Adafitswai

◼ Wolo ni akɛbaatsu nii yɛ February: Nɔ Diɛŋtsɛ ni Kɛ Weku Miishɛɛ Baa. March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ krɛdɛɛ koni akɛje shia Biblia mli nikasemɔi ashishi. April kɛ May: Buu-Mɔɔ kɛ Awake! lɛ shɛɛ. Hiɛmɔ Taoɔ wolo bibioo lɛ eko ni okɛbaaha mɛi ni yɔɔ wiemɔ lɛ he miishɛɛ lɛ, ni obɔ mɔdɛŋ koni oje shia Biblia mli nikasemɔi ashishi.

◼ Kɛjɛ March 22, 1999 otsi lɛ nɔ kɛyaa lɛ, abaakase Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ yɛ Asafo Woloŋ Nikasemɔ lɛ shishi. Nikasemɔ he gbɛjianɔtoo muu lɛ fɛɛ yɛ Wɔ Maŋtsɛyeli Sɔɔmɔ nɛɛ mli. Obaanyɛ ofee eko ni okɛwo owolo lɛ mli koni ona amrɔ nɔŋŋ kɛ́ ootao okwɛ mli. Akɛ gbɛtsɔɔmɔ ni tsɔɔ bɔ ni abaasusu wolo lɛ mli hiɛkpamɔ wiemɔ lɛ he lɛ mlitsɔɔmɔ eha yɛ “Gbɔmɔ ni Fe Mɔ Fɛɛ Mɔ ni Ehi Shi Pɛŋ Wolo lɛ Kasemɔ” ni yɔɔ October 1992 Wɔ Maŋtsɛyeli Sɔɔmɔ lɛ baafa 1 lɛ kuku 5.

◼ Woloŋmalɔ lɛ kɛ sɔɔmɔ nitsumɔ nɔkwɛlɔ lɛ akwɛ daa gbɛgbalɔi fɛɛ anitsumɔ mli. Kɛ ewa kɛha amɛteŋ mɛi komɛi akɛ amɛaaná ŋmɛlɛtswai ni ataoɔ yɛ amɛdɛŋ lɛ, onukpai lɛ ato gbɛjianɔ koni amɛkɛ yelikɛbuamɔ aha. Atĩ Asafo lɛ daa afi S-201 November 1 woji ni eŋmaa lɛ mli kɛha gbɛtsɔɔmɔi. Agbɛnɛ hu akwɛ nɔ ni aŋma ahɔ September 1986 Wɔ Maŋtsɛyeli Sɔɔmɔ lɛ mli lɛ kukuji 12-20 lɛ mli.

◼ Shiɛlɔi ni sumɔɔ ni amɛsɔmɔ akɛ gbɛgbalɔi awalɔi yɛ March, April, kɛ May lɛ ato gbɛjianɔ bianɛ koni amɛkɛ amɛ gbɛbimɔ woji lɛ aha mra. Enɛ baaye abua onukpai lɛ koni amɛto gbɛjianɔ ni he hiaa koni aná woji tɛtrɛbii kɛ woji krokomɛi ni fá. Esa akɛ atsɛ mɛi fɛɛ ni akpɛlɛ amɛnɔ akɛ gbɛgbalɔi awalɔi lɛ agbɛi atsɔɔ asafo lɛ.

◼ Shiɛlɔi akui ni eto gbɛjianɔ akɛ amɛkɛ amɛhe baawo shikpɔŋkuku ni akɛwoko mɔ ko dɛŋ lɛ nɔ nitsumɔ mli yɛ nyɔji ni baa lɛ amli lɛ ato gbɛjianɔ koni amɛkɛ Taoɔ wolo bibioo lɛ loo Nilee wolo lɛ aha yɛ amɛshiɛmɔ nitsumɔ lɛ mli. Abaanyɛ akɛ woji memeji krokomɛi hu atsu nii.

◼ Abaakala Awake! lɛ yɛ Solomon Islands Pidgin wiemɔ mli akɛ nɔ ni baa daa nyɔji etɛ yɛ afi lɛ mli kɛjɛ January-March 1999 nɔ̃ lɛ nɔ kɛyaa.

◼ Abaaná Buu-Mɔɔ lɛ yɛ Umbundu wiemɔ mli akɛ nɔ ni baa daa nyɔŋ kɛjɛ January 1, 1999 nɔ̃ lɛ nɔ kɛyaa.

◼ Abaaná Awake! lɛ yɛ Latvian wiemɔ mli akɛ nɔ ni baa daa otsii enyɔ kɛjɛ January 8, 1999 nɔ̃ lɛ nɔ kɛyaa.

◼ Abaaná Buu-Mɔɔ lɛ yɛ Urdu wiemɔ mli akɛ nɔ ni baa daa otsii enyɔ kɛjɛ January 15, 1999 nɔ̃ lɛ nɔ kɛyaa.

◼ Woji Heei ni Nine Eshɛ Nɔ:

Mɛni Nyɔŋmɔ Taoɔ yɛ Wɔdɛŋ?—Dangme

Shihilɛ yɛ Toiŋjɔlɛ Jeŋ Hee ko Mli (Tract No. 15)—Dangme