Mɛni Biblia lɛ Kɛɔ?

Ani Nyɔŋmɔ hãa sɔlemɔi fɛɛ ahetoo?

NAMƐI OBAAKƐƐ EHÃA AMƐSƆLEMƆI AHETOO?:

• Mɔ fɛɛ mɔ

• Mɛi komɛi

• Ehãaa mɔ ko mɔ ko hetoo

NƆ NI BIBLIA LƐ KƐƆ

‘Yehowa bɛŋkɛɔ mɛi fɛɛ ni tsɛɔ lɛ yɛ anɔkwale mli lɛ.’​—Lala 145:18.

MƐNI HU WƆKASEƆ KƐJƐƆ BIBLIA LƐ MLI?

• Nyɔŋmɔ booo mɛi ni tseɔ ehiɛ atua lɛ asɔlemɔi atoi. (Yesaia 1:15) Shi kɛ́ amɛtsake amɛgbɛi fɔji lɛ, Nyɔŋmɔ kɛ amɛ ‘baatao naa.’​—Yesaia 1:18.

• Kɛ́ Nyɔŋmɔ baabo sɔlemɔ ko toi lɛ, esa akɛ ekɛ etaomɔ nii ni yɔɔ Biblia lɛ mli lɛ akpã gbee.—1 Yohane 5:14.

Ani esa akɛ wɔkula shi, wɔta shi, loo wɔdamɔ shi kɛ́ wɔmiisɔle?

MƐI KOMƐI HEƆ YEƆ akɛ be fɛɛ be ni amɛbaasɔle lɛ, esa akɛ amɛkula shi, amɛma amɛyi shi, loo amɛkɛ amɛnine awo amɛsɛɛ. Te bo hu osusuɔ tɛŋŋ?

NƆ NI BIBLIA LƐ KƐƆ

Nyɔŋmɔ bo mɛi komɛi ni ‘ta shi’ loo mɛi komɛi ni “te shi” damɔ shi loo mɛi komɛi ni kɛ ‘amɛhe tswiatswia shi’ loo mɛi komɛi ni “kula shi” amɛsɔle lɛ atoi. (1 Kronika 17:16; 2 Kronika 30:27; Ezra 10:1; Bɔfoi 9:40) Enɛ hewɔ lɛ, Nyɔŋmɔ kpaaa gbɛ akɛ wɔkula shi, wɔta shi, loo wɔdamɔ shi kɛ́ wɔmiisɔle.

MƐNI HU WƆKASEƆ KƐJƐƆ BIBLIA LƐ MLI?

• Nyɔŋmɔ boɔ mɛi ni baa amɛhe shi lɛ asɔlemɔ toi.—Lala 138:6.

• Obaanyɛ osɔle yɛ wiemɔ fɛɛ wiemɔ mli loo yɛ otsuiŋ po.​—2 Kronika 6:32, 33; Nehemia 2:1-6.