Sɔɔmɔ Kpeei Kɛha July
Otsi ni Jeɔ Shishi July 1
12 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ April mli shiɛmɔyaa he akɔntaabuu kɛha maŋ lɛ kɛ nyɛ asafo lɛ he
15 min: “Wɔ Shiwoo lɛ ni Wɔɔye nɔ Gbi Fɛɛ Gbi.” Sanebimɔi kɛ hetooi. Okɛ saji ni jɛ Insight, Kpo 2, baafa 1162, kukuji 6-7 lɛ afata he, ni otsɔɔ nɔ hewɔ ni shiwoo ji gbɛnaa nii ko ni hiɛdɔɔ yɔɔ mli lɛ.
18 min: “Kasemɔ Yehowa Kɛtsɔ Mɛi Krokomɛi ni Okɛ Anɔkwayeli Aaakwɛ Amɛnɔ lɛ Nɔ.” (Kukuji 1-3) Okɛ klɛŋklɛŋ kuku lɛ atsu nii koni okɛto saneyitso lɛ he gbɛjianɔ. Tsɔɔmɔ woji bibii ni yɔɔ nyɛ asafo lɛ mli amrɔ nɛɛ ni baatee mɛi amiishɛɛ shi waa yɛ nyɛ shikpɔŋkuku lɛ mli. No sɛɛ lɛ atĩ kukuji 2-3 lɛ pɛ mli, ni afee bɔ ni abaanyɛ akɛ Ani Nyɔŋmɔ Susuɔ Wɔhe Lɛlɛŋ? wolo bibioo lɛ atsu nii yɛ klɛŋklɛŋ saramɔ kɛ sɛɛsaramɔ lɛ mli lɛ he nɔkwɛmɔ nɔ. Atsɔɔ bɔ ni shiɛlɔi baanyɛ amɛkɛ wolo bibioo kroko ni baahi jogbaŋŋ kɛha nitsumɔ yɛ nyɛ shikpɔŋkuku lɛ mli lɛ atsu nii, ni amɛkɛfee amɛ diɛŋtsɛ amɛ shiɛmɔ wiemɔ.
Lala 112 kɛ naagbee sɔlemɔ.
Otsi ni Jeɔ Shishi July 8
10 min: Asafoŋ adafitswai. Shika he akɔntaabuu.
15 min: “Kasemɔ Yehowa Kɛtsɔ Mɛi Krokomɛi ni Okɛ Anɔkwayeli Aaakwɛ Amɛnɔ lɛ Nɔ.” (Kukuji 4-5) Asusu kukuji 4-5 lɛ pɛ he kɛ saji otii komɛi ni yɔɔ Beni Mɔ Ko ni Osumɔɔ Lɛ Egbo wolo bibioo lɛ mli lɛ ahe. No sɛɛ lɛ afee klɛŋklɛŋ saramɔ kɛ sɛɛsaramɔ ni akɛha lɛ he shiɛmɔ wiemɔi ahe nɔkwɛmɔ nɔ.
20 min: “Nyɛmimɛi Hii Babaoo Ahe Miihia yɛ Gbɛgbamɔ Sɔɔmɔ lɛ Mli.” Sanebimɔi kɛ hetooi. Kɛ be yɛ lɛ, ati ŋaawoi ni akɛha kɛha bɔ ni esa akɛ atsu shika hiamɔ nii ahe nii aha lɛ mli, taakɛ asusu he yɛ September 15, 1993, Buu-Mɔɔ lɛ baafai 28-31 lɛ.
Lala 16 kɛ naagbee sɔlemɔ.
Otsi ni Jeɔ Shishi July 15
Lala 162
5 min: Asafoŋ adafitswai.
15 min: “Ani Oka Gbɛkɛnaashi Odaseyeli Okwɛ?” Wiemɔ ni akɛ toibolɔi baagba he sane kɛ saji ni abaabibii. Agba nɔ ni ayɔse yɛ be mli ni nyɛtsuɔ nii gbɛkɛ yɛ nyɛ akutso lɛ mli yɛ nyɛ shikpɔŋkuku lɛ mli lɛ he sane. Akɛ niiashikpamɔi ni tsɔɔ yibiiwoi kpakpai ni jɛɔ gbɛkɛnaashi odaseyeli mli baa lɛ he saji afata he. Atsɔɔ daa otsi kpeei kɛha shiɛmɔyaa he gbɛjianɔ ni ato yɛ nyɛ asafo lɛ mli.
10 min: “Okɛ Wɔ Maŋ Nɛɛŋ Wiemɔ Awake! lɛ Atsu Nii.” Sane ni akɛ toibolɔi baagba. Atswa hiɛsɔɔ kɛha wɔ maŋ nɛɛŋ wiemɔ Awake! lɛ he hiɛsɔɔ ni aaana lɛ ama shi ni awo mɔ fɛɛ mɔ hewalɛ ni amɛshɛ kɛtsɔ sɔɔlɔ ni kwɛɔ woji tɛtrɛbii anɔ lɛ nɔ. Ama yiŋtoi ahewɔ ni esa akɛ akɛ jwɛŋmɔ ni ja atsu nii koni akɛ Awake! lɛ atsɔɔ Biblia mli nikaselɔi ni kaneɔ Twi loo Ewe lɛ nɔ mi. (Asafoi ni ewieee Ewe loo Twi lɛ baanyɛ atĩ nyɛsɛɛ saji ni kpokpaa nɔkwɛlɔ lɛ jie lɛ kpo etsɔɔ lɛ mli, loo ni amɛkɛ saji otii ni yɔɔ nɔ ni akaseɔ nɛɛ mli ni kɔɔ amɛ asafo lɛ he lɛ atsu nii kɛha fã nɛɛ.)
15 min: “Kasemɔ Yehowa Kɛtsɔ Mɛi Krokomɛi ni Okɛ Anɔkwayeli Aaakwɛ Amɛnɔ lɛ Nɔ.” (Kukuji 6-8) Akɛ sane lɛ mli naagbee kuku lɛ atsu nii koni akɛwo mɛi fɛɛ hewalɛ ni amɛfee sɛɛsaramɔi amrɔ nɔŋŋ yɛ mɛi ni amɛha amɛ woji bibii lɛ anɔ. Akɛ kukuji 6-7 lɛ atsu nii, koni akɛfee bɔ ni akɛ Shihilɛ he Yiŋtoo wolo bibioo lɛ baatsu nii yɛ klɛŋklɛŋ saramɔ lɛ mli, kɛ bɔ ni aaafee akɛ Nilee wolo lɛ mli klɛŋklɛŋ yitso lɛ atsu nii ni akɛfee sɛɛsaramɔ lɛ he nɔkwɛmɔ nɔ. Akai shiɛlɔi akɛ, amɛbaanyɛ amɛkɛ shiɛmɔ wiemɔi ahe nɔkwɛmɔ nii ni akɛha yɛ Wɔ Maŋtsɛyeli Sɔɔmɔ lɛ mli lɛ atsu nii ni amɛkɛfee amɛ diɛŋtsɛ amɛ shiɛmɔ wiemɔi kɛha woji bibii krokomɛi lɛ.
Lala 64 kɛ naagbee sɔlemɔ.
Otsi ni Jeɔ Shishi July 22
10 min: Asafoŋ adafitswai. Atĩ woji tɛtrɛbii heei lɛ amli saji amli kuku, ni atsɔɔ emli saji otii ni yɔɔ miishɛɛ ni abaanyɛ akɛtsu nii yɛ amɛ kɛhamɔ mli yɛ shinaai anaa.
15 min: Tiumɔ Be-Fɛɛ Sɔɔmɔ akɛ Oti ni Ma Ohiɛ lɛ Sɛɛ. Sane ni onukpa kɛ mɔ kome loo mɛi enyɔ ni yeko afii nyɔŋmai enyɔ baagba he sane ni damɔ December 15, 1988, Blɔfo Buu-Mɔɔ lɛ baafai 25-7 lɛ nɔ. Obalahii kɛ obalayei bibii lɛ miibɔ mɔdɛŋ ni amɛtsɔɔ otii ni amɛkɛmamɔ amɛhiɛ ni amɛbaatiu sɛɛ beni amɛgbe skul naa. Amɛtsɔɔ miishɛɛ ni amɛyɔɔ yɛ heloonaa nibii ni jɛɔ je lɛŋ nitsumɔi amli baa lɛ ahe. Onukpa lɛ atsɔɔ yiŋtoi kpakpai ahewɔ ni ebaahi kwraa akɛ amɛhe aaasa kɛha gbɛgbamɔ sɔɔmɔ nitsumɔ lɛ. Mɛi ni yeko afii nyɔŋmai enyɔ lɛ kpɛlɛ nɔ, shi amɛyiŋ miifee amɛ kɔshikɔshi akɛ ani amɛbaanyɛ amɛfee gbɛgbalɔi ni amɛtsu nii kɛkwɛ amɛhe lo. Onukpa lɛ kɛ amɛ agba niiashikpamɔi ni jɛ Buu-Mɔɔ mli lɛ he sane, ni etsɔɔ akɛ gbɛgbamɔ nitsumɔ lɛ ji oti ni nilee yɔɔ mli, ni nine nyɛɔ eshɛɔ nɔ ni kɛ miishɛɛ bahaa mɛi babaoo. Sanegbaa lɛ ba naagbee kɛ mɛi ni yeko afii nyɔŋmai enyɔ lɛ tsɔɔ bɔ ni amɛna saji ni onukpa lɛ wie lɛ he miishɛɛ amɛha, kɛ fai shi ni amɛtswa akɛ amɛkɛ hiɛdɔɔ baasusu Maŋtsɛyeli sɔɔmɔ ni amɛaana mli gbɛfaŋnɔ kɛmɔ shi lɛ he oti, ni amɛkɛaamamɔ amɛhiɛ ni amɛtiu sɛɛ lɛ he.
20 min: “Bɔ ni Ooofee ni Okɛ Nilee Wolo lɛ Afee Kaselɔi.” Akɛ saji fioo ni damɔ kukuji 1-2 lɛ nɔ lɛ atsu nii ni akɛje shishi. Akɛ sanebimɔi kɛ hetooi asusu kukuji 3-11 lɛ he.
Lala 92 kɛ naagbee sɔlemɔ.
Otsi ni Jeɔ Shishi July 29
Lala 212
5 min: Asafoŋ adafitswai.
20 min: Mɛni Baaye Abua Mɔ ko Koni Ená Biblia Mli Nikasemɔ? Onukpa kɛ mɛi enyɔ loo mɛi etɛ ni eye omanye yɛ Biblia mli nikasemɔ nitsumɔ mli agba sane, koni atĩ gbɛi ni abaatsɔ nɔ aye omanye babaoo yɛ nikasemɔi ashishijee mli lɛ mli: (1) Sɔlemɔ obi Yehowa dɛŋ yelikɛbuamɔ. (2) Okɛ ohe awo shiɛmɔ nitsumɔ lɛ fãi sɔrɔtoi lɛ amli daa koni okɛtao mɛi ni yɔɔ wiemɔ lɛ he miishɛɛ. (3) Ŋmaa mɛi fɛɛ ni na he miishɛɛ lɛ agbɛi, ni ofee sɛɛsaramɔi amrɔ nɔŋŋ. (4) Be fɛɛ be lɛ ha ale akɛ okɛ amɛ baafee nikasemɔ yɛ he ni ajie miishɛɛ kpo yɛ lɛ. (Kwɛmɔ saneyitso bibioo ni ji, “Bɔ ni Ajeɔ Biblia Kasemɔi Ashishi” ni yɔɔ February 15, 1996 Buu-Mɔɔ lɛ baafa 20 lɛ.) (5) Tswaa hekɛnɔfɔɔ oma shi yɛ nyɛmɔ ni oyɔɔ akɛ oootsɔɔ mɛi krokomɛi anii lɛ mli, kɛtsɔ ŋaawoi ejwɛ ni akɛha yɛ February 1, 1985 Buu-Mɔɔ lɛ baafai 13-17 lɛ nɔ.
20 min: “Bɔ ni Ooofee ni Okɛ Nilee Wolo lɛ Afee Kaselɔi.” Wiemɔ ni baadamɔ nɔ ni aŋma ahɔ mli lɛ kukuji 12-16 lɛ nɔ. Akɛ Biblia mli nikasemɔ ni yaa hiɛ lɛ he nɔkwɛmɔ nii enyɔ afata he. Klɛŋklɛŋ nɔ lɛ tsɔɔ bɔ ni esa akɛ otsɔse nikaselɔ lɛ ni esaa ehe kɛtsɔ emli saji otii ni eeema nɔ mi loo wiemɔi otii kɛ wiemɔi kukuji ni haa sanebimɔi ni akala lɛ ahetoo tɛ̃ɛ lɛ ni eeefolɔ shishi lɛ nɔ. Nɔ ni ji enyɔ lɛ tsɔɔ nɔ ni obaanyɛ okɛɛ ni okɛwo Biblia mli nikaselɔ lɛ hewalɛ koni eyabo Maŋ Shiɛmɔ lɛ kɛ Buu-Mɔɔ Nikasemɔ lɛ toi. Tsɔɔmɔ mli akɛ abaasusu nɔ ni aŋma ahɔ mli lɛ fa ni eshwɛ lɛ he yɛ Sɔɔmɔ Kpee ni abaafee yɛ August mli lɛ mli. Wo mɔ fɛɛ mɔ hewalɛ ni ekɛto.
Lala 116 kɛ naagbee sɔlemɔ.