Sɔɔmɔ Kpee He Gbɛjianɔtoo
Otsi ni Jeɔ Shishi February 11
Lala 6
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Awo hewalɛ ni mɔ fɛɛ mɔ akane loo atĩ 1 Mose 6:1 kɛyashi 9:19 lɛ mli ni amɛkwɛ vidio ni ji Noah—He Walked With God ni amɛkɛsaa amɛhe amɛha ehe sanegbaa yɛ February 25 otsi lɛ Sɔɔmɔ Kpee lɛ mli.
17 min: “Shiɛmɔ Nyɔŋmɔ Wiemɔ lɛ Kɛmɔ Shi.”* (Kukuji 1-13) Onukpai asɛinɔtalɔ lɛ baatsu enɛ he nii. Miishɛɛ sanegbaa ni kɔɔ nɔ ni wɔshweɔ ni wɔfee yɛ March kɛ no sɛɛ lɛ he. Mɔ fɛɛ mɔ kɛ kalanda ni afee awo nɔ ni aŋma ahɔ mli lɛ mli lɛ atsu nii ni akɛto be he gbɛjianɔ ni abaanyɛ akɛtsu nii koni akɛ he awo sɔɔmɔ nitsumɔ lɛ mli babaoo bɔ ni aaanyɛ yɛ March mli. Awo mɛi fɛɛ ni baanyɛ lɛ hewalɛ koni amɛtsɔmɔ gbɛgbalɔi awalɔi yɛ nakai nyɔŋ lɛ mli. Kɛji akɛ nyɛmiisusu kukuji 7 kɛ 8 he lɛ, abi ni mɛi ni kɛ amɛhe wo mli yɛ nyɛsɛɛ Kaimɔ be lɛ mli lɛ agba jɔɔmɔi komɛi ni amɛná mli ŋɔɔmɔ lɛ ekomɛi amɛtsɔɔ. Tswaa adafi akɛ nine baanyɛ ashɛ gbɛgbalɔi awalɔi agbɛbimɔ woji anɔ yɛ kpee nɛɛ sɛɛ.
10 min: “Kpokpaa nɔ Kpee He Wiemɔ Gbɛjianɔtoo Hee.” Wiemɔ. Atswa be ni abaafee kpokpaa nɔ kpee ni baanyiɛ sɛɛ aba lɛ he adafi. Esa akɛ mɔ fɛɛ mɔ abɔ mɔdɛŋ krɛdɛɛ ni amɛfɔ̃ Biblia kaselɔi anine. Awo mɛi ni abaptisiko amɛ lɛ hewalɛ ni amɛkɛ hiɛdɔɔ asusu amɛhe nɔ ni amɛaajɔɔ amɛha Yehowa yɛ kpee ni baa lɛ shishi lɛ he. Awo hewalɛ ni mɔ fɛɛ mɔ aya gbii enyɔ lɛ fɛɛ.
10 min: “Nɔ ni Esa akɛ Owie yɛ Woji Tɛtrɛbii lɛ Ahe.” Abi shiɛlɔi bɔ ni nɛkɛ fã ni yɔɔ Wɔ Maŋtsɛyeli Sɔɔmɔ lɛ mli lɛ eye ebua amɛ koni amɛsaa amɛhe jogbaŋŋ ni amɛkɛ saji ni haoɔ mɔ yɛ nɛkɛ jaramɔ bei nɛɛ amli lɛ ato emli saji lɛ ahe. Mɛɛ niiashikpamɔi amɛteŋ mɛi komɛi ná yɛ miishɛjemɔ ni amɛkɛha mɛi kɛ bɔ ni amɛye amɛbua amɛ ni amɛná sanebimɔi ni haoɔ amɛ lɛ ahetooi ni damɔ Biblia lɛ nɔ lɛ? Atsɔɔ gbɛ ni abaatsɔ nɔ akɛ February 15 Buu-Mɔɔ lɛ kɛ agbɛnɛ February 22 Awake! lɛ aha yɛ nɔkwɛmɔnii kukuji enyɔ mli.
Lala 49 kɛ naagbee sɔlemɔ.
Otsi ni Jeɔ Shishi February 18
Lala 95
8 min: Asafoŋ adafitswai. Shika he akɔntaabuu.
12 min: “Gbɔmɛi ni Yɔɔ Miishɛɛ Fe Fɛɛ yɛ Shikpɔŋ Nɔ.”* Akɛ “Nifeemɔi ni kɛ Mɔ Yaa Miishɛɛ Mli,” ni yɔɔ October 15, 1997 Buu-Mɔɔ lɛ baafa 6 lɛ afata he kuku.
25 min: “Shiɛmɔ Nyɔŋmɔ Wiemɔ lɛ Kɛmɔ Shi.”* (Kukuji 14-23) Sɔɔmɔ nitsumɔ nɔkwɛlɔ lɛ baatsu he nii. Atĩ gbɛjianɔ krɛdɛɛ ni ato yɛ asafo lɛ mli kɛha nitsumɔ ni fa yɛ March mli lɛ mli. Atsɔɔ gbɛjianɔ ni ato kɛha kpeei kɛha shiɛmɔyaa yɛ nyɔŋ lɛ mli lɛ mli. Agbala jwɛŋmɔ kɛya mɛi ni ekpa shiɛmɔyaa ni aaakanya amɛ ekoŋŋ lɛ nɔ, kɛ gbekɛbii kɛ Biblia kaselɔi ni aaaye abua amɛ ni amɛhe asa akɛ shiɛlɔi ni abaptisiko amɛ. Atsĩ mɛi ni kɛ amɛhe eha akɛ gbɛgbalɔi awalɔi yɛ March mli lɛ agbɛi atã, ni awo hewalɛ ni mɛi pii kɛ sɔlemɔ asusu amɛhe ni amɛaafata lɛ he.
Lala 143 kɛ naagbee sɔlemɔ.
Otsi ni Jeɔ Shishi February 25
Lala 174
15 min: Asafoŋ adafitswai. Afee nɔkwɛmɔnii enyɔ ni kɔɔ woji tɛtrɛbii kɛhamɔ he—akɛ March 1 Buu-Mɔɔ lɛ atsu ekome he nii ni akɛ ekroko lɛ atsu March 8 Awake! lɛ he nii. Ha gbekɛ ko kɛ ekome aha. Akai shiɛlɔi ni amɛkɛ amɛ February sɔɔmɔ nitsumɔ he akɔntaabuu aha.
15 min: “Hewalɛ ni Vidioi ni Yeɔ Odase lɛ Náa yɛ Mɛi Anɔ” Toibolɔi ni akɛaagba sane. Kɛbashi bianɛ lɛ, wɔkwɛ wɔ vidioi lɛ ateŋ kpaanyɔ yɛ Sɔɔmɔ Kpee he gbɛjianɔtoo lɛ mli. Yɛ be mli ni asusu nɔkwɛmɔnii ni akɛha yɛ sane lɛ mli lɛ he kuku lɛ, abi shiɛlɔi ni amɛgba omanye ni amɛye yɛ vidioi lɛ ni amɛjie amɛtsɔɔ mɛi krokomɛi lɛ mli.
15 min: “Mɔ Fɛɛ Mɔ Baanyɛ Akase Nii Kɛjɛ Noah—He Walked With God Vidio lɛ mli.” Akɛ toibolɔi aje Noah vidio lɛ he sanegbaa shishi amrɔ nɔŋŋ, ni akɛ sanebimɔi ni akɛha yɛ akrabatsa lɛ mli yɛ baafa nɛɛ lɛ atsu nii. Wɔbaaku sɛɛ wɔkwɛ vidio ni ji Young People Ask—How Can I Make Real Friends? lɛ ekoŋŋ yɛ April mli.
Lala 215 kɛ naagbee sɔlemɔ.
Otsi ni Jeɔ Shishi March 4
Lala 207
5 min: Asafoŋ adafitswai.
12 min: Asafoŋ hiamɔ nii.
12 min: Okɛ Nilee Wolo lɛ Atsu Nii ni Okɛje Nikasemɔi Ashishi. Wɔbaaje shishi wɔbɔ mɔdɛŋ krɛdɛɛ koni wɔje shia Biblia mli nikasemɔi ashishi yɛ March mli. Akɛ be kuku agba niiashikpamɔ ni yɔɔ August 1998 Wɔ Maŋtsɛyeli Sɔɔmɔ lɛ baafa 4, kuku 8 lɛ he sane. Kɛji akɛ mɔ ko eje nikasemɔ shishi yɛ Nilee wolo lɛ mli nyɛsɛɛ nɛɛ, no lɛ afee bɔ ni aje shishi aha lɛ he nɔkwɛmɔnɔ. Akai mɔ fɛɛ mɔ “Ŋaawoi Kɛha Nilee Wolo lɛ Kɛhamɔ” ni aŋma ahɔ January 2002 Wɔ Maŋtsɛyeli Sɔɔmɔ lɛ mli lɛ. Akɛ wolo lɛ atsu nii ni akɛfee ŋaawoi lɛ ekome ni yɔɔ baafa 6 yɛ nɔ ni aŋma ahɔ mli lɛ mli yɛ ‘Gbɛ ni Yɔɔ Tɛ̃ɛ’ shishi lɛ he nɔkwɛmɔnɔ.
16 min: “Mɛni Hewɔ Esa akɛ Oya nɔ Oshiɛ Lolo?”* Okɛba naagbee kɛ saji ni ooobi shiɛlɔ kome loo mɛi enyɔ ni ámɛtee nɔ ámɛshiɛ afii babaoo. Ha amɛwie amɛhenumɔi ahe yɛ nɔ hewɔ ni ámɛka he ámɛtee nɔ yɛ nɛkɛ nitsumɔ nɛɛ mli kɛ bɔ ni ehe eba sɛɛnamɔ kɛha amɛ.
Lala 223 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.