Sɔɔmɔ Kpee He Gbɛjianɔtoo

Otsi ni Jeɔ Shishi August 12

Lala 76

13 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ ŋaawoi ni yɔɔ baafa 8 lɛ atsu nii ni oha afee nɔkwɛmɔnii srɔtoi enyɔ ni okɛtsɔɔ bɔ ni akɛ August 15 Buu-Mɔɔ lɛ kɛ August 22 Awake! lɛ baaha. Yɛ nɔkwɛmɔnɔ lɛ eko fɛɛ eko mli lɛ, tsɔɔmɔ gbɛ̀i srɔtoi ni abaanyɛ atsɔ nɔ atsu mɔ ni tsĩɔ sanegbaa naa akɛ, “Why do you people call so often?” (Mɛni hewɔ nyɛyaa mɛi aŋɔɔ shii abɔ nɛkɛ?) lɛ he nii.—Kwɛmɔ Reasoning wolo lɛ baafa 20 lɛ mli.

20 min: “Okɛ Mumɔŋ Otii Amamɔ Ohiɛ.”* Kɛ oosusu kuku 5 lɛ he lɛ, okɛ hewalɛwoo wiemɔi ni kɔɔ daa gbɛgbamɔ nitsumɔ lɛ, maŋsɛɛ sanekpakpa shiɛmɔ nitsumɔ lɛ, kɛ Betel sɔɔmɔ he lɛ ni yɔɔ Our Ministry wolo lɛ mli baafa 114-116 lɛ afata he.

12 min: Asafoŋ niiashikpamɔi. Ha asafo lɛ agba niiashikpamɔi ni amɛná yɛ dɛhiɛmɔ wolo ni ji Ani Obaasumɔ ni Ole Biblia lɛ Mli Saji Babaoo? lɛ kɛ nitsumɔ mli. Ani aje Biblia mli nikasemɔi komɛi ashishi? Kɛ nakai lɛ, tsɔɔmɔ bɔ ni ebalɛ loo saamɔ ofee niiashikpamɔi lɛ ekome loo enyɔ he nɔkwɛmɔnɔ. Tĩi akrabatsa ni ji, “Hegbɛi ni Wɔɔná ni Wɔkɛja Dɛhiɛmɔ Wolo Lɛ” ni yɔɔ December 2001 Wɔ Maŋtsɛyeli Sɔɔmɔ lɛ mli lɛ baafa 4 lɛ mli.

Lala 123 kɛ naagbee sɔlemɔ.

Otsi ni Jeɔ Shishi August 19

Lala 182

15 min: Asafoŋ adafitswai. “Ani Okɛ Ohe Woɔ Shiɛmɔ Nitsumɔ lɛ Mli Daa?”a Kɛ oosusu kuku 3 lɛ he lɛ, okɛ niiashikpamɔ ni yɔɔ 2000 Yearbook lɛ baafa 51, kuku 3 lɛ mli lɛ afata he.

15 min: Mɛni Tsĩɔ Amɛnaa? Toibolɔi kɛ sanegbaa kɛ nɔkwɛmɔnii. Wɔkɛ mɛi ni shashaoɔ shi akɛ amɛkɛ mɛi aaasusu amɛhemɔkɛyelii ahe kpeɔ bei babaoo yɛ wɔshiɛmɔ nitsumɔ lɛ mli. Enɛ kɛ gbɛtsii nii ni baanyɛ atsĩ wɔnaa yɛ Maŋtsɛyeli shɛɛ sane lɛ ni wɔɔgba lɛ he lɛ baa. Kɛji akɛ wɔyɔse nɔ hewɔ ni mɔ ko gbalaa ehe shi lɛ, enɛ baanyɛ aye abua wɔ ni wɔto gbɛjianɔ kroko ni baawo mɔ lɛ hewalɛ koni ejie esusumɔi akpo. Susumɔ bɔ ni wɔɔnyɛ wɔtsake wɔshiɛmɔ wiemɔ mli kɛ wɔkɛ mɛi ni tamɔ nɛkɛ kpe: (1) Mɛi ni bɛ jamɔ he miishɛɛ, ni amɛ diɛŋtsɛ amɛnɔ lɛ po lɛ fata he lɛ. (2) Mɛi ni yɔɔ henumɔ ko ni mli wa kɛha jamɔ mli kusumii ni amɛweku kɛ amɛblematsɛmɛi lɛ kɛ amɛhe ewo mli lɛ he lɛ. (3) Mɛi ni amɛhiɛ gboɔ akɛ amɛaawie amɛhemɔkɛyelii ahe akɛni amɛbɛ Ŋmalɛ naa sɛɛfimɔ ko tsɔ̃ yɛ he hewɔ lɛ. (4) Mɛi ni hiɛ wɔhe jwɛŋmɔ fɔŋ yɛ lakamɔ wiemɔi ni shitee-kɛ-wolɔi wieɔ lɛ hewɔ lɛ eko kpe lɛ. Saamɔ niŋmalamɔi lɛ ahe bɔ ni baakɔ shikpɔŋ kuku lɛ he, ní ogbala jwɛŋmɔ oma sui ni akɛfɔɔ kpee lɛ anɔ. Okɛ nɔkwɛmɔnɔ kuku ko ni miitsɔɔ bɔ ni aaafee atee mɔ ko miishɛɛ shi kɛha Biblia mli sanegbaa lɛ afata he.

15 min: “Jiemɔ Kristofoi Anɔkwayeli Kpo Kɛ́ Ashwie Wekunyo Ko.”* (Baafa 1-8) Esa akɛ onukpa ni he esa atsu enɛ he nii, ni ekɛ sanebimɔi ni akɛha lɛ atsu nii. Ha nyɛmi nuu ko ni he esa kɛ gbee ni naa wa akane kuku fɛɛ kuku mli.

Lala 136 kɛ naagbee sɔlemɔ.

Otsi ni Jeɔ Shishi August 26

Lala 189

13 min: Asafoŋ adafitswai. Shika he akɔntaabuu. Okɛ ŋaawoi ni yɔɔ baafa 8 lɛ atsu nii ni oha daa gbɛgbalɔ aloo gbɛgbalɔi awalɔ ko afee bɔ ni akɛ September 1 Buu Mɔɔ lɛ baaha lɛ he nɔkwɛmɔnɔ, ni oha asafoŋ shiɛlɔ ko afee bɔ ni akɛ September 8 Awake! lɛ baaha lɛ he nɔkwɛmɔnɔ. Wó shiɛlɔi fɛɛ hewalɛ koni amɛkɛ ŋmalɛi atsu nii yɛ amɛshiɛmɔ wiemɔi amli.

17 min: “Feemɔ Ohe Sanegbalɔ!”* Yɛ enaamuu mli lɛ, wó shiɛlɔi fɛɛ hewalɛ koni amɛsaa amɛti saneyitso ni ji, “Bɔ ni Aaafee Aha Sanegbaa Hesaai Aya Hiɛ” ni yɔɔ Benefit From Theocratic Ministry School Education (Ná Teokrase Sɔɔmɔ Skul Tsɔsemɔ lɛ He Sɛɛ) wolo lɛ mli lɛ, baafa 62-65.

15 min: “Jiemɔ Kristofoi Anɔkwayeli Kpo Kɛ́ Ashwie Wekunyo Ko.”* (Baafa 9-14) Esa akɛ onukpa ni he esa atsu enɛ he nii, ni ekɛ sanebimɔi ni akɛha lɛ atsu nii. Ha nyɛmi nuu ko ni he esa kɛ gbee ni naa wa akane kuku fɛɛ kuku mli.

Lala 125 kɛ naagbee sɔlemɔ.

Otsi ni Jeɔ Shishi September 2

Lala 84

10 min: Asafoŋ adafitswai. Kaimɔ shiɛlɔi koni amɛkɛ amɛ shiɛmɔyaa he akɔntaabui kɛha August aha. Gbalamɔ jwɛŋmɔ kɛya sane ni ji “Okɛ Obii lɛ Akane Nii” ni yɔɔ May 1, 1999 Buu-Mɔɔ lɛ mli lɛ, baafa 25 lɛ nɔ kuku.

20 min: Saamɔ Ohe Dani Oya. Sanegbaa kɛ nɔkwɛmɔnɔ. Gbɛjianɔtoo kpakpa yeɔ ebuaa ni wɔbɔɔ mɔdɛŋ yɛ shiɛmɔ nitsumɔ lɛ mli. No hewɔ lɛ, mra be mli lɛ: (1) Ŋɔɔ woji ni he baahia bo lɛ. (2) Feemɔ klalo akɛ oyɛ shia kɛ shia kadimɔ woji bɔ ni sa kɛ pɛn loo pɛnsil. (3) Kɛji ehe baahia ni ofo tsɔne lɛ, too gbɛfaa he gbɛjianɔ ni sa. (4) Susumɔ sɛɛsaramɔ ni oto akɛ obaafee lɛ he. (5) Too nɔ ni obaawie lɛ he gbɛjianɔ. Kɛji bo obaanyiɛ kpee kɛha shiɛmɔyaa lɛ hiɛ lɛ, too shikpɔŋkuku bɔ ni sa he gbɛjianɔ. Okɛ toibolɔi lɛ asusu gbɛ̀i enyɔ loo etɛ ni abaanyɛ atsɔ nɔ akɛ Creation wolo lɛ aha yɛ shiɛmɔ nitsumɔ lɛ mli yɛ September mli. Feemɔ gbɛ̀i nɛɛ ekome he nɔkwɛmɔnɔ, ní okɛ ŋmalɛ atsu nii yɛ sanegbaa lɛ mli.—Kwɛmɔ gbɛtsɔɔmɔi ni yɔɔ Wɔ Maŋtsɛyeli Sɔɔmɔ lɛ mli, yɛ September 1996, baafa 8, kɛ June 1995, baafa 8 lɛ mli.

15 min: Asafoŋ hiamɔ nii. Aloo ha asafo lɛ agba niiashikpamɔi ni amɛná yɛ trukaa odaseyeli he, ekolɛ kɛtsɔ sanekpakpa ni akɛ mɛi ni yɔɔ tsɔji amaamɔhei, yɛ tsɔji amli, yɛ shwɛmɔhei, yɛ jarayelihei, yɛ hei ni afoɔ lɔle yɛ, kɛ maŋ hei krokomɛi lɛ aaagba he sane lɛ nɔ. Saamɔ ni ofee niiashikpamɔ kome loo enyɔ he nɔkwɛmɔnɔ.

Lala 99 kɛ naagbee sɔlemɔ.

[Shishigbɛ niŋmai]