Bɔ Ni Ooofee Okɛ Wolo Nɛɛ Atsu Nii

Obaana ŋmalɛ kɛhã gbi fɛɛ gbi kɛ nakai ŋmalɛ lɛ mlitsɔɔmɔ hu yɛ baafai ni nyiɛ sɛɛ lɛ amli. Eyɛ mli akɛ abaanyɛ akane ŋmalɛ lɛ kɛ emlitsɔɔmɔ lɛ be fɛɛ be moŋ, shi mɛi pii ena akɛ sɛɛnamɔ yɛ he akɛ abaafee lɛ leebi. Kɛkɛ lɛ amɛbaanyɛ amɛjwɛŋ gbi lɛ ŋmalɛ lɛ kɛ emlitsɔɔmɔ lɛ nɔ yɛ gbi lɛ mli fɛɛ. Kɛ́ nyɛfee ekome kɛsusu ŋmalɛ lɛ he akɛ weku lɛ, ehe baa sɛɛnamɔ waa. Betel wekui ni yɔɔ je lɛŋ fɛɛ lɛ feɔ nakai kɛ́ amɛyaaye nii leebi.

Ajie mlitsɔɔmɔi lɛ kɛjɛ Buu-Mɔɔ (w) ni je kpo yɛ April 2021 kɛyashi March 2022 lɛ mli. Klɛŋklɛŋ yibɔ ni nyiɛ Buu-Mɔɔ ní atsɔɔ akɛ ajie mlitsɔɔmɔ lɛ kɛjɛ mli lɛ sɛɛ lɛ tsɔɔ baafa loo baafai ni ajie mlitsɔɔmɔ lɛ kɛjɛ. Yibɔ nɛɛ sɛɛ lɛ, atsɔɔ kuku loo kukuji amli ni ajie mlitsɔɔmɔ lɛ kɛjɛ. (Kwɛmɔ nɔkwɛmɔnɔ ni yɔɔ shishigbɛ lɛ.) Abaanyɛ ana saji krokomɛi ni kɔɔ sane ni asusuɔ he lɛ he yɛ Buu-Mɔɔ nikasemɔ ni ajie ŋmalɛ lɛ yɛ mli lɛ mli.