Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Aug.1

“Ŋmɛnɛ lɛ, he fɛɛ he kwraa ni obaatsɔ lɛ aafee mɛi niseniianii. Ani osusuɔ akɛ kɛ́ mɛi babaoo kɛ Yesu wiemɔi nɛɛ tsu nii lɛ shihilɛ lɛ baahi? [Kanemɔ Mateo 7:12. No sɛɛ lɛ, ŋmɛɛ lɛ gbɛ ni eha hetoo.] Wolo tɛtrɛɛ nɛɛ jɛɔ Biblia lɛ mli ehaa wɔleɔ gbɛ ni aatsɔ nɔ aha adesai anine ashɛ woo ni sa amɛ lɛ nɔ.”

Awake! Aug.

“Wɔteŋ mɔ fɛɛ mɔ kwraa sumɔɔ ni ená helatsamɔ kpakpa. Ani ole akɛ datrɛfoi pii yɛ ŋmɛnɛ ní shashaoɔ shi akɛ amɛaaha mɔ lá? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ nɔ̃ hewɔ ni amɛfeɔ nakai. Kɛfata he lɛ, ejɛɔ Biblia lɛ mli etsɔɔ nɔ̃ hewɔ ni Nyɔŋmɔ buɔ lá akɛ nɔ ko ni jara wa.” Kanemɔ 3 Mose 17:11.

Buu-Mɔɔ Aug. 1

“Wɔbaasumɔ koni wɔle osusumɔ yɛ sane ko ni Yesu wie lɛ he. [Kanemɔ Mateo 5:5.] Ani osusuɔ akɛ kɛ́ shiwoo nɛɛ ba mli lɛ, shihilɛ ni yaa nɔ yɛ shikpɔŋ nɔ amrɔ nɛɛ baakã he ahi nakai nɔŋŋ? [Ŋmɛɛ gbɛ ni eha hetoo.] Wolo tɛtrɛɛ nɛɛ jɛɔ Biblia lɛ mli etsɔɔ wɔ gbɛ ni Yesu baatsɔ nɔ etsake shihilɛ ni yaa nɔ yɛ shikpɔŋ lɛ nɔ lɛ. Kɛfata he lɛ, ehaa wɔleɔ mɛi anɔ̃ ni shikpɔŋ lɛ baatsɔ.”

Awake! Aug.

“Ani osusuɔ akɛ be baashɛ ni wɔkɛ wɔsuɔlɔi ni egboi lɛ baakpe ekoŋŋ? [Ŋmɛɛ gbɛ ni eha hetoo.] Kadimɔ shiwoo ni Yesu kɛha yɛ mɛi ni egboi lɛ ahe. [Kanemɔ Yohane 5:28, 29.] Saneyitso nɛɛ jɛɔ Biblia lɛ mli etsɔɔ wɔ nɔ ni baa mɔ nɔ kɛ́ egbo.” Okɛ saneyitso ni yɔɔ baafa 28 lɛ atsɔɔ lɛ.