• Lala 14:1-7
    Ŋmalɛ Krɔŋkrɔŋ Lɛ Jeŋ Hee Shishitsɔɔmɔ

    • 14 Buulu* kɛɔ yɛ etsui mli akɛ:

      “Yehowa ko bɛ.”+

      Amɛnifeemɔi ehiii, ni amɛfeɔ nyaŋemɔ nii;

      Mɔ ko bɛ ni feɔ ekpakpa.+

       2 Shi Yehowa jɛɔ ŋwɛi ekwɛɔ gbɔmɛi abii

      Akɛ ebaana akɛ mɔ ko yɛ sɛɛyoomɔ lo, akɛ mɔ ko miitao Yehowa sɛɛ gbɛ lo.+

       3 Amɛ fɛɛ amɛgba afã;+

      Amɛ fɛɛ amɛfite.

      Mɔ ko bɛ ni feɔ ekpakpa,

      Mɔ kome folo po bɛ.

       4 Ani efɔŋfeelɔi lɛ ateŋ mɔ ko mɔ ko leee nii?

      Amɛmiɔ miwebii lɛ tamɔ nɔ ni amɛmiiye nii.*

      Amɛbooo amɛtsɛɛɛ Yehowa.

       5 Shi gbeyei baamɔmɔ amɛ waa,+

      Ejaakɛ Yehowa kɛ jalɔi ayinɔ lɛ yɛ.

       6 Nyɛ efɔŋfeelɔi, nyɛbɔɔ mɔdɛŋ akɛ nyɛbaafite mɔ ni bɛ yelikɛbualɔ lɛ yiŋtoi,

      Shi Yehowa ji ebobaahe.+

       7 Miná kulɛ Israel yiwalaheremɔ lɛ baajɛ Zion kɛba!+

      Be ni Yehowa baahã emaŋ ni aŋɔ amɛ nom lɛ aku amɛsɛɛ kɛba lɛ,

      Kulɛ Yakob baanya, Israel mii baashɛ ehe.