Nɔ ni Esa akɛ Owie yɛ Woji Tɛtrɛbii lɛ Ahe

The Watchtower July 15

“Ani osusuɔ akɛ apiŋɔ mɛi fɔji lɛ yɛ hɛl? [Ŋmɛɛ gbɛ ni ewie.] Biblia lɛ tsɔɔ yɛ faŋŋ mli nɔ ni toigbalamɔ kɛha esha ji. [Kanemɔ Romabii 6:23a.] Belɛ, ani hɛl ji piŋmɔ he ko ni la tsoɔ yɛ jɛmɛ? Ani eji shihilɛ ko kɛkɛ ni eha atsi he kɛjɛ Nyɔŋmɔ he? Wolo tɛtrɛɛ nɛɛ kɛ Ŋmalɛ naa hetooi haa sanebimɔi nɛɛ.”

Awake! July 22

“Mɛi babaoo buɔ asɔshwɛmɔ akɛ eji kwasafoŋ hiɛtserɛjiemɔ shihilɛ ni akpɛlɛɔ nɔ. Mɛi krokomɛi nuɔ he akɛ eyeɔ wekui kɛ maŋbii fɛɛ awui. Awake! nɛɛ pɛiɔ asɔshwɛmɔ mli kɛtsɔ niiamlitaomɔ ko ni aŋmala nyɛsɛɛ nɛɛ he susumɔ nɔ. Ekolɛ obaaná he miishɛɛ hu akɛ oookane bɔ ni Biblia shishitoo mlai lɛ wieɔ saneyitso nɛɛ he ehaa.” Ákɛ nɔkwɛmɔnɔ lɛ, kanemɔ 1 Timoteo 6:10.

The Watchtower Aug. 1

“Mɛi babaoo susuɔ akɛ apasa hemɔkɛyeli susumɔi kɛ kusumii lɛ ji nɔ ko ni akɛjieɔ hiɛtserɛ kɛkɛ. [Okɛ nɔ kome loo enyɔ ni jɛ akrabatsa ni yɔɔ baafa 5 lɛ mli lɛ atsɔɔ.] Ani osusu nɔ ni hɔ susumɔi ni tamɔ nɛkɛ sɛɛ lɛ ahe pɛŋ? [Beni eha hetoo sɛɛ lɛ, kanemɔ 2 Korintobii 11:14 lɛ.] Wolo tɛtrɛɛ nɛɛ tsɔɔ bɔ ni Biblia lɛ buɔ apasa hemɔkɛyelii ehaa.”

Awake! Aug. 8

“Mɛi babaoo susuɔ basabasafeemɔ kɛ hegbeyeiwoo ni yaa nɔ efaa babaoo lɛ he. Ekolɛ okɛ wiemɔi ni yɔɔ Jajelɔ 8:9 lɛ kpãa gbee. [Kanemɔ ni oŋmɛ gbɛ ni ewie.] Awake! nɛɛ wieɔ nikasemɔi ni jɛ be ko ni eho lɛ he, ni etsɔɔ bɔ ni etsɛŋ ni mɔ nɔ yeli baaba naagbee.”