáil.

2. Céard iad cuid de thréithe Iehova?

Cé nach féidir Iehova a fheiceáil, is pearsa spioraid é le tréithe a théann i gcion orthu siúd a bhfuil aithne acu air. Deir an Bíobla: “Óir is geal leis an Tiarna an fhíréantacht agus ní thréigfidh sé a dhílseoirí go deo.” (Salm 37:28) Chomh fada is a bhaineann sé le daoine atá ag fulaingt tá Iehova “lán de thaise agus de thrócaire.” (Séamas 5:​11) “Bíonn an Tiarna i ngar don lucht coscartha [nó lucht an chroí bhriste] agus tarrthaíonn sé an dream atá do-mheanmnach [nó in ísle brí].” (Salm 34:​19, [34:18 i mBíoblaí eile]) An raibh a fhios agat go mbíonn tionchar ag na rudaí a dhéanann muid ar Iehova? Nuair a roghnaíonn duine drochrudaí a dhéanamh cuireann sé brón agus díomá air. (Salm 78:​40, 41) Ach an duine a dhéanann an rud ceart cuireann sé áthas ar a chroí.​—Léigh Seanfhocail 27:11.

3. Cén chaoi a gcuireann Iehova a ghrá in iúl dúinn?

Is é an grá an tréith is suntasaí de dhea-thréithe Iehova. Mar, “is é Dia an Grá.” (1 Eoin 4:8) Ní hé amháin go bhfuil grá Dé le feiceáil go soiléir sa mBíobla sa gcaoi ar chaith Sé leis an duine ach tá sé le feiceáil freisin sna rudaí a chruthaigh Sé. (Léigh Gníomhartha 14:17.) Smaoinigh ar an gcaoi a ndearna sé an duine. Chuir sé ar ár gcumas dathanna áille a fheiceáil, ceol aoibhinn a chloisteáil, agus bia blasta a bhlaiseadh. Tá sé ag iarraidh orainn sásamh a bhaint as an saol.

DÉAN TAIGHDE

4. An Spiorad Naomh ​—fórsa gníomhach Dé

Díreach mar a úsáideann muid ár lámha chun obair a dhéanamh, úsáideann Iehova a spiorad naomh. De réir an Bhíobla ní pearsa é an spiorad naomh, ach is fórsa é a úsáideann Dia chun rudaí a dhéanamh. Léigh Lúcás 11:13 agus Gníomhartha 2:​17, agus ansin pléigh na ceisteanna seo:

• “Doirtfidh” Dia a spiorad naomh orthu siúd a iarrann air é. Mar sin an gceapann tú gur pearsa é an spiorad naomh, nó an é fórsa gníomhach Dé é? Cén fáth a ndéarfá é sin?

Úsáideann Iehova a spiorad naomh chun rudaí iontacha a dhéanamh. Léigh Salm 33:6 agus 2 Peadar 1:​20, 21, agus ansin pléigh an cheist seo:

• Céard iad roinnt de na bealaí ar úsáid Iehova a spiorad naomh?

5. Tá pearsantacht tharraingteach ag Iehova

Bhí Maois dílis do Dhia, ach theastaigh uaidh aithne níos fearr a chur ar a Chruthaitheoir. Mar sin dúirt Maois le Dia: “nocht dom do bhealaí d’fhonn go dtuigfinn thú.” (Eaxodus 33:13) Mar fhreagra, nocht Iehova gnéithe áirithe dá phearsantacht do Mhaois. Léigh Eaxodus 34:​4-6, agus ansin pléigh na ceisteanna seo:

• Cé na tréithe dá chuid a nocht Iehova do Mhaois?

• Cé acu ceann de thréithe Iehova is mó a thaitníonn leatsa?

6. Tá suim ag Iehova i ndaoine

Bhí pobal Dé, na hEabhraigh, ina sclábhaithe san Éigipt. Cén tionchar a bhí ag a bhfulaingt ar Iehova? Seinn an TAIFEADADH agus éist leis, nó léigh Eaxodus 3:​1-​10. Ansin pléigh na ceisteanna a leanann.

CLOSMHEÁIN: Jehovah Cared About Their Suffering (2:​45)

• Céard a insíonn an cuntas seo duit faoin gcaoi a mothaíonn Iehova faoi fhulaingt an duine?​—Féach ar véarsaí 7 agus 8.

• An gceapann tú go bhfuil Iehova ag iarraidh cabhrú le daoine agus an bhfuil sé in ann é sin a dhéanamh? An bhfuil, nó nach bhfuil?

7. Nochtann an domhan nádúrtha tréithe Iehova

Tá pearsantacht Iehova le feiceáil sna rudaí a chruthaigh sé. Seinn an FÍSEÁN. Ansin léigh Rómhánaigh 1:​20, agus pléigh an cheist a leanann.

FÍSEÁN: Creation Reveals Jehovah’s Love​—The Human Body (1:​57)

• Cé na tréithe de chuid Iehova a fheiceann tú sna rudaí a rinne sé?

ACHOIMRE

Is Spiorad dofheicthe é Iehova le go leor tréithe tarraingteacha, go háirithe an grá.

Súil Siar

• Cén fáth nach bhfuil muid in ann Iehova a fheiceáil?

• Céard é an spiorad naomh?

• Céard iad cuid de thréithe Iehova?

FIOSRAIGH

Faigh tuiscint níos fearr ar Iehova trí staidéar a dhéanamh ar cheithre cinn dá dhea-thréithe.

“What Is God Like?” (The Watchtower Uimh. 1 2019)

Scrúdaigh an fhianaise a thugann le fios nach bhfuil Iehova i ngach rud.

“An Bhfuil Dia i nGach Áit?” (Alt ar líne)

Féach an chúis a dtagraíonn an Bíobla don spiorad naomh mar lámha Dé.

“Céard é an Spiorad Naomh?” (Alt ar líne)

Níor chreid fear dall go raibh suim ag Dia ann. Faigh amach faoin gcúis ar tháinig athrú intinn air.

“I Now Feel That I Can Help Others” (The Watchtower, 1 Deireadh Fómhair, 2015)