Sɔɔmɔ Kpeei Kɛha January

KADIMƆ: Ato Sɔɔmɔ kpee he gbɛjianɔ aha otsi fɛɛ otsi yɛ January mli. Asafoi baanyɛ afee tsakemɔi ni sa yɛ otsii lɛ eko mli ni ana minitii 30 kɛha kpokpaa wulu nɔ kpee lɛ shishi wiemɔi amlitii.

Otsi ni Jeɔ Shishi January 6

Lala 168

15 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ mli. “Maŋtsɛyeli Sɔɔmɔ Skul kɛ Teokrase Tsɔsemɔ Haa.” Akɛ woji tɛtrɛbii lɛ amli saji ni kɔɔ gbijuji ayeli kɛ saji krokomɛi ahe afata he. Atsi saji pɔtɛɛ ni abaanyɛ akɛtsu nii yɛ shiɛmɔ mli lɛ ata. Awo Hɔɔ woji tɛtrɛbii ajaa nitsumɔ he hewalɛ.

18 min: “Wɔ Nyɛsɛɛ Yinɔsane Nɛɛ Mli Nikasemɔi Sɔrɔtoi.” Sanebimɔ kɛ hetoo. Ama nɔ mi akɛ nɔ ni eho lɛ baanyɛ afee gbɛtsɔɔmɔ nɔ aha ŋmɛnɛ kɛ wɔsɛɛ be mli hu. Ato gbɛjianɔ ni afee nɔkwɛmɔ nɔ ni miitsɔɔ bɔ ni shiɛlɔi enyɔ loo etɛ toɔ otii ni amɛkɛmamɔ amɛhiɛ yɛ sɔɔmɔ afi hee nɛɛ mli lɛ he gbɛjianɔ, ni amɛtsɔɔ yiŋtoo hewɔ ni amɛkɛ otii nɛɛ mamɔ amɛhiɛ lɛ.

10 min: Sanebimɔ He. Onukpa ko atsu he nii. Ama nɔ hewɔ ni ehe hiaa ni wɔkwɛ wɔjeŋba jogbaŋŋ yɛ baptisimɔ be mli kɛ bɔ ni esaa Yehowa kɛ Maŋtsɛyeli sane lɛ he ehaa lɛ nɔ mi.

Lala 166 kɛ naagbee sɔlemɔ.

Otsi ni Jeɔ Shishi January 13

Lala 166

5 min: Asafoŋ adafitswai. Atsu Teokrase lɛ He Saji ahe nii.

15 min: “Kɛ Gbekɛbii akɛ Shiɛlɔi.” Akɛ toibolɔi asusu enɛ he. Kɛ ashɛ kuku 2 lɛ, afee bɔ ni weku yitso miitsɔɔ gbekɛ ko bɔ ni akɛ dɛhiɛmɔ woji kɛ woji tɛtrɛbii haa lɛ he nɔkwɛmɔ nɔ. No sɛɛ lɛ gbekɛ lɛ hu kɛ weku lɛ mlinyo ko afee bɔ ni akɛ dɛhiɛmɔ woji loo woji tɛtrɛbii lɛ haa he nɔkwɛmɔ nɔ. Kɛ ashɛ kuku 5 lɛ, afee weku yitso kroko kɛ ebii ni amɛdara saŋŋ shi amɛjeee shiɛlɔi ahe nɔkwɛmɔ nɔ. Tsɛ lɛ adamɔ sane nɛɛ nɔ atsɔɔ bɔ ni ehe hiaa ni akɛ ŋaawoo ni jɛ gbɛjianɔtoo lɛ ŋɔɔ lɛ atsu nii yɛ weku lɛ mli lɛ mli. No sɛɛ lɛ ehala saji otii ni jɛ sane nɛɛ mli ni ehe hiaa ni eweku lɛ atsu he nii, ni etsɔɔ bɔ ni eto gbɛjianɔ ni ebaatsu he nii amrɔ nɔŋŋ lɛ mli.

15 min: Medical Document ni Afee lɛ Ehee. Woloŋmalɔ lɛ aha aja Advance Medical Directive hee lɛ aha asafo lɛ mlibii ni abaptisi amɛ lɛ koni asusu November 2, 1991 wolo ni kɔɔ medical document kɛha shiɛlɔi ni abaptisi amɛ lɛ kɛ Identity Card kɛha fɔlɔi ni ji Odasefoi lɛ abii bibii ni abaptisiko amɛ lɛ he. Kɛ aasaa he lɛ, asusu May 15, 1990 wolo ni aŋma lɛ he koni ana saji ni sa kɛha asafo lɛ mli hiamɔ nii. Esa akɛ ama nɔ mi akɛ esa akɛ mɛi enyɔ ni kɛ amɛwao naa gbɛi woɔ shishi akɛ odasefoi lɛ ana be mli ni akɛ wao naa gbɛi woɔ shishi lɛ koni amɛ diɛŋtsɛ hu amɛkɛ amɛwao naa gbɛi awo shishi. Akɛ toibolɔi lɛ asusu nɔ hewɔ ni ehe hiaa ni anyiɛ emli ŋaawoo ni akɛha lɛ sɛɛ pɛpɛɛpɛ koni anyɛ akɛ woji lɛ atsu nii kɛmɔ shi kɛha wɔhebuu lɛ he.

Lala 196 kɛ naagbee sɔlemɔ.

Otsi ni Jeɔ Shishi January 20

Lala 169

10 min: Asafoŋ adafitswai. Akɛ shika he amaniɛbɔɔ kɛ onia ni asafo lɛ etsu ni akɛmaje Asafo lɛ ni akpɛlɛ nɔ afata he. Atsɔɔ otsi lɛ naagbee odaseyeli he gbɛjianɔtoo lɛ mli.

10 min: “Babaoo ni Wɔɔfee yɛ Yehowa Sɔɔmɔ Mli.” Sanebimɔ kɛ hetoo. Akɛ weku ni mɛi ejwɛ yɔɔ mli afee enɛ he nɔkwɛmɔ nɔ. Tsɛ lɛ kɛ 1992 kalendar lɛ atsu nii ni ekɛ weku lɛ asusu amɛ be he gbɛjianɔtoo yɛ February mli lɛ he. Esusu gbii ni amɛbaatu amɛma shi amɛha sɔɔmɔ nitsumɔ kɛ bɔ ni ekɛ weku lɛ mlibii lɛ ateŋ mɔ fɛɛ mɔ baatsu nii lɛ he.

15 min: “Gbɛgbamɔ​—Sɔɔmɔ Ni Kɛ Nyɔmɔwoo Babaoo Baa.” Sanebimɔ kɛ hetoo. Abibii gbɛgbalɔi enyɔ sane. Mɛɛ gbɛtsii nii ehe bahia ni amɛye nɔ kunim dani amɛbote gbɛgbamɔ sɔɔmɔ mli? Mɛni kanya amɛ kɛha gbɛgbamɔ? Mɛni eye ebua amɛ ni amɛye omanye yɛ amɛ gbɛgbamɔ mli lɛ? Awo hewalɛ ni mɔ fɛɛ mɔ kɛ sɔlemɔ asusu shihilɛ mli ni eyɔɔ lɛ he.

Lala 40 kɛ naagbee sɔlemɔ.

Otsi ni jeɔ Shishi January 27

Lala 197

10 min: Asafoŋ adafitswai. Afee woji tɛtrɛbii heei lɛ kɛhamɔ he nɔkwɛmɔ nɔ. Asusu nɔ ni abaanyɛ afee kɛ ajieee miishɛɛ diɛŋtsɛ kpo lɛ he.

20 min: “Shika ni Akɛfaa Nanemɛi Kristofoi.” Wiemɔ ni damɔ October 15, 1991 (No. 20) Buu-Mɔɔ lɛ baafa 25 kɛyashi 28 nɔ. Aha yitsei bibii lɛ kɛ eko fɛɛ eko mli saji lɛ aje kpo faŋŋ. Ama bɔ ni ehe hiaa ni akɛ Kristofoi ashishitoo mlai aaatsu nii nɔ mi.

10 min: ‘Kanemɔ Nii ni Okɛlɛɛ Onilee Mli.’ Teokrase Sɔɔmɔ Skul nɔkwɛlɔ lɛ baatsu enɛ he nii. Wiemɔ ni damɔ Awake! July 22, 1991, baafai 25-7 nɔ, ni miima bɔ ni ehe hiaa ni ale woloŋ ni atsɔmɔ wolo kanelɔi kpakpai lɛ anɔ mi. Aye abua toibolɔi ni amɛyoo akɛ ni amɛnaa aaatse yɛ nikanemɔ mli lɛ pɛ kɛkɛ faaa; esa akɛ wɔnyɛ wɔnu nɔ ni wɔkaneɔ lɛ shishi jogbaŋŋ.

Lala 201 kɛ naagbee sɔlemɔ.