Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Aug. 1

“Ani osusuɔ akɛ kɛ́ abo Yesu ŋaawoo ni yɔɔ ŋmalɛ nɛɛ mli lɛ toi lɛ, ebaaha miishɛɛ ahi weku lɛ mli? [Kanemɔ Yohane 13:34. Ŋmɛɛ gbɛ ni eha hetoo.] Sane ni yɔɔ biɛ lɛ tsɔɔ bɔ ni nibii ni Yesu tsɔɔ kɛ enɔkwɛmɔnɔ lɛ saa weku mlibii lɛ ateŋ mɔ fɛɛ mɔ he.” Okɛ sane ni yɔɔ baafa 16 kɛ 17 lɛ atsɔɔ lɛ.

Awake! Aug.

“Ani osusuɔ akɛ adesai anɔyelii baanyɛ atsu bɔ ni je lɛŋ yaa nɔ edɔɔ waa lɛ he nii yɛ omanyeyeli mli? [Ŋmɛɛ gbɛ ni eha hetoo. No sɛɛ lɛ kanemɔ Yeremia 10:23.] Miheɔ miyeɔ akɛ obaanya sane nɛɛ he. Ewieɔ tsabaa ni Nyɔŋmɔ kɛbaaha yɛ nibii ni fiteɔ wɔshikpɔŋ nɛɛ he.”

Buu-Mɔɔ Sept. 1

“Mɛi pii le Yesu wiemɔi ni yɔɔ Mateo 6:9 lɛ jogbaŋŋ. [Kanemɔ.] Shi kɛlɛ, ewa kɛha mɛi pii akɛ amɛaabɛŋkɛ Nyɔŋmɔ akɛ Tsɛ. Mɛɛ gbɛ nɔ osusuɔ akɛ wɔbaanyɛ wɔtsɔ wɔbɛŋkɛ Nyɔŋmɔ? [Ŋmɛɛ gbɛ ni eha hetoo.] Wolo tɛtrɛɛ nɛɛ wieɔ wɔŋwɛi Tsɛ lɛ sui kɛ gbɛ nɔ ni wɔbaanyɛ wɔtsɔ wɔle lɛ jogbaŋŋ lɛ he.”

Awake! Sept.

“Yɛ afii ohai abɔ ni eho lɛ mli lɛ, mɛi ehiɛ susumɔi srɔtoi ni kɔɔ shihilɛ yɛ gbele sɛɛ lɛ he. Te bo hu osusuɔ tɛŋŋ? [Ŋmɛɛ gbɛ ni eha hetoo.] Kadimɔ hemɔkɛyeli ni Hiob jie lɛ kpo yɛ biɛ lɛ. [Kanemɔ Hiob 14:14, 15 lɛ.] Saji ni yɔɔ biɛ lɛ wieɔ nɔ ni Biblia lɛ kɛɔ yɛ wala yɛ gbele sɛɛ lɛ he.”