CEACHT 39
Dearcadh Dé ar Fhuil
Tá fuil ríthábhachtach. Gan í, ní féidir le haon duine againn maireachtáil. Tá sé de cheart ag ár gCruthaitheoir an úsáid a bhaintear as fuil a leagan síos. Céard atá ráite aige faoi fhuil? An féidir an fhuil a fhuilaistriú nó a ithe? Cén chaoi ar féidir cinntí maithe a dhéanamh faoi fhuil?
1. Céard é dearcadh Iehova ar fhuil?
Dúirt Iehova lena lucht adhradh in aimsir an Bhíobla: “Óir fuil gach feola is anam di.” (Léivític 17:14) Seasann an fhuil don bheatha i súile Iehova. Ós rud é gur bronntanas naofa ó Dhia í an bheatha, tá fuil naofa freisin.
2. Cén úsáid nach gceadaíonn Dia a bhaint as fuil?
D’ordaigh Iehova do na chéad Chríostaithe gan fuil a ithe. (Léigh Geineasas 9:4 agus Léivític 17:10.) Dheimhnigh sé an t-ordú seo nuair a d’ordaigh an bord stiúrtha do Chríostaithe leanúint orthu ag “staonadh . . . ó fhuil.”—Léigh Gníomhartha 15:28, 29.
Céard a chiallaíonn sé staonadh ó fhuil? Dá ndéarfadh dochtúir leat staonadh ó alcól, ní ólfá é. An íosfá bia a bhfuil alcól ann nó an dtógfá isteach trí do chuid féitheacha é? Dar ndóigh, ní dhéanfá é sin. Mar an gcéanna, ciallaíonn ordú Dé nár cheart dúinn fuil a ól ná feoil nach bhfuil an fhuil ligthe aisti a ithe. Níor cheart dúinn ach an oiread aon bhia a bhfuil fuil curtha leis a ithe.
Céard faoi úsáid na fola i gcóir leighis? Sáraíonn gnáthamh leighis áirithe dlíthe Dé. Ina measc seo tá fuil aistriú iomlán nó aon cheann de na ceithre phríomhpháirt den fhuil—fuilchealla dearga, fuilchealla bána, pláitíní agus fuilphlasma. Seans nach sárú amach is amach ar dhlí Dé iad gnáthamh leighis eile. Mar shampla, baineann cuid de na gnáthaimh le codáin fhola i gceithre phríomhpháirt den fhuil. Baineann cuid eile acu le húsáid fuil an duine féin. Agus muid ag machnamh ar na roghanna seo, caithfidh gach duine againn cinneadh pearsanta a dhéanamh.a—Galataigh 6:5.
DÉAN TAIGHDE
Scrúdaigh an bealach le cinntí maithe a dhéanamh maidir le húsáid na fola.
3. Déan cinntí faoi chóir leighis a shásóidh Iehova
Guí le haghaidh eagna.—Séamas 1:5.
Déan taighde ar phrionsabail an Bhíobla agus an bhaint atá acu leatsa.—Seanfhocail 13:16.
Faigh amach faoi na roghanna cóir leighis atá ar fáil i do cheantar.
Cuir na cinn nach nglacann tú leo as an áireamh.
Déan cinnte go bhfágfaidh do chinneadh le coinsias glan thú.—Gníomhartha 24:16.b
Níl sé de cheart ag aon duine insint duit cén cinneadh ar chóir duit a dhéanamh nuair a thagann sé go dtí an coinsias.—Rómhánaigh 14:12.
Cuir do chinneadh i scríbhinn.
4. Lorgaíonn Finnéithe Iehova cúram leighis atá ar ardchaighdeán
Is féidir cloí le dlíthe Dé maidir le fuil agus cóir leighis atá ar ardchaighdeán a fháil gan fuil a úsáid. Seinn an FÍSEÁN.
Léigh Títeas 3:2, ansin plé an cheist seo:
Cén fáth ar chóir dúinn a bheith measúil agus cabhrach nuair atá muid ag déileáil le proifisiúnaigh leighis?
Ní ghlactar le |
Faoi choinsias an Chríostaí |
|---|---|
A. Fuilphlasma |
Codáin de fhuilphlasma |
B. Fuilchealla bána |
Codáin de fhuilchealla bána |
C. Pláitíní |
Codáin de phláitíní |
D. Fuilchealla dearga |
Codáin de fhuilchealla dearga |
5. Nuair atá codáin fhola i gceist
Tá ceithre phríomhpháirt sa bhfuil—fuilchealla dearga, fuilchealla bána, pláitíní, agus fuilphlasma. Is féidir iad seo a bhriseadh síos ina gcodanna níos lú ar a dtugtar codáin fhola.c Úsáidtear cuid de na codáin fhola seo i gcóir leighis chun troid in aghaidh galair agus chun sruth fola a stopadh.
Nuair a thagann sé go dtí codáin fhola, ní mór do gach Críostaí a chinneadh féin a dhéanamh bunaithe ar a choinsias atá oilte ag an mBíobla. D’fhéadfadh roinnt daoine diúltú do chóir leighis ina bhfuil codáin fhola ann ach ceadaíonn a choinsias do dhuine eile an chóir leighis chéanna a thógáil.
Ag déanamh do chinneadh duit, smaoinigh ar an gceist seo:
Cén chaoi a míneoinn do dhochtúir an chúis a ndiúltóinn nó a nglacfainn le húsáid codáin fola áirithe?
FIAFRAÍONN DAOINE ÁIRITHE: “Céard atá mícheart le fuilaistriú a ghlacadh?”
Céard a cheapann tú?
ACHOIMRE
Tá Iehova ag iarraidh orainn mí-úsáid fola a sheachaint.
Súil Siar
Cén fáth a bhfuil fuil naofa i súile Iehova?
Cén chaoi a bhfuil a fhios againn go mbaineann ordú Dé staonadh ó fhuil le fuilaistriú?
Cén chaoi ar féidir liom cinneadh ceart a dhéanamh maidir le gnáthamh leighis a bhaineann le fuil?
FIOSRAIGH
Céard ar chóir a chur san áireamh maidir le gnáthamh leighis agus do chuid fola féin?
“Questions From Readers” (The Watchtower, 15 Deireadh Fómhair 2000)
Céard atá le cur san áireamh agus cinneadh á dhéanamh ar cheart duit glacadh le codáin fhola?
“Questions From Readers” (The Watchtower, 15 Meitheamh 2004)
Céard a thug le fios do dhochtúir amháin go raibh dearcadh Iehova ar fhuil réasúnach?
Foghlaim faoin gcaoi a dtugann seanóirí atá ar na Coistí IdirChaidreamh Ospidéil tacaíocht dár mbráithre.
b Féach pointe 5, “Nuair atá Codáin Fhola i gCeist,” agus Aguisín 3, “Gnáthamh Leighis a Bhaineann le Fuil.”
c Breathnaíonn roinnt dochtúirí ar na ceithre phríomhpháirt den fhuil mar chodáin fola. Mar sin, ní mór duit an cinneadh pearsanta atá déanta agat gan glacadh le fuilaistriú de lán fhuil ná de na ceithre phríomhpháirt den fhuil, sé sin, fuilchealla dearga, fuilchealla bána, pláitíní agus fuilphlasma a mhíniú go soiléir.