Sɔɔmɔ Kpeei Kɛha February
Otsi ni Jeɔ Shishi February 1
Lala 154
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Kaimɔ mɛi fɛɛ koni amɛkɛ January shiɛmɔyaa he akɔntaabuu aha.
17 min: “Okɛ Weku Miishɛɛ Wolo lɛ Aha Gbɔmɛi ni Eye Afii Srɔtoi Fɛɛ.” Onukpa kɛ shiɛlɔi enyɔ loo etɛ ni he esa agba nikasemɔ lɛ he sane. Okɛ ojwɛŋmɔ ama oti ni ji mɛi krokomɛi ni aaaye abua amɛ koni amɛyɔse akɛ nɔ diɛŋtsɛ ni kɛ weku miishɛɛ baa lɛ yɛ Biblia mli ŋaawoo ni aaanyiɛ sɛɛ lɛ mli lɛ nɔ. (Kwɛmɔ Weku Miishɛɛ, baafai 10-12.) Ha akɛ shiɛmɔ wiemɔi ni akɛha lɛ eko afee nɔkwɛmɔnɔ. Tsɔɔmɔ bɔ ni abaato gbɛjianɔ jogbaŋŋ kɛha sɛɛsaramɔ.
18 min: ‘Nyɛwoa Gbɔmɔ Hee Lɛ.’ Wiemɔ ni pɛiɔ Efesobii 4:20-24 lɛ mli. (Kwɛmɔ March 1, 1993 Buu-Mɔɔ lɛ baafai 14-18, kukuji 4-17.) Tsɔɔmɔ bɔ ni wɔjieɔ gbɔmɔ momo lɛ ni wɔwoɔ ehee lɛ.
Lala 4 kɛ naagbee sɔlemɔ.
Otsi ni Jeɔ Shishi February 8
10 min: Asafoŋ adafitswai. Shika he akɔntaabuu.
15 min: Asafoŋ hiamɔ nii.
20 min: “Wɔ Bɔlɔ Kpeteŋkpele lɛ Susuɔ Wɔhe!” Sanebimɔi kɛ hetooi. Tsɔɔmɔ bɔ ni abaanyɛ akɛ Creator wolo lɛ baatsu nii koni akɛye abua mɛi ni nyɛɛɛ ahe aye akɛ Nyɔŋmɔ yɛ loo amɛkɛɔ akɛ ebɛ lɛ. Eyɛ mli moŋ akɛ akɛ wolo lɛ efeŋ Biblia mli nikasemɔ, shi ebaanyɛ etsu nii akɛ dɛŋdade ni mɔɔ shi ni baakanya gbɔmɛi koni amɛpɛi nɔ fɛɛ nɔ ni Biblia lɛ kɛɔ lɛ mli amɛkwɛ. (Kwɛmɔ Creator wolo lɛ baafai 189-191.) Ha shiɛlɔi atsɔɔ bɔ ni amɛnaa wolo lɛ amɛhaa koni amɛgba niiashikpamɔi fɛɛ ni amɛná yɛ be mli ni amɛkɛhaa mɛi krokomɛi lɛ he sane.
Lala 173 kɛ naagbee sɔlemɔ.
Otsi ni Jeɔ Shishi February 15
10 min: Asafoŋ adafitswai. Teokrase lɛ He Saji.
18 min: Te Wɔnáa Teokrase Sɔɔmɔ Skul ni Wɔŋmaa Wɔgbɛi yɛ Mli lɛ He Sɛɛ Wɔhaa Tɛŋŋ? Toibolɔi kɛ sanegbaa ni skul nɔkwɛlɔ lɛ baakwɛ nɔ. Tsɔsemɔ ni akɛhaa yɛ wiemɔ ni awieɔ yɛ mɛi ahiɛ lɛ pɛ jeee skul lɛ yiŋtoo. Gbɛ̀i krokomɛi hu yɛ ni wɔnáa he sɛɛ tɛ̃ɛ. (Kwɛmɔ School Guidebook lɛ baafai 12-13.) Wɔkaseɔ bɔ ni wɔkɛ mɛi krokomɛi gbaa sane jogbaŋŋ. Atsɔɔ wɔ koni wɔwie ni efee faŋŋ, koni wɔŋmɛ pɛpɛɛpɛ kɛ nɔmimaa. Wɔhe basaa waa yɛ be mli ni wɔhaa sanebimɔi ahetoo ni kɔɔ wɔhemɔkɛyelii ahe kɛ be mli ni wɔtsɔɔ wɔyiŋkpɛi ni damɔ Biblia nɔ lɛ mli lɛ. Wɔ Biblia mli nilee yaa hiɛ, ni eyeɔ ebuaa wɔ koni wɔhe asa waa yɛ odase ni wɔyeɔ mɛi krokomɛi lɛ mli. Wɔkaseɔ nii koni wɔkpɛlɛ wɔtɔmɔi anɔ ni wɔkpɛlɛ ŋaawoo nɔ, ni ehaa wɔkɛ mɛi krokomɛi yeɔ yɛ toiŋjɔlɛ mli babaoo. Tsɔsemɔ muu ni skul lɛ kɛhaa wɔ lɛ yeɔ ebuaa wɔ koni wɔya nɔ wɔfee ‘mɛi ni sa jogbaŋŋ’ akɛ Nyɔŋmɔ sɔɔlɔi.—2 Kor. 3:5, 6.
17 min: “Bɔ ni Weku Mli Bii Feɔ Ekome Koni Amɛná Mli Gbɛfaŋnɔ Kɛmɔ Shi—Yɛ Biblia Mli Nikasemɔ Mli.” Weku ko sanegbaa. Amɛpɛi bɔ ni amɛkɛ ŋaawoi ni kɔɔ weku Biblia kanemɔ tsuɔ nii amɛhaa lɛ mli kɛ nikasemɔ ni yɔɔ May 15, 1996 Buu-Mɔɔ lɛ baafai 14-15, kɛ October 15, 1992 Buu-Mɔɔ lɛ baafai 16-17.
Lala 57 kɛ naagbee sɔlemɔ.
Otsi ni Jeɔ Shishi February 22
Lala 170
10 min: Asafoŋ adafitswai.
15 min: Tsũi Wuji Amli Odaseyeli. (Kɛ tsũi wuji fioo pɛ yɔɔ oshikpɔŋkuku lɛ mli lɛ, susumɔ sane ni ji “Mɛni Hewɔ Esa akɛ Okadi Mɛi ni Bɛ Shia Lɛ?” ni yɔɔ May 1995 Wɔ Maŋtsɛyeli Sɔɔmɔ lɛ mli lɛ he.) Shiɛlɔi enyɔ loo etɛ ni akɛ amɛ aaagba sane. Ewa akɛ aaaye mɛi ni yɔɔ tsũi wuji amli ní nɔ̃ pɛ ni abaanyɛ akɛɛ akɛ atsɔɔ nɔ akɛgbaa sane ji intercom lɛ odase. Susumɔ gbɛ̀i ni abaatsɔ nɔ atee miishɛɛ shi lɛ he. Tsɔ naanyobɔɔ su nɔ ojie ohe kpo akɛ akutsoŋnyo; okɛ shiatsɛ lɛ gbɛi atsu nii kɛ́ atsɔɔ yɛ wolo lɛ mli; tsɔɔmɔ sane ko ni yɔɔ ebe naa ni oosumɔ ni nyɛgba he sane, aloo kanemɔ hiɛkpamɔ wiemɔ ko tɛ̃ɛ kɛjɛ Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ baafai 2-7; ní otsɔɔ akɛ oosumɔ ni okɛ dɛhiɛmɔ wolo, wolo tɛtrɛɛ, loo wolo bibioo ni haa sanebimɔ ko ni he hiaa lɛ hetoo aha, ní otsɔɔ sanebimɔ lɛ. Yɛ he ni ewa akɛ akɛ mɔ aaagba sane lɛ, ŋmaa woji kɛha shia lɛ mli bii loo ye amɛ odase yɛ gbɛjegbɛ lɛ nɔ beni amɛbaa ni amɛyaa lɛ. Feemɔ nɔkwɛmɔnɔ ni tsɔɔ nifeemɔ gbɛ ni akɛtsuɔ nii yɛ he ni oyɔɔ lɛ ni ewo yibii kpakpa yɛ mɛi ni yɔɔ tsũi wuji amli lɛ agbɛfaŋ.
20 min: Bɔ ni Ooofee Ona Miishɛɛ yɛ Kaselɔ Feemɔ Mli. Wiemɔ ni damɔ February 15, 1996 Buu-Mɔɔ lɛ baafai 19-22 lɛ nɔ.
Lala 91 kɛ naagbee sɔlemɔ.