Sɔɔmɔ Kpeei Kɛha August
Otsi ni Jeɔ Shishi August 3
Lala 216
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ April shiɛmɔyaa he akɔntaabuu kɛha maŋ lɛ kɛ nyɛ asafo lɛ he, ni awie shiɛlɔi ayifalɛ hee ni fe fɛɛ ni aná lɛ he.
15 min: “Ani August Baafee Nyɔŋ ni Yɔɔ Srɔto?” Sanebimɔi kɛ hetooi. Wo mɛi fɛɛ hewalɛ ni amɛkɛ amɛhe awo sɔɔmɔ nitsumɔ lɛ mli yɛ August nyɔŋ lɛ mli, kɛ agbɛnɛ nyɔŋ fɛɛ nyɔŋ nɔ yɛ sɔɔmɔ afi hee lɛ mli.
20 min: “Okɛ Woji Bibii lɛ Atsu Nii Koni Okɛtee Jwɛŋmɔ kɛ Tsui Miishɛɛ Shi.” Toibolɔi kɛ sanegbaa. Wiemɔ woji bibii ni afee yɛ afii ni eho lɛ amli ni haa gbɔmɛi leɔ Ŋmalɛ mli saji ni he hiaa lɛ he saji kuku. (Kwɛmɔ Watch Tower Publications Index 1986-1995, baafai 652-653.) Tii saji otii ni yɔɔ woji heei bibii lɛ amli lɛ mli, ni otsɔɔ eko fɛɛ eko kɛ mɔ ni ekolɛ ebaasumɔ ni enine ashɛ nɔ. Afee ekome loo enyɔ he nɔkwɛmɔnii, ni otsĩ Biblia kasemɔ he gbɛjianɔtoo tã.
Lala 191 kɛ naagbee sɔlemɔ.
Otsi ni Jeɔ Shishi August 10
10 min: Asafoŋ adafitswai. Shika he akɔntaabuu. Tsĩi otii ni mamɔ shiɛlɔi fɛɛ ni kɛ amɛhe woɔ shiɛmɔ nitsumɔ lɛ mli yɛ August lɛ tã.
15 min: Asafoŋ hiamɔ nii.
20 min: “Oblahii kɛ Oblayei—Nyɛkɛ Nyɛskulyaa lɛ Atsua Nii kɛmɔa Shi.” Sanebimɔi kɛ hetooi. Okɛ saji ni he hiaa ni yɔɔ April 8, 1992 Awake! baafai 17-19, kɛ July 15, 1991 Buu-Mɔɔ baafai 23-26 lɛ afata he.
Lala 37 kɛ naagbee sɔlemɔ.
Otsi ni Jeɔ Shishi August 17
Lala 163
10 min: Asafoŋ adafitswai. Ha atsɔɔ bɔ ni aaafee ni nine ashɛ mɔ ko ni aye lɛ odase yɛ gbɛjegbɛ he, yɛ shwɛmɔhe, aloo he kroko gbɛi kɛ adrɛs nɔ, bɔni afee ni adi miishɛɛ ni aná lɛ sɛɛ.
35 min: “Nɔyaa ni Wɔkɛaasusu Kaselɔfeemɔ Nitsumɔ ni He Hiaa Waa lɛ He.” Sanebimɔi kɛ hetooi. Kanemɔ kukuji 5, 10, kɛ 11. Tĩi bɔ ni Biblia kasemɔ nitsumɔ lɛ yaa nɔ ehaa yɛ he ni nyɛyɔɔ lɛ mli. Wo mɛi fɛɛ ni feɔ nikasemɔi lɛ hewalɛ koni amɛkane nɔ ni aŋma ahɔ July 1996 Wɔ Maŋtsɛyeli Sɔɔmɔ lɛ mli lɛ, bɔni afee ni amɛha amɛ nitsɔɔmɔ hesaai lɛ aya hiɛ. Asusu nakai nɔ ni ŋma ahɔ mli lɛ kukuji 5 kɛ 25 lɛ he ekoŋŋ.
Lala 108 kɛ naagbee sɔlemɔ.
Otsi ni Jeɔ Shishi August 24
Lala 213
15 min: Asafoŋ adafitswai. Asusu akrabatsa “Akpei Nyɔŋmai Enumɔ kɛ Kpaanyɔ!” ni yɔɔ July 1998 Wɔ Maŋtsɛyeli Sɔɔmɔ lɛ mli lɛ he. Akɛni eshwɛ otsi naagbee kome pɛ yɛ August mli hewɔ lɛ, wo mɛi fɛɛ hewalɛ koni amɛkɛ amɛhe awo sɔɔmɔ nitsumɔ lɛ mli dani nyɔŋ lɛ agbo. “Feemɔ Shiɛlɔ ni Hiɛ Yɔɔ Woji Tɛtrɛbii lɛ Anɔ.”
15 min: Bɔ ni Aaafee Afi Shi yɛ Gbɛgbamɔ Sɔɔmɔ lɛ Mli. Wiemɔ ni damɔ September 15, 1993 Buu-Mɔɔ baafai 28-31 nɔ. Bi gbɛgbalɔ ko ni ekase bɔ ni efeɔ edamɔɔ naagbai ni hiɛdɔɔ yɔɔ mli naa, ní eyaa nɔ esɔmɔɔ akɛ gbɛgbalɔ lɛ saji.
15 min: Okɛ Wɔ Maŋtsɛyeli Sɔɔmɔ lɛ Atsu Nii Jogbaŋŋ. Toibolɔi kɛ sanegbaa. Okɛ eheei ni yɔɔ lɛ atsu nii akɛ nɔkwɛmɔnii, ni otsɔɔ saji ni yɔɔ ebe naa ni anaa yɛ Wɔ Maŋtsɛyeli Sɔɔmɔ lɛ baafai lɛ amli, kɛ sɛɛnamɔi ni wɔnaa kɛjɛɔ mli: (1) saji ni tsirɛɔ wɔ koni wɔkɛ wɔhe awo sɔɔmɔ nitsumɔ lɛ mli daa; (2) niiashikpamɔi ni woɔ wɔ hewalɛ yɛ wɔsɔɔmɔ krɔŋŋ lɛ mli; (3) ŋaawoi ni yeɔ ebuaa wɔ koni wɔkɛ sanekpakpa lɛ aha jogbaŋŋ; (4) adafitswai ni tsɔɔ woji heei ni yɔɔ ni he yɔɔ sɛɛnamɔ yɛ wɔ shikpɔŋkuku lɛ mli; (5) shiɛmɔyaa he akɔntaabuu ni tsɔɔ bɔ ni Maŋtsɛyeli nitsumɔ lɛ yaa nɔ ehaa; (6) Teokrase lɛ He Saji ni kɛ amaniɛbɔɔ ni tsɔɔ bɔ ni jeŋ muu fɛɛ nitsumɔ lɛ yaa nɔ ehaa; (7) adafitswai kɛ gbɛjianɔtoi ni haa wɔleɔ nibii ni abaafee lɛ he saji babaoo; (8) Sanebimɔ Hei ni haa saji ni hiɛdɔɔ yɔɔ mli lɛ ahetoo; kɛ (9) nibii ni aŋmala ahɔlɔ mli ni gbaa wɔ kpeei ahe saji, tafaa krɛdɛɛi, kɛ saji krokomɛi ni haa wɔhiɛ hiɔ wɔhe nɔ yɛ wɔmumɔŋ hiamɔ nii ahe. Wo mɛi fɛɛ hewalɛ koni amɛkane emli saji lɛ fɛɛ, ni amɛkɛ ŋaawoi ni yɔɔ mli lɛ atsu nii, ni amɛkɛba Sɔɔmɔ Kpeei lɛ kɛ kpeei kɛha shiɛmɔyaa lɛ ashishi, ni amɛkɛwo amɛwoji atoohe kɛha wɔsɛɛ saji amlitaomɔ.
Lala 210 kɛ naagbee sɔlemɔ.
Otsi ni Jeɔ Shishi August 31
12 min: Asafoŋ adafitswai. Kaimɔ mɛi fɛɛ koni amɛkɛ amɛshiɛmɔ nitsumɔ lɛ he akɔntaabuu kɛha August aha. Esa akɛ Asafo Woloŋ Nikasemɔ nɔkwɛlɔi lɛ akwɛ koni mɛi fɛɛ ni yɔɔ amɛkuu lɛ mli lɛ kɛ amɛshiɛmɔyaa he akɔntaabuu aha koni anyɛ atsu fɛɛ he nii dani September 6 aho. Asusu wolo ni akɛbaaha yɛ September lɛ he. Áfee shiɛmɔ wiemɔ kuku ni teeɔ sanebimɔ nɛɛ shi akɛ, “Mɛni hewɔ esa akɛ wɔkɛ Nyɔŋmɔ gbɛi lɛ atsu nii?” Akɛ Nilee wolo lɛ yitso 3, kuku 6 lɛ atsu nii koni akɛha hetoo. Tswaa shiɛmɔyaa he gbɛjianɔ ni ato kɛha otsi lɛ he adafi.
15 min: “Nɔkwɛlɔi ni Nyiɛɔ Hiɛ—Onukpai Asɛinɔtalɔ Lɛ.” Wiemɔ ni onukpai asɛinɔtalɔ lɛ kɛbaaha. Beni etĩ nii ni etsuɔ lɛ mli sɛɛ lɛ, etsɔɔ hiɛsɔɔ ni eyɔɔ kɛha ekome ni asafo lɛ kɛ onukpai lɛ feɔ yɛ be mli ni amɛkwɛɔ tooku lɛ nɔ lɛ.
18 min: Ye Obua Obii lɛ ni Amɛdamɔ Naagbai ni Amɛkɛkpeɔ yɛ Skul lɛ Naa. Sanegbaa ni baakã onukpa ko kɛ fɔlɔi etɛ ni amɛyɔɔ bii ni yaa skul lɛ ateŋ. Wiemɔ naagbai ni ale waa ni gbekɛbii lɛ kɛkpeɔ lɛ ekomɛi ahe kuku taakɛ atsɔɔ mli yɛ August 8, 1994 Awake! lɛ, baafai 5-7 lɛ mli lɛ. Kɛkɛ lɛ, beni otsɛɔ baafai 8-10 lɛ sɛɛ lɛ, tsɔɔmɔ bɔ ni fɔlɔi baanyɛ abu amɛbii ahe, kɛ bɔ ni wekukpaa kpakpa baahi fɔlɔi kɛ tsɔɔlɔi ateŋ daa.
Lala 24 kɛ naagbee sɔlemɔ.