• Lala 53:yiteŋgbɛ niŋmaa-6
    Ŋmalɛ Krɔŋkrɔŋ Lɛ Jeŋ Hee Shishitsɔɔmɔ

    • Kɛhã lalatsɔɔlɔ lɛ; yɛ Mahalat* gbɛ nɔ. Maskil.* David nɔ.

      53 Buulu* kɛɔ yɛ etsui mli akɛ:

      “Yehowa ko bɛ.”+

      Nibii fɔji ni amɛfeɔ lɛ ehiii kwraa, ni eyɛ nyaŋemɔ hu;

      Mɔ ko bɛ ni feɔ ekpakpa.+

       2 Shi Nyɔŋmɔ jɛɔ ŋwɛi ekwɛɔ gbɔmɛi abii+

      Akɛ ebaana akɛ mɔ ko yɛ sɛɛyoomɔ lo, akɛ mɔ ko miitao Yehowa sɛɛ gbɛ lo.+

       3 Amɛ fɛɛ amɛgba afã;

      Amɛ fɛɛ amɛfite.

      Mɔ ko bɛ ni feɔ ekpakpa,

      Mɔ kome folo po bɛ.+

       4 Ani efɔŋfeelɔi lɛ ateŋ mɔ ko mɔ ko leee nii?

      Amɛmiɔ miwebii lɛ tamɔ nɔ ni amɛmiiye nii.*

      Amɛbooo amɛtsɛɛɛ Yehowa.+

       5 Shi gbeyei baamɔmɔ amɛ waa,

      Gbeyeishemɔ ni amɛnako ehenɔ pɛŋ,*

      Ejaakɛ Nyɔŋmɔ baagbɛ mɛi ni tutuaa bo lɛ* awui eshwã.

      Obaahã amɛhiɛ agboi ejaakɛ Yehowa ekwa amɛ.

       6 Miná kulɛ, Israel yiwalaheremɔ lɛ baajɛ Zion kɛba!+

      Be ni Yehowa baahã ewebii ni aŋɔ amɛ nom lɛ aku amɛsɛɛ kɛba lɛ,

      Kulɛ Yakob baanya, Israel mii baashɛ ehe.

  • Romabii 3:10-12
    Ŋmalɛ Krɔŋkrɔŋ Lɛ Jeŋ Hee Shishitsɔɔmɔ

    • 10 tamɔ bɔ ni aŋma lɛ, akɛ: “Gbɔmɔ ko bɛ ni ji jalɔ, mɔ kome folo po bɛ;+ 11 mɔ ko mɔ ko bɛ ni yɔɔ sɛɛyoomɔ; mɔ ko mɔ ko bɛ ni taoɔ Nyɔŋmɔ sɛɛ gbɛ. 12 Gbɔmɛi fɛɛ egbá afã, amɛ fɛɛ kwa amɛtsɔmɔ mɛi ni ehiii hãaa nɔ ko; mɔ ko mɔ ko bɛ ni jieɔ mlihilɛ kpo, mɔ kome folo po bɛ.”+