Sɔɔmɔ Kpeei Kɛha February
Otsi ni jeɔ shishi February 1
10 min: Asafoŋ adafitswai kɛ Adafitswai ni sa jɛ Wɔ Maŋtsɛyeli Sɔɔmɔ lɛ mli. Akɛɛ asafo lɛ ni amɛkɛ Insight, Volume 1 aba wɔsɛɛ otsi Sɔɔmɔ Kpee lɛ, kɛha fa ni hiɛ minitii 15 lɛ.
10 min: Ni Aaatsi He Kɛaajɛ La Hamɔ Mli Naagbai Ahe—Be ni Wɔbaafee Wɔ Advance Medical Directive Woji lɛ Ehee. Onukpa ni tsuɔ fa nɛɛ he nii lɛ baaha aja woji hee lɛ aha shiɛlɔi ni abaptisi amɛ lɛ, ni ebaasusu wolo ni aŋma yɛ November 2, 1991, ni tsɔɔ bɔ ni akɛ woji nɛɛ tsuɔ nii ahaa lɛ he jogbaŋŋ. Kɛji aasaa he lɛ, esa ake ati Asafo lɛ wolo ni Ji CS:DD May 16, 1990 lɛ mli saji amli jogbaŋŋ Esa akɛ mɛi ni kɛ amɛwaonaa gbɛi woɔ nɔ akɛ ehe Odasefoi lɛ ana akɛ mɔ lɛ hu diɛŋtsɛ kɛ ewaonaa gbɛi ewo nɔ. Awo mɛi fee hewalɛ ni amɛŋmala woji hee lɛ dani amɛshi Maŋtsɛyeli Asaa lɛ nɔ. Esaaa ni shiɛlɔi ni abaptisi amɛ lɛ shiɔ shia ni amɛhiɛɛɛ amɛ Advance Medical Directive/Release woji lɛ. Esa akɛ gbekɛbii bibii ni abaptisiko amɛ, ni amɛfɔlɔi ji Odasefoi lɛ ahiɛ Identity Card woji lɛ eko be fɛɛ be. Nyɛsɛɛ nɛɛ ni abi he sane yɛ asafo ko mli lɛ, ena akɛ yɛ shiɛlɔi 5 fɛɛ mli lɛ, shiɛlɔ 1 ehiɛɛɛ ewolo lɛ, ni gbekɛbii lɛ ateŋ mɔ ko kwraa ehiɛɛɛ Identity Card wolo lɛ eko. Yɛ naamuu mli lɛ, kanemɔ Abɛi 22:3 ni okɛto sane lɛ he.
20 min: Nyɛ asafo lɛ hiamɔ nii aloo wiemɔ ni yitso ji ‘Na Jwɛŋmɔ Kpakpa yɛ Hiɛtserɛjiemɔ He,’ ni damɔ November 8, 1992, Awake! lɛ baafai 3-10 nɔ.
Lala 139 kɛ naagbee sɔlemɔ.
Otsi ni jeɔ shishi February 8
Lala 162
10 min: Asafoŋ adafitswai. Atsɔɔ gbɛjianɔ ni ato kɛha otsi naagbee shiɛmɔyaa.
20 min: “Shiɛmɔ Nyɔŋmɔ Gbɛ ni Yaa Toiŋjɔlɛ kɛ Shweshweeshwe Shihilɛ Mli Lɛ.” Sanebimɔ-kɛ-hetoo ni akɛaasusu sane lɛ he. Awo shiɛlɔi Iɛ hewalɛ ni amɛkɛ dɛhiɛmɔ woji atsu nii yɛ shiɛmɔ mli. Kɛ asusu kuku 3 he agbe naa lɛ, aha shiɛlɔ ni esaa ehe jogbaŋŋ afee bɔ ni aaafee aje Biblia mli nikasemɔ shishi yɛ jɛmɛ yaa klɛŋklɛŋ aloo yɛ sɛɛsaramɔ mli lɛ he nɔkwɛmɔ nɔ, kɛtsɔ Ani Je Nɛɛ Baaya nɔ Ahi Shi? dɛhiɛmɔ wolo lɛ kɛ nitsumɔ nɔ. Shiɛlɔ: “Ojekoo. Wɔkɛ mɛi fɛɛ miigba bɔ ni shihilɛ lɛ efee ŋmɛnɛ lɛ he sane. Ani nɔ ni onaa ni miiya nɔ yɛ gbɔmɛi ashihilɛ mli ŋmɛnɛ lɛ haa otsui nyɔɔ omli.” Shiatsɛ: “Dabi kwraa.” Shiɛlɔ: “Ani osusuɔ akɛ shihilɛ nɛɛ baatsake ni ebaahi?” Shiatsɛ: “Minyɛŋ male.” Shiɛlɔ lɛ kɛ dɛhiɛmɔ wolo lɛ ha lɛ ni ekɛɛ: “Mɛi komɛi susuɔ akɛ nɔ ni yaa nɔ nɛɛ miiwo Biblia mli gbalɛ obɔ, ni ákɛ je lɛ naagbee lɛ ebɛŋkɛ kpaakpa. Te osusuɔ yɛ he tɛŋŋ?” Shiatsɛ: “Minyɛŋ maIe. Shi misusuɔ akɛ eeenyɛ ebale nakai.” No sɛɛ lɛ shiɛlɔ lɛ wie dɛhiɛmɔ wolo lɛ he ni egbala mli etsɔɔ lɛ akɛ je lɛ naagbee etsɔɔɔ ŋwɛi kɛ shikpɔŋ diɛŋtsɛ ni wɔnaa nɛɛ naagbee. Shiɛlɔ lɛ to gbɛjianɔ kɛha saramɔ kroko koni amɛsusu Biblia mli odaseyeli ni tsɔɔ akɛ amrɔ nɛɛ nibii agbɛjianɔtoo nɛɛ naagbee Iɛ ebɛŋkɛ lɛ he.
15 min: “Nyɛnyaa yɛ Hiɛnɔkamɔ Mli.” Wiemɔ kuku ni kɔɔ Romabii 12:12 he ni tsɔɔ akɛ hiɛnɔkamɔ haa Kristofonyo ŋmɛɔ etsui shi kɛ nyamɔ. Akɛ toibolɔi asusu sanebimɔi ni nyiɛ sɛɛ nɛɛ, ni damɔ Insight Volume 1, baafai 1137-40 nɔ lɛ ahe. (1) Mɛɛ wekukpaa nɔ hiɛnɔkamɔ diɛŋtsɛ ni mɔ ko aaana lɛ damɔ? (Efes. 2: 11, 12) (2) Mɛni hewɔ wɔyɔɔ nɔmimaa yɛ naanɔ wala he hiɛnɔkamɔ lɛ he lɛ? (Heb. 6:17-20)(3) Mɛɛ shiwoo wɔyɔɔ ni tsɔɔ akɛ shikpɔŋ nɔ gbohiiashitee ko baaba kɛ̃? (Bɔf. 17:31; 24:15) (4) Mɛɛ gbɛ nɔ wɔɔtsɔ wɔwaje wɔ Kristofoi ahiɛnɔkamɔ lɛ? (Heb. 3:6: 6:11; Rom. 5:2-5) (5) Mɛɛ gbɛ nɔ “yiwalaheremɔ nɔhiɛkamɔ” lɛ he baa sɛɛnamɔ kɛhaa wɔ yɛ? (2 Kor. 3:12; 1 Tes. 1:3: 5:8; 1 Yoh. 3:2, 3) Amu naa kɛ wiemɔi ni tsɔɔ bɔ ni sa akɛ wɔhiɛnɔkamɔ Iɛ akanya wɔ aha. Eyɛ mli akɛ amrɔ nɛɛ wɔnine shɛko nyɔmɔwoo lɛ nɔ moŋ, shi esa akɛ wɔhiɛnɔkamɔ lɛ awaje wɔ kɛji wɔkɛ kaai miikpe, ni esa akɛ etsirɛ wo ni wɔtaoɔ gbɛi fee ni wɔɔtsɔ nɔ koni wɔkɛ mɛi krokomɛi awie he.—1 Pet. 3:15.
Lala 151 kɛ naagbee sɔlemɔ.
Otsi ni jeɔ shishi February 15
15 min: Asafoŋ adafitswai kɛ Teokrase Iɛ He Saji. Akane shika he akɔntaabuu kɛ shika ni akɛke Asafo lɛ ni ekpɛlɛ nɔ lɛ he woji. Ajie esafo lɛ yi yɛ anɔkwayeli ni amɛkɛfiɔ nyɛ asafo lɛ kɛ Asafo lɛ diɛŋtsɛ jeŋ muu nitsumɔ lɛ hu sɛɛ lɛ he.
10 min: “Dɛŋdadei ni He Hiaa lɛ kɛ Nitsumɔ yɛ Nilee Mli.” Kɛ sɛinɔtalɔ lɛ kpa hiɛ kuku sɛɛ lɛ. abaafee nɔkwɛmɔ nii enyɔ ni damɔ saji ni atsɔɔ yɛ kukuji 2 kɛyashi 5 mli lɛ nɔ. Kɛ agbe klɛŋklɛŋ nɔkwɛmɔ nɔ lɛ naa lɛ, shiatsɛ lɛ baahe woji tɛtrɛbii enyɔ. Shiɛlɔ lɛ wo lɛ shi akɛ ebaaku esɛɛ ebaha sanebimɔ ni ji, Mɛni hewɔ ni Nyɔŋmɔ eŋmɛ amanehulu gbɛ lɛ? hetoo. Kɛ agbe nɔkwɛmɔ nɔ ni ji enyɔ lɛ naa lɛ, akɛ dɛhiɛmɔ wolo ni sa baaje shia Biblia mli nikasemɔ shishi Awo mɛi fɛɛ hewalɛ ni amɛkɛ shiatsɛmɛi lɛ agba Ŋmalɛ lɛ mli sane beni amɛtsuɔ nii yɛ shiɛmɔ mli yɛ otsi nɛɛ naagbee lɛ.
10 min: Nɔ Hewɔ ni Kristofoi Tsiɔ Amɛhe Kɛjeɔ La He. Wiemɔ ni onukpa ko baaha, ni damɔ eshishitsɔɔmɔ kɛ klɛŋklɛŋ yitsei bibii etɛ ni yɔɔ “Blood’ shishi yɛ Reasoning wolo lɛ baafai 70-2 lɛ nɔ.
Lala 177 kɛ naagbee sɔlemɔ.
Otsi ni jeɔ shishi February 22
10 min: Asafoŋ adafitswai. Asusu otii titrii ni yɔɔ “Sɔɔmɔ Hegbɛ Fɛfɛo” mli lɛ ahe. Kɛ be baaŋmɛ gbɛ lɛ, abibii shiɛlɔ ni enyɛ ena mɔ ko ni heɔ woji tɛtrɛbii lɛ eko be fɛɛ be lɛ saji. Mɛɛ gbɛ no etsɔ eje shishi? Mɛɛ gbɛ nɔ eye ebua lɛ ni enyɛ eha shiatsɛ lɛ ena wiemɔ lɛ he miishɛɛ yɛ?
10 min: “Ani Obaanyɛ Osɔmɔ Yehowa akɛ Gbɛgbalɔ?” Toibolɔi kɛ sanegbaa. Abibii obalaŋta ko ni ji daa gbɛgbalɔ, aloo shiɛlɔ ko ni fee gbɛgbalɔ beni eji obalaŋta lɛ saji. Ama bɔ ni fɔlɔi kɛ mɛi krokomɛi baanyɛ amɛwo obalaŋtai lɛ hewalɛ ni amɛshɛ amɛ oti ni ji gbɛgbamɔ lɛ he lɛ nɔ mi. Awo mɛi fɛɛ hewalɛ ni amɛkɛ hiɛdɔɔ asusu hegbɛi ni amɛyɔɔ akɛ amɛkɛ amɛhe aaawo be-fɛɛ sɔɔmɔ lɛ mli lɛ he. Too gbɛjianɔ bianɛ akɛ ooofee gbɛgbalɔi awalɔ yɛ April mli.
20 min: “Ha Miishɛɛ lɛ Aya Hiɛ Kɛtsɔ Sɛɛsaramɔi ni Mɔɔ Shi Nɔ.” Wiemɔ kuku, no sɛɛ lɛ. sanegbaa ni atsɔɔ yɛ kuku 3 lɛ he nɔkwɛmɔ nɔ. Kɛ be yɛ lɛ, abaanyɛ atĩ sanegbaa lɛ mli otii komɛi, tamɔ ehiɛkpamɔ wiemɔ lɛ aloo bɔ ni aaafee atsa nɔ kɛ ŋmalɛ ko kanemɔ lɛ mli.
Lala 160 kɛ naagbee sɔlemɔ.