Nifeemɔ ko ni sa Kaimɔ

MƐNI ji nifeemɔ nɛɛ? Ekɔɔ nuu ko ni gbo aaafee afii 2,000 ni eho nɛ lɛ gbele he. Nuu nɛɛ wie akɛ: “Miŋɔɔ miwala miŋmɛɔ shi, koni maŋɔ lɛ ekoŋŋ. Mɔ ko shɔ̃ɔɔ yɛ midɛŋ, shi moŋ mi diɛŋtsɛ miŋɔ ŋmɛɔ shi.” (Yohane 10:17, 18) Nakai nuu lɛ ji Yesu Kristo.

Yesu fã esɛɛnyiɛlɔi lɛ ni amɛye efɔleshãa gbele lɛ he Kaimɔ gbi jurɔ. Atsɛ́ɔ nifeemɔ nɛɛ akɛ “Nuŋtsɔ niyenii” loo “Nuŋtsɔ lɛ gbɛkɛnaashi niyenii.” (1 Korintobii 11:20; NW) Yehowa Odasefoi kɛ amɛnanemɛi baaye Kaimɔ ni Yesu to shishi koni akɛkai egbele lɛ he gbi jurɔ lɛ yɛ Soo, March 24, afi 2005 beni hulu enyɔ shi.

Abaaha Biblia mli wiemɔ ni baatsɔɔ nɔ ni aboloo ni masha bɛ mli kɛ wein tsuru ni akɛtsuɔ nii yɛ nifeemɔ lɛ shishi lɛ damɔ shi kɛha lɛ mli. (Mateo 26:26-28) Wiemɔ ni abaaha lɛ hu baaha sanebimɔi tamɔ: Shii enyiɛ esa akɛ Kristofoi akai nifeemɔ nɛɛ? Namɛi esa akɛ amɛye okadi aboloo loo amɛnu okadi wein lɛ eko? Namɛi náa Yesu gbele lɛ he sɛɛ? lɛ ahetoo. Kaimɔ ni he hiaa nɛɛ baaye ebua mɔ fɛɛ mɔ koni enu yiŋtoo ni yɔɔ Yesu shihilɛ sɛɛ kɛ nɔ hewɔ ni ebagbo lɛ shishi jogbaŋŋ.

Wɔmiihere bo atuu kɛmiiba Yesu gbele lɛ Kaimɔ lɛ shishi. Ofainɛ bi Yehowa Odasefoi ni yɔɔ he ni oyɔɔ lɛ ni amɛtsɔɔ bo he pɔtɛɛ kɛ be ni akɛbaafee.