Teokrase Sɔɔmɔ Skul He Gbɛjianɔtoo Kɛha 2000
Gbɛtsɔɔmɔi
Yɛ afi 2000 mli lɛ, nɔ ni nyiɛ sɛɛ nɛɛ baafee gbɛjianɔi ni ato kɛ́ aakwɛ Teokrase Sɔɔmɔ Skul lɛ nɔ.
WOJI NI AKƐBAATSU NII: Ga Biblia lɛ, Buu-Mɔɔ [w-GA], “All Scripture Is Inspired of God and Beneficial” (Afi 1990 Nɔ̃) [si], Insight on the Scriptures Kpo 2 [it-2], kɛ “Bible Topics for Discussion” taakɛ anaa yɛ New World Translation [td] lɛ sɛɛ lɛ baafee nɔ ni abaadamɔ nɔ koni akɛtsu nifeemɔi lɛ ahe nii.
Esa akɛ aje skul lɛ shishi YƐ BE NAA kɛ lala, sɔlemɔ, kɛ hiɛkpamɔ wiemɔi ni akɛ hereɔ mɛi atuu. Ehe ehiaaa ni awie nɔ ni yɔɔ gbɛjianɔtoo lɛ mli lɛ he nɔ ko. Yɛ be mli ni skul nɔkwɛlɔ lɛ wieɔ fã fɛɛ fã lɛ he lɛ, ebaatsĩ saneyitso ni abaawie he lɛ tã. Nyiɛmɔ nɔ ni nyiɛ sɛɛ nɛɛ sɛɛ:
NIFEEMƆ NI JI 1: Minitii 15. Esa akɛ onukpa ko loo asafoŋ sɔɔlɔ ko atsu enɛ he nii, ni ebaadamɔ Buu-Mɔɔ loo “All Scripture Is Inspired of God and Beneficial” lɛ nɔ. Kɛ́ edamɔ Buu-Mɔɔ lɛ nɔ lɛ, esa akɛ akɛ minitii 15 aha ákɛ tsɔsemɔ wiemɔ ni sanebimɔi kɛ hetooi fataaa he; kɛ́ edamɔ “All Scripture” wolo lɛ nɔ lɛ, esa akɛ akɛ minitii 10 kɛyashi 12 aha akɛ tsɔsemɔ wiemɔ ni akɛ minitii 3 kɛyashi 5 ni nyiɛ sɛɛ lɛ abibii saji ni akala yɛ wolo lɛ mli lɛ. Oti ni ma hiɛ lɛ akafee akɛ aawie nibii fɛɛ ni kɔɔ sane lɛ he lɛ he kɛkɛ, shi moŋ efee akɛ, aagbala jwɛŋmɔ kɛya sɛɛnamɔ ni yɔɔ saji ni asusuɔ he lɛ nɔ, ni ama nibii ni he baaba sɛɛnamɔ kɛha asafo lɛ nɔ mi. Esa akɛ akɛ saneyitso ni akɛha lɛ atsu nii.
Esa akɛ nyɛmimɛi hii ni akɛ nifeemɔ nɛɛ eha amɛ lɛ akwɛ jogbaŋŋ koni amɛye be ni akɛha lɛ nɔ. Abaanyɛ akɛ ŋaawoo aha yɛ teemɔŋ kɛ́ ehe miihia loo kɛji wielɔ lɛ bi enɛ.
BIBLIA KANEMƆ MLI OTII ANƆMIMAA: Minitii 6. Esa akɛ onukpa ko loo asafoŋ sɔɔlɔ ko atsu enɛ he nii, mɔ ni baaha wiemɔ lɛ akɔ asafo lɛ hiamɔ nii ahe. Saneyitso ko he ehiaaa. Esaaa akɛ enɛ feɔ nikanemɔ naamuamɔ ko kɛkɛ. Abaanyɛ akɛ hiŋmɛitswai 30 kɛyashi 60 awie yitsei ni afo aha lɛ fɛɛ he kuku. Ni kɛlɛ, oti titri lɛ ji, koni aye abua toibolɔi lɛ ni amɛná hiɛsɔɔ amɛha nɔ hewɔ kɛ bɔ ni sane lɛ he yɔɔ sɛɛnamɔ kɛha wɔ. No sɛɛ lɛ, skul nɔkwɛlɔ lɛ baaja skulbii lɛ awo skultsui srɔtoi lɛ amli.
NIFEEMƆ NI JI 2: Minitii 5. Enɛ ji Biblia kanemɔ yɛ sane ni akɛha lɛ mli ni nyɛmi nuu kɛbaaha. Abaafee enɛ yɛ klɛŋklɛŋ skultsu lɛ kɛ ekrokomɛi ni fata he lɛ amli. Bei pii lɛ, nikanemɔ nifeemɔi lɛ yɛ kuku bɔ ni sa ni baanyɛ eha skulnyo lɛ aná hegbɛ koni ekɛ saji amlitsɔɔmɔ kuku aha yɛ hiɛkpamɔ kɛ naagbee wiemɔi lɛ amli. Abaanyɛ akɛ yinɔsane mli saji, gbalɛi loo tsɔɔmɔi ni ekaaa, kɛ shishitoo mlai kɛ nitsumɔ afata he. Esa akɛ akane kukuji ni akɛha lɛ fɛɛ ni akafolɔ mli. Shi, yɛ hei ni kukuji lɛ tsaraaa nɔ lɛ, skulnyo lɛ baanyɛ atsɛ kuku he ni nikanemɔ lɛ baatsa nɔ yɛ lɛ.
NIFEEMƆ NI JI 3: Minitii 5. Akɛ nifeemɔ nɛɛ baaha nyɛmi yoo. Nifeemɔ nɛɛ saneyitso lɛ baadamɔ “Bible Topics for Discussion” taakɛ anaa yɛ New World Translation lɛ mli lɛ nɔ. Shihilɛ lɛ baanyɛ afee trukaa odaseyeli ko, sɛɛsaramɔ ko, loo shia Biblia mli nikasemɔ, ni nifeelɔi lɛ baanyɛ amɛtara shi loo amɛdamɔ shi. Nɔ titri ni skul nɔkwɛlɔ lɛ baasumɔ ni ekwɛ ji bɔ ni skulnyo lɛ baatsu saneyitso ni akɛha lɛ he nii eha, kɛ bɔ ni ebaaye ebua shianyɛ lɛ koni esusu ŋmalɛi lɛ ahe. Esa akɛ skulnyo ni akɛ nifeemɔ nɛɛ ewo edɛŋ lɛ afee mɔ ni le nikanemɔ. Skul nɔkwɛlɔ lɛ baato gbɛjianɔ koni mɔ kome afata ehe, shi abaanyɛ akɛ mɔ kroko hu afata he. Jeee bɔ ni abaafee nii lɛ aha, shi moŋ bɔ ni akɛ Biblia lɛ baatsu nii aha koni emɔ shi lɛ afee oti titri ni abaasusu he.
NIFEEMƆ NI JI 4: Minitii 5. Nifeemɔ nɛɛ saneyitso lɛ baadamɔ Biblia mli gbɔmɔ ko loo “Bible Topics for Discussion” taakɛ anaa yɛ New World Translation lɛ mli lɛ nɔ. Kɛ́ nifeemɔ nɛɛ kɔɔ Biblia mli gbɔmɔ ko he lɛ, abaanyɛ ana Biblia mli gbɔmɔ lɛ he saji yɛ Insight on the Scriptures, Kpo 2 lɛ mli yɛ egbɛi ni akɛha lɛ shishi. Esa akɛ skulnyo lɛ akase Ŋmalɛi ni atsɛ yisɛɛ yɛ sane lɛ mli lɛ bɔni afee ni ená shishinumɔ ni ja yɛ Biblia mli gbɔmɔ lɛ he—saji ni kɔɔ eshihilɛ he, kɛ agbɛnɛ esubaŋ, sui ni mɔ lɛ ná kɛjɛ fɔmɔ mli, kɛ enifeemɔi lɛ ahe. No sɛɛ lɛ, esa akɛ skulnyo lɛ kɛ nifeemɔ lɛ saneyitso ni akɛha lɛ afee wiemɔ koni eha, ni ehala ŋmalɛi ni sa koni ekɛtsu nii. Abaanyɛ akɛ ŋmalɛi krokomɛi ni maa Biblia shishitoo mlai anɔ mi ni ekɛ saneyitso nɛɛ kpãa gbee lɛ afata he. Yiŋtoo ni yɔɔ Biblia mli gbɔmɔ ní asusuɔ ehe lɛ ji, koni atsɔɔ nɔ ni abaanyɛ akase kɛjɛ enɔkwɛmɔnɔ lɛ mli. Anɔkwayeli nifeemɔi, ekãa, heshibaa, kɛ pɛsɛmkunya ní afeee lɛ ji nɔkwɛmɔnii kpakpai ni sa akɛ akɛtsu nii; anɔkwa ni ayeee, kɛ nifeemɔi ni asumɔɔɔ, yɛ akɛ kɔkɔbɔɔ nɔ̃ kpele koni eha Kristofoi atsi amɛhe kɛjɛ gbɛ ni esaaa lɛ he. Kɛ́ nifeemɔ fã nɛɛ damɔ “Bible Topics for Discussion” lɛ nɔ lɛ, no lɛ, esa akɛ akɛ saneyitso ni akɛha lɛ atsu nii, ni esa akɛ skulnyo lɛ abɔ mɔdɛŋ koni ekɛ bɔ ni abaanyɛ akɛ ŋmalɛi lɛ atsu nii aha lɛ aha. Abaanyɛ akɛ Nifeemɔ Ni Ji 4 lɛ aha nyɛmi nuu loo nyɛmi yoo. Kɛ́ akɛha nyɛmi nuu lɛ, esa akɛ akɛha akɛ wiemɔ be fɛɛ be. Kɛ́ akɛha nyɛmi yoo lɛ, esa akɛ etsu he nii taakɛ atsɔɔ mli yɛ Nifeemɔ Ni Ji 3 lɛ mli lɛ. Kɛfata he lɛ, he fɛɛ he ni abaana okadi nɛɛ # akɛ etsa saneyitso ko nɔ yɛ Nifeemɔ Ni Ji 4 lɛ mli lɛ, no lɛ, ehi akɛ akɛha nyɛmi nuu.
*BIBLIA KANEMƆ HE GBƐJIANƆTOO NI AKƐFATA HE: Akɛ enɛ ewo akrabatsai amli ni etsa lala kɛha otsi fɛɛ otsi lɛ nɔ. Kɛ anyiɛ ehe gbɛjianɔtoo lɛ sɛɛ, ni akane aaafee baafa nyɔŋma daa otsi lɛ, abaanyɛ akane Biblia muu lɛ fɛɛ yɛ afii etɛ mli. Skul nifeemɔ lɛ fã ko loo niŋmaa kaa lɛ fã ko damɔɔɔ nikanemɔ he gbɛjianɔtoo ni akɛfata he lɛ nɔ.
KADIMƆ: Kɛha adafitswai kɛ gbɛtsɔɔmɔi krokomɛi ni kɔɔ ŋaawoo, be, niŋmaa kaai, kɛ hesaamɔ kɛha nifeemɔi lɛ ahe lɛ, ofainɛ kwɛmɔ October 1996 Wɔ Maŋtsɛyeli Sɔɔmɔ lɛ baafa 3 lɛ mli.
NIFEEMƆ HE GBƐJIANƆTOO
Jan. 3 Biblia kanemɔ: 5 Mose 4-6
No. 1: Ná Hiɛsɔɔ Oha Yehowa Jɔɔmɔi Lɛ (w98-GA 1/1 bf. 22-24)
No. 2: 5 Mose 6:4-19
No. 3: td 1A Nɔ Hewɔ ni Nyɔŋmɔ Ekpɛlɛɛɛ Blematsɛmɛi a-Jamɔ Nɔ
No. 4: Simon (No. 8)—Saneyitso: #Okɛ Jwɛŋmɔ Kpakpa Asɔmɔ Nyɔŋmɔ
Jan. 10 Biblia kanemɔ: 5 Mose 7-10
No. 1: Wo Anɔkwa Nyɔŋmɔ lɛ Hiɛ Nyam (w98-GA 1/1 bf. 30-31)
No. 2: 5 Mose 8:1-18
No. 3: td 1B Abaanyɛ akɛ Woo Aha Adesai, Shi Nyɔŋmɔ Pɛ Sa akɛ Ajá
No. 4: Sisera (No. 1)—Saneyitso: Yehowa Nɔ̃ Ji Kunimyeli Lɛ
Jan. 17 Biblia kanemɔ: 5 Mose 11-14
No. 1: Nɔ Hewɔ ni Esa akɛ Wɔtsɔ Hiɛ Wɔto Gbɛjianɔ Kɛha Wɔsuɔlɔi (w98-GA 1/15 bf. 19-22)
No. 2: 5 Mose 11:1-12
No. 3: td 2A Harmagedon—Ta ni Kɛ Efɔŋfeemɔ Baaba Naagbee
No. 4: Salomo—Saneyitso: #Buu Otsui He
Jan. 24 Biblia kanemɔ: 5 Mose 15-19
Lala 162 [*Ezekiel 10-16]
No. 1: Hewalɛ ni Anɔkwale lɛ Yɔɔ ni Ekɛtsakeɔ Mɔ ni Ekɛfeɔ Mɛi Ekome (w98-GA 1/15 bf. 29-31)
No. 2: 5 Mose 19:11-21
No. 3: td 2B Nɔ Hewɔ ni Harmagedon Ji Nyɔŋmɔ Suɔmɔ Nifeemɔ
No. 4: Sostene—Saneyitso: Shiɛmɔ Otsɔɔ Gbɔmɛi Srɔtoi Fɛɛ
Jan. 31 Biblia kanemɔ: 5 Mose 20-23
No. 1: Bɔ ni Ŋmalɛ lɛ Buɔ Yijiemɔ kɛ Yiteŋmuluwoo Ehaa (w98-GA 2/1 bf. 29-31)
No. 2: 5 Mose 20:10-20
No. 3: td 3A Baptisimɔ—Kristofoi a-Taomɔ Nii
No. 4: Stefana—Saneyitso: #Feemɔ Shiŋŋ yɛ Anɔkwale lɛ Mli
Feb. 7 Biblia kanemɔ: 5 Mose 24-27
Lala 222 [*Ezekiel 22-27]
No. 1: Nɔdaamɔnɔ Kɛha Anɔkwa Nɔ Kpakpa Gbɛkpaamɔ (w98-GA 2/1 bf. 4-6)
No. 2: 5 Mose 25:5-16
No. 3: td 3B Baptisimɔ Fɔɔɔ Eshai Kɛyaaa
No. 4: Stefano—Saneyitso: #Tsɔɔmɔ akɛ Oyi Obɔ kɛ Mumɔ kɛ Nilee
Feb. 14 Biblia kanemɔ: 5 Mose 28-30
Lala 180 [*Ezekiel 28-33]
No. 1: Ná Shidaa Su (w98-GA 2/15 bf. 4-7)
No. 2: 5 Mose 28:1-14
No. 3: td 4A Biblia lɛ Ji Nyɔŋmɔ Wiemɔ ni Jɛ Mumɔŋ
No. 4: Susana—Saneyitso: Nyɛkɛ Nii ni Nyɛyɔɔ lɛ Ayea Abua Nyɛhe
Feb. 21 Biblia kanemɔ: 5 Mose 31-34
No. 1: Mose Wolo ni Ji Enumɔ—Nɔ Hewɔ ni Ehe Yɔɔ Sɛɛnamɔ (si bf. 40-41 kk. 30-34)
No. 2: 5 Mose 32:35-43
No. 3: td 4B Biblia Lɛ—Gbɛtsɔɔmɔ ni Sɛɛnamɔ Yɔɔ He Kɛha Wɔgbii Nɛɛ
No. 4: Sintika—Saneyitso: Nyɛyaa Nɔ ni Nyɛkɛ Mɛi Krokomɛi Ahia Shi yɛ Toiŋjɔlɛ Mli
Feb. 28 Biblia kanemɔ: Yoshua 1-5
No. 1: Yoshua Wolo lɛ Hiɛkpamɔ (si bf. 42 kk. 1-5)
No. 2: Yoshua 2:8-16
No. 3: td 4C Biblia Lɛ—Wolo Kɛha Gbɔmɛi Fɛɛ
No. 4: Tamar (No. 1)—Saneyitso: Kaaye Ohe Oyai yɛ Kojomɔ Mli
Mar. 6 Biblia kanemɔ: Yoshua 6-9
Lala 164 [*Ezekiel 46-48–Daniel 1-2]
No. 1: Fɔlɔi—Nyɛbua Nyɛbii Ahe! (w98-GA 2/15 bf. 8-11)
No. 2: Yoshua 7:1, 10-19
No. 3: td 5A Lá ni Aheɔ Awoɔ Mɔ Mli lɛ Teɔ Shi Ewoɔ Krɔŋkrɔŋ ni Lá Ji Lɛ
No. 4: Tera (No. 1)—Saneyitso: Ani Jamɔ ni Mɔ ko Fɔlɔi Yɔɔ Mli lɛ Ja Be Fɛɛ Be?
Mar. 13 Biblia kanemɔ: Yoshua 10-13
No. 1: Nɔ ni Biblia lɛ Kɛɔ yɛ Charisma He (w98-GA 2/15 bf. 23-27)
No. 2: Yoshua 11:6-15
No. 3: td 5B Ani Abaabaa Mɔ ko Wala Yi yɛ Gbɛ Fɛɛ Gbɛ Nɔ?
No. 4: Teresh—Saneyitso: Nɔ ni Jɛɔ Anɔkwa ni Ayeee Mli Kɛbaa
Mar. 20 Biblia kanemɔ: Yoshua 14-17
Lala 10 [*Daniel 8-12–Hoshea 1-2]
No. 1: Gbɔmɛi Anɔkwafoi ‘ni Yɔɔ Henumɔi Tamɔ Wɔ Nɔŋŋ’ (w98-GA 3/1 bf. 26-29)
No. 2: Yoshua 15:1-12
No. 3: td 6A Mɛɛ Be Jeŋmaji Abei lɛ Ba Naagbee?
No. 4: Toma—Saneyitso: #Nɔ Hewɔ ni Esa akɛ Wɔsusu Nii Ahe Dani Wɔwie
Mar. 27 Biblia kanemɔ: Yoshua 18-20
No. 1: Yesu Naagbee Gbii yɛ Shikpɔŋ Nɔ lɛ He Mfoniri ni Aaafee yɛ Jwɛŋmɔŋ (w98-GA 3/15 bf. 3-9)
No. 2: Yoshua 18:1-10
No. 3: td 7A Mɛni Ji Kristofoi a-Sɔlemɔ Lɛ?
No. 4: Tiberio—Saneyitso: Jeŋbai Fɔji Baanyɛ Aha Mɔ ko Afee Nifeemɔi Gbohii
Apr. 3 Biblia kanemɔ: Yoshua 21-24
No. 1: Yoshua—Nɔ Hewɔ ni Ehe Yɔɔ Sɛɛnamɔ (si bf. 45-46 kk. 21-24)
No. 2: Yoshua 21:43–22:8
No. 3: td 7B Ani Petro Ji “Tɛsaa” Lɛ?
No. 4: Timoteo—Saneyitso: #Hemɔkɛyeli ni Osatofeemɔ Bɛ Mli lɛ Woɔ Nyɔŋmɔ Hiɛ Nyam
Apr. 10 Biblia kanemɔ: Kojolɔi 1-4
Lala 43 [*Amos 8-9; Obadiah 1-21; Jonah 1-4–Mika 1-5]
No. 1: Kojolɔi Awolo lɛ Hiɛkpamɔ (si bf. 46-47 kk. 1-7)
No. 2: Kojolɔi 3:1-11
No. 3: td 8A Jeŋ Nilee ni Aka Akwɛ lɛ Fiɔ Biblia Mli Amaniɛbɔɔ ni Kɔɔ Adebɔɔ He lɛ Sɛɛ
No. 4: Tito—Saneyitso: #Okɛ Tsui Muu Fɛɛ Asɔmɔ Nyɛmimɛi Lɛ
Apr. 17 Biblia kanemɔ: Kojolɔi 5-7
Lala 193 [*Mika 6-7; Nahum 1-3; Habakkuk 1-3–Zefania 1]
No. 1: Kasemɔ Nii Kɛjɛ Famɔi ní Yesu Kɛha Mɛi 70 lɛ Mli (w98-GA 3/1 bf. 30-31)
No. 2: Kojolɔi 5:24-31
No. 3: td 8B Ani Adebɔɔ Gbi Fɛɛ Gbi lɛ Feɔ Ŋmɛlɛtswai 24 Sɛɛkɛlɛ?
No. 4: Tobia (No. 2)—Saneyitso: Nyɔŋmɔ Henyɛlɔi lɛ Yeŋ Omanye
Apr. 24 Niŋmaa Kaa. Agbe 5 Mose 4-34; Jos 1-24 kɛyashi Kojolɔi 1-7 lɛ Naa
Lala 91 [*Zefania 2-3; Haggai 1-2–Zakaria 1-7]
May 1 Biblia kanemɔ: Kojolɔi 8-10
Lala 38 [*Zakaria 8-14–Maleaki 1-4]
No. 1: Okɛ Bulɛ Ahã Mɛi Krokomɛi Agbɛhe (w98-GA 4/1 bf. 28-31)
No. 2: Kojolɔi 9:7-21
No. 3: td 9A Ani Yesu Gbo yɛ Krɔs Nɔ?
No. 4: Trofimo—Saneyitso: #Okɛ Sɛɛfimɔ Ahã Mɛi ni Nyiɛɔ Hiɛ Lɛ
May 8 Biblia kanemɔ: Kojolɔi 11-14
No. 1: Barnaba, “Miishɛjemɔ Bi” Lɛ (w98-GA 4/15 bf. 20-23)
No. 2: Kojolɔi 13:2-10, 24
No. 3: td 9B Ani Esa akɛ Kristofoi Ajá Krɔs Lɛ?
No. 4: Trifaina—Saneyitso: Ná Yei ni Tsuɔ Nii Dɛŋdɛŋ yɛ Nuntsɔ lɛ Mli lɛ Ahe Miishɛɛ
May 15 Biblia kanemɔ: Kojolɔi 15-18
No. 1: Jeŋ Shweshweeshwe Shihilɛ ni Asraafoi Bɛ Mli (w98-GA 4/15 bf. 28-30)
No. 2: Kojolɔi 17:1-13
No. 3: td 10A Mɛni Hã Gbele Ba?
No. 4: Tihiko—Saneyitso: #Feemɔ Kristofonyo Anɔkwafo ni Anyɛɔ akɛ He Fɔ̃ɔ Enɔ
May 22 Biblia kanemɔ: Kojolɔi 19-21
No. 1: Kojolɔi—Nɔ Hewɔ ni Ehe Yɔɔ Sɛɛnamɔ (si bf. 50 kk. 26-28)
No. 2: Kojolɔi 19:11-21
No. 3: td 10B Ani Gbohii lɛ Baanyɛ Aye Bo Awui?
No. 4: Uria (No. 1)—Saneyitso: Tuumɔ Ohe Kwraa Oha Nyɔŋmɔ Sɔɔmɔ
May 29 Biblia kanemɔ: Rut 1-4
No. 1: Rut Wolo lɛ Hiɛkpamɔ kɛ Nɔ Hewɔ ni Ehe Yɔɔ Sɛɛnamɔ (si bf. 51-53 kk. 1-3, 9-10)
No. 2: Rut 3:1-13
No. 3: td 10C Ani Adesai Baanyɛ Amɛkɛ Amɛwekumɛi ni Egboi lɛ Awie?
No. 4: Uria (Urijah) (No. 2)—Saneyitso: Shé Anɔkwa Nyɔŋmɔ lɛ Gbeyei, Jeee Gbɔmɔ
June 5 Biblia kanemɔ: 1 Samuel 1-3
Lala 191 [*Mateo 27-28–Marko 1-4]
No. 1: Samuel Klɛŋklɛŋ Wolo lɛ Hiɛkpamɔ (si bf. 53-54 kk. 1-6)
No. 2: 1 Samuel 1:9-20
No. 3: td 11A Ani Abonsam Ji Mɔ ko ni Yɔɔ Diɛŋtsɛ?
No. 4: Uza (No. 2)—Saneyitso: #Anyɛŋ akɛ Jwɛŋmɔ Kpakpa ni Ahiɛ lɛ Afee Naajiemɔ Kɛha Toigbele
June 12 Biblia kanemɔ: 1 Samuel 4-7
No. 1: Namɔ Ji Yehowa? (w98-GA 5/1 bf. 5-7)
No. 2: 1 Samuel 4:9-18
No. 3: td 11B Abonsam—Je Lɛŋ Nɔyelɔ ni Anaaa Lɛ
No. 4: Uzia (No. 3)—Saneyitso: #Okɛ Heshibaa Abu Teokrase Gbɛjianɔtoo
June 19 Biblia kanemɔ: 1 Samuel 8-11
Lala 160 [*Marko 10-14]
No. 1: Awoɔ Emuuyeli Mlihiɛmɔ He Nyɔmɔ (w98-GA 5/1 bf. 30-31)
No. 2: 1 Samuel 8:4-20
No. 3: td 11C Nɔ ni Biblia lɛ Kɛɔ yɛ Bɔfoi ni Gbee Shi lɛ Ahe
No. 4: Washti—Saneyitso: Ba Ohe Shi ni Okɛ Nyɔŋmɔ Anyiɛ
June 26 Biblia kanemɔ: 1 Samuel 12-14
Lala 172 [*Marko 15-16–Luka 1-3]
No. 1: Ani Ninámɔ Baanyɛ Aha Oná Miishɛɛ? (w98-GA 5/15 bf. 4-6)
No. 2: 1 Samuel 14:1-14
No. 3: td 12A Shikpɔŋ Lɛ—Abɔ ni Efee Paradeiso
No. 4: Zakeo—Saneyitso: #Joo Hiɛjoomɔ Tsɔne lɛ Naa Foi
July 3 Biblia kanemɔ: 1 Samuel 15-17
No. 1: Eunike kɛ Loise—Nitsɔɔlɔi ni Feɔ Nɔkwɛmɔnɔ Kpakpa (w98-GA 5/15 bf. 7-9)
No. 2: 1 Samuel 16:4-13
No. 3: td 12B Shihilɛ yɛ Shikpɔŋ lɛ Nɔ lɛ Baŋ Naagbee Kɔkɔɔkɔ
No. 4: Zadok (No. 1)—Saneyitso: #Feemɔ Ohe Tsulɔ Anɔkwafo
July 10 Biblia kanemɔ: 1 Samuel 18-20
Lala 156 [*Luka 9-12]
No. 1: Okɛ Yiŋtsɔmɔ Ashɛ Tsui lɛ He (w98-GA 5/15 bf. 21-23)
No. 2: 1 Samuel 19:1-13
No. 3: td 13A Ani Obaanyɛ Oyɔse Apasa Gbalɔi?
No. 4: Zeba—Saneyitso: Abaakojo Mɛi ni Teɔ Shi Woɔ Nyɔŋmɔ Webii Lɛ
July 17 Biblia kanemɔ: 1 Samuel 21-24
No. 1: Tsu Oweku Kwɛmɔ He Sɔ̃ lɛ He Nii (w98-GA 6/1 bf. 20-23)
No. 2: 1 Samuel 24:2-15
No. 3: td 14A Mumɔŋ Tsamɔ He Miihia yɛ Mɛɛ Gbɛ Nɔ?
No. 4: Zakaria (No. 12)—Saneyitso: Yehowa Hiɛ Kpaŋ Etsuji Anɔkwafoi lɛ Anɔ
July 24 Biblia kanemɔ: 1 Samuel 25-27
No. 1: Anɔkwa Jalɛsaneyeli—Mɛɛ Be, ni yɛ Mɛɛ Gbɛ Nɔ? (w98-GA 6/15 bf. 26-29)
No. 2: 1 Samuel 25:23-33
No. 3: td 14B Nyɔŋmɔ Maŋtsɛyeli Lɛ—Nɔ̃ nɔ ni Abaatsɔ Koni akɛ Gbɔmɔtsoŋ Tsamɔ ni Hiɔ Shi Daa Aba
No. 4: Zakaria (No. 20)—Saneyitso: #Wo Mɛi Krokomɛi Hewalɛ yɛ Nyɔŋmɔ Nitsumɔ lɛ Mli
July 31 Biblia kanemɔ: 1 Samuel 28-31
Lala 170 [*Yohane 1-6]
No. 1: Samuel Klɛŋklɛŋ Wolo Lɛ—Nɔ Hewɔ ni Ehe Yɔɔ Sɛɛnamɔ (si bf. 57-58 kk. 27-35)
No. 2: 1 Samuel 31:1-13
No. 3: td 14C Ŋmɛnɛŋmɛnɛ Beaŋ Hemɔkɛyeli Tsamɔ lɛ Jɛɛɛ Nyɔŋmɔ Ŋɔɔ
No. 4: Zakaria (No. 31)—Saneyitso: Hemɔ Nɔ Fɛɛ Nɔ ni Nyɔŋmɔ Kɛɔ lɛ Oye
Aug. 7 Biblia kanemɔ: 2 Samuel 1-4
No. 1: Samuel Wolo ni Ji Enyɔ lɛ Hiɛkpamɔ (si bf. 59 kk. 1-5)
No. 2: 2 Samuel 2:1-11
No. 3: td 14D Ani Lilɛi Srɔtoi Awiemɔ lɛ Kɛ Odaseyeli ni Tsɔɔ Nyɔŋmɔ Nɔkpɛlɛmɔ Haa?
No. 4: Zedekia (No. 1)—Saneyitso: Kwɛmɔ Ohe Nɔ Jogbaŋŋ yɛ Apasa Gbalɔi Ahe
Aug. 14 Biblia kanemɔ: 2 Samuel 5-8
Lala 174 [*Yohane 12-18]
No. 1: “Nyɛpelea” (w98-GA 6/15 bf. 30-31)
No. 2: 2 Samuel 7:4-16
No. 3: td 15A Namɛi Yaa Ŋwɛi?
No. 4: Zedekia (No. 4)—Saneyitso: #Bó Yehowa Mlai lɛ Atoi Be Fɛɛ Be
Aug. 21 Biblia kanemɔ: 2 Samuel 9-12
Lala 107 [*Yohane 19-21–Bɔfoi lɛ Asaji 1-4]
No. 1: Feemɔ Ohe Naanyo Kpakpa (w98-GA 7/1 bf. 30-31)
No. 2: 2 Samuel 11:2-15
No. 3: td 16A Hɛl Jeee Piŋmɔ He Ko
No. 4: Zerubabel—Saneyitso: #Okɛ Ekãa Akpee Shitee-kɛ-woo Naa
Aug. 28 Niŋmaa Kaa. Agbe Kojolɔi 8-21; Ru 1-4; 1Sa 1-31 kɛyashi 2 Samuel 1-12 lɛ Naa
Lala 177 [*Bɔfoi lɛ Asaji 5-10]
Sept. 4 Biblia kanemɔ: 2 Samuel 13-15
Lala 183 [*Bɔfoi lɛ Asaji 11-16]
No. 1: Ha Obii lɛ Aje Shihilɛ Shishi Jogbaŋŋ (w98-GA 7/15 bf. 4-6)
No. 2: 2 Samuel 13:20-33
No. 3: td 16B La Ji Hiɛkpatamɔ He Okadi
No. 4: Ziba—Saneyitso: Lakamɔ kɛ Osheku Haa Yiŋkɔshikɔshifeemɔ Baa Yiŋtoo ni Hɔ Nitsumɔi Kpakpai Asɛɛ lɛ He
Sept. 11 Biblia kanemɔ: 2 Samuel 16-18
Lala 129 [*Bɔfoi lɛ Asaji 17-22]
No. 1: Bɔ ni Esa akɛ Kristofoi Asusu Yarafeemɔ Kusumii Ahe (w98-GA 7/15 bf. 20-24)
No. 2: 2 Samuel 16:5-14
No. 3: td 16C Nuu Niiatsɛ lɛ kɛ Lazaro Sane lɛ Etsɔɔɔ akɛ Naanɔ Piŋmɔ Yɛ
No. 4: Zimri (No. 2)—Saneyitso: #Yehowa Náaa Jeŋba Shara He Tsui
Sept. 18 Biblia kanemɔ: 2 Samuel 19-21
Lala 19 [*Bɔfoi lɛ Asaji 23-28–Romabii 1]
No. 1: Ani Obaanyɛ Okɛ Ohe Afɔ̃ Ohenilee Nɔ? (w98-GA 9/1 bf. 4-7)
No. 2: 2 Samuel 20:1, 2, 14-22
No. 3: td 17A Bɔ ni Kristofoi Buɔ Gbii Juji Ayeli Amɛhaa
No. 4: Zimri (No. 3)—Saneyitso: Hiɛnyam Taomɔ ni Anyɛɛɛ Nɔ Aye lɛ Baanyɛ Ekɛ Hiɛkpatamɔ Aba
Sept. 25 Biblia kanemɔ: 2 Samuel 22-24
No. 1: Samuel Wolo ni Ji Enyɔ—Nɔ Hewɔ ni Ehe Yɔɔ Sɛɛnamɔ (si bf. 63 kk. 28-31)
No. 2: 2 Samuel 23:8-17
No. 3: td 18A Amagai ni Akɛtsuɔ Nii lɛ Wooo Nyɔŋmɔ Hiɛ Nyam
No. 4: Zipora—Saneyitso: Jiemɔ Gbeyeishemɔ kɛ Bulɛ Kpo yɛ Saji Asaamɔ Mli
Oct. 2 Biblia kanemɔ: 1 Maŋtsɛmɛi 1-2
Lala 36 [*Romabii 10-16–1 Korintobii 1-3]
No. 1: Maŋtsɛmɛi a-Klɛŋklɛŋ Wolo lɛ Hiɛkpamɔ (si bf. 64-65 kk. 1-5)
No. 2: 1 Maŋtsɛmɛi 2:1-11
No. 3: td 18B Nɔ ni Jɛɔ Amaga Jamɔ Mli Kɛbaa
No. 4: Zofar—Saneyitso: Nii Ahe ní Awieɔ Shɛii lɛ Etsɔɔɔ Suɔmɔ
Oct. 9 Biblia kanemɔ: 1 Maŋtsɛmɛi 3-6
No. 1: Okɛ Nibii ni He Hiaa Aye Klɛŋklɛŋ Gbɛhe (w98-GA 9/1 bf. 19-21)
No. 2: 1 Maŋtsɛmɛi 4:21-34
No. 3: td 18C Yehowa Pɛ Sa akɛ Ajá
No. 4: td 19A #Futufutu Hemɔkɛyeli Gbɛ lɛ Jeee Nyɔŋmɔ Gbɛ
Oct. 16 Biblia kanemɔ: 1 Maŋtsɛmɛi 7-8
Lala 76 [*1 Korintobii 14-16–2 Korintobii 1-7]
No. 1: Odase Ní Aaaye yɛ Mɛi ni Je Agbo Hiɛ (w98-GA 9/1 bf. 30-31)
No. 2: 1 Maŋtsɛmɛi 7:1-14
No. 3: td 19B Ani Jamɔi Fɛɛ Hi?
No. 4: td 20A Esa akɛ Kristofoi kɛ Nyɔŋmɔ Gbɛi Diɛŋtsɛ Atsu Nii
Oct. 23 Biblia kanemɔ: 1 Maŋtsɛmɛi 9-11
Lala 97 [*2 Korintobii 8-13–Galatabii 1-4]
No. 1: Bɔ ni Kristofoi Buɔ Gbãla Nii Amɛhaa (w98-GA 9/15 bf. 24-27)
No. 2: 1 Maŋtsɛmɛi 11:1-13
No. 3: td 20B Anɔkwalei ni Kɔɔ Shihilɛ Mli ni Nyɔŋmɔ Yɔɔ lɛ He
No. 4: td 20C #Nyɔŋmɔ Sui lɛ Ní Aaayɔse
Oct. 30 Biblia kanemɔ: 1 Maŋtsɛmɛi 12-14
Lala 113 [*Galatabii 5-6; Efesobii 1-6–Filipibii 1-2]
No. 1: Ani Nyɔŋmɔ Ji Mɔ ko ni Yɔɔ Diɛŋtsɛ Kɛha Bo? (w98-GA 9/15 bf. 21-23)
No. 2: 1 Maŋtsɛmɛi 13:1-10
No. 3: td 20D Jeee Mɛi Fɛɛ Sɔmɔɔ Nyɔŋmɔ Kome Too Lɛ
No. 4: td 21A Ani Yehowa Odasefoi a-Jamɔ lɛ Ji Jamɔ Hee?
Nov. 6 Biblia kanemɔ: 1 Maŋtsɛmɛi 15-17
Lala 123 [*Filipibii 3-4; Kolosebii 1-4–1 Tesalonikabii 1-5]
No. 1: Yaa Hiɛ yɛ Mumɔŋ Be Fɛɛ Be! (w98-GA 10/1 bf. 28-31)
No. 2: 1 Maŋtsɛmɛi 15:9-24
No. 3: td 22A Yesu Kristo—Nyɔŋmɔ Bi kɛ Maŋtsɛ ni Ahala Lɛ
No. 4: td 22B Nɔ Hewɔ ni Yesu Mli Hemɔkɛyeli He Hiaa Kɛha Yiwalaheremɔ Lɛ
Nov. 13 Biblia kanemɔ: 1 Maŋtsɛmɛi 18-20
Lala 159 [*2 Tesalonikabii 1-3; 1 Timoteo 1-6–2 Timoteo 1-3]
No. 1: Tsu Naagbai Ahe Nii yɛ Toiŋjɔlɛ Mli (w98-GA 11/1 bf. 4-7)
No. 2: 1 Maŋtsɛmɛi 20:1, 13-22
No. 3: td 22C Ani Yesu Mli Hemɔkɛyeli Kɛkɛ ni Aaaná lɛ Fa Bɔ ni Aaaha Ahere Mɔ ko Yiwala?
No. 4: td 23A #Jɔɔmɔi ni Nyɔŋmɔ Maŋtsɛyeli lɛ Kɛaaba
Nov. 20 Biblia kanemɔ: 1 Maŋtsɛmɛi 21-22
Lala 179 [*2 Timoteo 4; Tito 1-3; Filemon 1-25–Hebribii 1-7]
No. 1: Maŋtsɛmɛi a-Klɛŋklɛŋ Wolo Lɛ—Nɔ Hewɔ ni Ehe Yɔɔ Sɛɛnamɔ (si bf. 68-69 kk. 23-26)
No. 2: 1 Maŋtsɛmɛi 22:29-40
No. 3: td 23B Maŋtsɛyeli lɛ Je Shishi Beni Kristo Henyɛlɔi lɛ Yɔɔ Shihilɛ Mli Lolo
No. 4: td 23C Nyɔŋmɔ Maŋtsɛyeli lɛ Baaa Kɛtsɔ Adesai Amɔdɛŋbɔi Anɔ
Nov. 27 Biblia kanemɔ: 2 Maŋtsɛmɛi 1-3
Lala 148 [*Hebribii 8-13–Yakobo 1-2]
No. 1: Maŋtsɛmɛi a-Wolo ni Ji Enyɔ lɛ Hiɛkpamɔ (si bf. 69 kk. 1-4)
No. 2: 2 Maŋtsɛmɛi 2:15-25
No. 3: td 24A Nɔ ni “Je lɛ Naagbee lɛ” Tsɔɔ
No. 4: td 24B #Ha Ohiɛ Atsɛ̃ yɛ Mumɔŋ ni Okɛye Naagbee Gbii lɛ He Odase
Dec. 4 Biblia kanemɔ: 2 Maŋtsɛmɛi 4-6
Lala 109 [*Yakobo 3-5; 1 Petro 1-5–2 Petro 1-3]
No. 1: Susumɔ Jamɔŋ Hegbɛ Hemɔ loo Hɔɔmɔ He (w98-GA 11/15 bf. 28)
No. 2: 2 Maŋtsɛmɛi 5:20-27
No. 3: td 25A Naanɔ Wala Jeee Lamɔ ko Kɛkɛ
No. 4: td 25B Namɛi Yaa Ŋwɛi?
Dec. 11 Biblia kanemɔ: 2 Maŋtsɛmɛi 7-9
Lala 117 [*1 Yohane 1-5; 2 Yohane 1-13; 3 Yohane 1-14; Yuda 1-25–Kpojiemɔ 1]
No. 1: Biblia Shishitoo Mlai ni Esa akɛ Anyiɛ Sɛɛ Beni akɛ Shika Faa loo Afaa Shika Lɛ (w98-GA 11/15 bf. 24-27)
No. 2: 2 Maŋtsɛmɛi 7:1, 2, 6, 7, 16-20
No. 3: td 25C Atsɔko Yibɔ ko Kɛha Mɛi ni Baaná Naanɔ Wala yɛ Shikpɔŋ lɛ Nɔ Lɛ
No. 4: td 26A #Esa akɛ Awo Gbalashihilɛ Tsakpaa lɛ Hiɛ Nyam
Dec. 18 Biblia kanemɔ: 2 Maŋtsɛmɛi 10-12
Lala 181 [*Kpojiemɔ 2-12]
No. 1: Anɔkwa Sane ni Kɔɔ Yesu Fɔmɔ He Lɛ (w98-GA 12/15 bf. 5-9)
No. 2: 2 Maŋtsɛmɛi 11:1-3, 9-16
No. 3: td 26B Esa akɛ Kristofoi kɛ Bulɛ Aha Shishitoo Mla ni Kɔɔ Yitsoyeli lɛ He
No. 4: td 26C Fɔlɔi Agbɛnaa Nii Kɛha Gbekɛbii
Dec. 25 Niŋmaa Kaa. Agbe 2 Samuel 13-24; 1 Maŋtsɛmɛi 1-22 kɛyashi 2 Maŋtsɛmɛi 1-12 lɛ Naa
Lala 217 [*Kpojiemɔ 13-22]