Sɔɔmɔ Kpeei Kɛha February
Otsi ni Jeɔ Shishi February 5
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Teokrase lɛ He Saji.
18 min: “Kpokpaa Wulu nɔ Kpee kɛ Tsɛmɔ ni Kanyãa Mɔ Haa!—Okɛ Mlifilimɔ Ajie Yehowa Yi Gbi Fɛɛ Gbi!” Sanebimɔi kɛ hetooi.
17 min: “Wolo ni Akɛbaaha yɛ February lɛ Kɛ Nitsumɔ yɛ Gbɛ ni Mɔɔ Shi Nɔ.” Agba shiɛmɔ wiemɔi ni akɛha lɛ he sane, ni afee nɔkwɛmɔ nɔ kome loo enyɔ. Kaimɔ shiɛlɔi ni amɛna Weku Shihilɛ wolo lɛ eko kɛha nitsumɔ yɛ shiɛmɔ nitsumɔ lɛ mli yɛ nyɔŋ nɛɛ mli.
Lala 57 kɛ naagbee sɔlemɔ.
Otsi ni Jeɔ Shishi February 12
Lala 191
10 min: Asafoŋ adafitswai. Shika akɔntaabuu. Atswa shiɛmɔyaa he gbɛjianɔ ni ato kɛha otsi lɛ naagbee lɛ he adafi.
13 min: “Saamɔ Ohe Kɛha Woji Tɛtrɛbii Ajaa yɛ April.” Maa bɔ ni sɛɛnamɔ yɔɔ Buu-Mɔɔ kɛ Awake! lɛ ni haa aleɔ sanekpakpa lɛ he lɛ nɔ mi. Kanemɔ sane ni hiɛ kukuji enyɔ lɛ, ni otsɔɔ nɔ ni nyɛ asafo lɛ baafee koni akɛha April afee nyɔŋ krɛdɛɛ ko kɛha woji tɛtrɛbii lɛ jaa.
22 min: “Te Mafee Tɛŋŋ Mana Mɔ ni Baabo Toi?” Sanebimɔi kɛ hetooi. Ha shiɛlɔi enyɔ agba bɔ ni amɛaabɔ mɔdɛŋ amɛjie ekãa babaoo kpo yɛ shinaai anaa lɛ he sane, yɛ be mli ni akɛ ŋaawoi ni akɛha yɛ School Guidebook lɛ baafai 165-7 lɛ kukuji 10-21 tsuɔ nii lɛ.
Lala 133 kɛ naagbee sɔlemɔ.
Otsi ni Jeɔ Shishi February 19
8 min: Asafoŋ adafitswai.
17 min: Asafoŋ hiamɔ nii. (Aloo “Buu Oyaiyeli Henumɔ ni Oyɔɔ lɛ He,” wiemɔ ni damɔ October 1, 1995 Buu-Mɔɔ lɛ baafai 25-8 nɔ.)
20 min: “Kuu Osɛɛ ni Oyatee Miishɛɛ Shi yɛ Biblia lɛ Mli.” Onukpa kɛ shiɛlɔi enyɔ loo etɛ ati Weku Shihilɛ wolo lɛ sui lɛ ekomɛi amli ni atsɔɔ bɔ ni abaanyɛ afee ama enɛɛmɛi anɔ mi. Afee shiɛmɔ wiemɔ kome loo enyɔ he nɔkwɛmɔ nii. Okɛ bɔ ni abaafee atee miishɛɛ shi ni baanyɛ aha anyɛ akɛ Nilee Ni Kɛ Mɔ Yaa Naanɔ Wala Mli wolo lɛ aje Biblia mli nikasemɔ shishi lɛ he ŋaawoi aha.
Lala 53 kɛ naagbee sɔlemɔ.
Otsi ni Jeɔ Shishi February 26
5 min: Asafoŋ adafitswai.
12 min: “Na Teokrase Sɔɔmɔ Skul Kɛha 1996 lɛ He Sɛɛ—Fa 2.” Wiemɔ ni skul nɔkwɛlɔ kɛbaaha. Maa bɔ ni ehe hiaa ni akane Nyɔŋmɔ Wiemɔ lɛ gbi fɛɛ gbi lɛ nɔ mi.
13 min: Shiɛmɔ Wiemɔi ni Ŋɔɔ ni Akɛaasaa He. Sɔɔmɔ nɔkwɛlɔ loo onukpa kroko kɛ shiɛlɔi enyɔ loo etɛ agba sɛɛnamɔi ni yɔɔ shinaai anaa shiɛmɔ wiemɔi ni kɔɔ nɔ ko ni akutsoŋbii lɛ baanya he lɛ he sane. Akɛ nɔkwɛmɔ nɔ lɛ, maŋ lɛ mli adafitswaa sane ko bɔ mɔdɛŋ ni abɔɔ bianɛ ni akɛha shihilɛ lɛ ahi lɛ he amaniɛ; bɔ ni gbalashihilɛ mli naagbai faa, gbekɛbii atoigbele, loo bɔ ni ewa akɛ aaana nitsumɔ; loo adafitswaa saji ni tsɔɔ nɔ hewɔ ni mɛi babaoo ayiŋ yaa nɔ efeɔ amɛ kɔshikɔshi yɛ tsabaai ni maŋkwralɔi kɛ osɔfoi kɛhaa lɛ ahe lɛ. Tsii ta otsɔɔ adafitswaa mli sane ko ni yɔɔ nyɛ akutso lɛ mli bianɛ, ni nyɛsusu bɔ ni abaanyɛ akɛtsu nii kɛje sanegbaai ashishi lɛ he.
15 min: Nilee Ni Kɛ Mɔ Yaa Naanɔ Wala Mli Wolo lɛ Kɛhamɔ yɛ March. Tsɔɔmɔ wolo lɛ sui komɛi ni yɔɔ miishɛɛ ni abaanyɛ akɛje sanegbaai ashishi lɛ. (1) Gbalamɔ jwɛŋmɔ kɛya mfonirii fɛfɛji lɛ anɔ, tamɔ nɔ ni yɔɔ baafai 4-5, 86, 124-5, 188-9 lɛ. (2) Tsɔɔmɔ bɔ ni saji ni akɛtiɔ mli ni ato naa lɛ baa yɛ yitso fɛɛ yitso naagbee gbɛ lɛ, ni otsɔɔ bɔ ni abaanyɛ akɛ enɛɛmɛi atsu nii akɛ nɔ ni shiɛmɔ wiemɔi lɛ baadamɔ nɔ. Abaanyɛ abi ni shiatsɛ lɛ atsɔɔ kɛji ebaasumɔ ni ele hetooi lɛ. Halamɔ sanebimɔi komɛi kɛjɛ nɔ ni ato naa yɛ baafai 11, 22, 61, 149 lɛ. (3) Okɛ akrabatsa ni yɔɔ baafa 102 lɛ atsɔɔ, ni okɛ ŋaawoi ni tsɔɔ bɔ ni abaanyɛ akɛ “Naagbee Gbii lɛ Sui Komɛi” lɛ atsu nii ni akɛtee miishɛɛ shi. (4) Maa bɔ ni ato wolo lɛ gbɛjianɔ jogbaŋŋ kɛha nikasemɔi ni yaa hiɛ ni aaafee lɛ nɔ mi. Yitsei lɛ asɛɛ kɛɛɛ, nikasemɔ lɛ waaa akɛ aaanu shishi, akɛ ŋmalɛi ni mɔɔ shi ni aŋmalako emli wiemɔi etsu nii, ni sanebimɔi ni akɛpɛiɔ saji amli lɛ gbalaa jwɛŋmɔ kɛyaa otii titrii anɔ. Wo mɛi fɛɛ hewalɛ ni akɛ wolo lɛ aha kɛ oti ni ma hiɛ akɛ aaaje nikasemɔi ashishi.
Lala 151 kɛ naagbee sɔlemɔ.