Sɔɔmɔ Kpee He Gbɛjianɔtoo
Otsi ni Jeɔ Shishi November 10
Lala 212
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii ni akɛfee nɔkwɛmɔnii srɔtoi enyɔ ni tsɔɔ bɔ ni abaafee akɛ November 1 Buu-Mɔɔ kɛ November 8 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ he abaawie. Yɛ nɔkwɛmɔnii lɛ ateŋ ekome mli lɛ, ha afee gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ “I’m not interested” (Mibɛ he miishɛɛ) lɛ nɔ lɛ agba sane lɛ he nɔkwɛmɔnɔ.—Kwɛmɔ Reasoning wolo lɛ, bf. 16 aloo Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ, bf. 8.
15 min: “Nyɛsaa Nyɛhe Nyɛtoa.” Ha toibolɔi lɛ atsɔɔ nɔ ni yeɔ ebuaa amɛ ni amɛhaaa yeyeeyefeemɔi kɛ nibii ni gbalaa mɔ jwɛŋmɔ ni yɔɔ ŋmɛnɛŋmɛnɛ nibii agbɛjianɔtoo nɛɛ mli lɛ ahé be ni amɛbaanyɛ amɛkɛtsu nibii kpakpai yɛ mumɔŋ nibii asɛɛtiumɔ mli lɛ.
12 min: Mɛɛ Gbɛ Nɔ Otsɔɔ Ohalaa Onanemɛi? Toibolɔi kɛ sanegbaa ni damɔ Já Nyɔŋmɔ wolo lɛ baafa 47-49 lɛ nɔ. Okɛ sanebimɔi kɛ ŋmalɛi ni aŋmalako mli wiemɔi yɛ kuku 13 lɛ atsu nii ni oha toibolɔi awie Biblia mli shishitoo mlai ni esa akɛ ekudɔ wɔ yɛ wɔnanemɛi ahalamɔ mli lɛ he.
8 min: Sanebimɔ He—klɛŋklɛŋ fã. Wiemɔ ni onukpa ko baaha.
Lala 127 kɛ naagbee sɔlemɔ.
Otsi ni Jeɔ Shishi November 17
Lala 96
12 min: Asafoŋ adafitswai. Wiemɔ July sɔɔmɔ akɔntaabuu lɛ he ni owo mɛi fɛɛ hewalɛ ni amɛkɛ shiɛmɔyaa he akɔntaabuu lɛ aha yɛ be naa. Bi shiɛlɔi enyɔ loo etɛ ni ená shiɛmɔ nitsumɔ lɛ mli niiashikpamɔi ni yɔɔ miishɛɛ yɛ woji ni akɛhaa amrɔ nɛɛ ni amɛkɛtsu nii lɛ mli lɛ sane. Ekolɛ amɛteŋ mɛi komɛi enyɛ eje Biblia mli nikasemɔi ashishi.
15 min: “Henaabuamɔ Kɛha Yehowa Yijiemɔ.” Okɛ sanebimɔi ni akɛha lɛ atsu nii. Wo mɛi fɛɛ hewalɛ koni amɛhi jɛmɛ kɛha nifeemɔi srɔtoi lɛ fɛɛ, kɛjɛ Soo shwane loo Sohaa leebi kɛyashi Hɔgbaa shwane. Mãa hiamɔ ni yɔɔ nibii ni wɔkaseɔ lɛ ni wɔkɛaatsu nii fe nɔ ni wɔɔnu kɛkɛ lɛ nɔ mi. Wo mɛi fɛɛ hewalɛ koni amɛŋmala saji otii lɛ amɛshwie shi. Tĩi “Kpee He Kaimɔi” lɛ mli, ni nɔ ni fata he ji “KADIMƆ” ni yɔɔ baafa 7 lɛ.
18 min: “Yijiemɔ Woɔ Mɔ Hewalɛ.” Okɛ saji ni yɔɔ Weku Miishɛɛ wolo lɛ baafa 49-50, kuku 21 lɛ mli lɛ afata he. Ha aŋkroaŋkroi komɛi awie bɔ ni amɛyi ni mɛi krokomɛi jie lɛ wo amɛ hewalɛ ha lɛ he sane kuku.
Lala 58 kɛ naagbee sɔlemɔ.
Otsi ni Jeɔ Shishi November 24
Lala 213
8 min: Asafoŋ adafitswai. Shika he akɔntaabuu. Ha afee nɔkwɛmɔnii enyɔ ni kɔɔ shihilɛi diɛŋtsɛ ni akɛkpeɔ lɛ he ni akɛtsɔɔ bɔ ni akɛ gbɛtsɔɔmɔi ni akɛha yɛ baafa 8 lɛ baatsu nii ni akɛ November 15 Buu-Mɔɔ kɛ November 22 Awake! lɛ aha yɛ nyɛshikpɔŋkuku lɛ mli. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ he abaawie. Ha atsɔɔ bɔ ni afeɔ atsuɔ wɔ jeŋ muu fɛɛ nitsumɔ lɛ he nii yɛ shika gbɛfaŋ yɛ nɔkwɛmɔnii lɛ ateŋ ekome mli.—Kwɛmɔ Buu-Mɔɔ, bf. 2, loo Awake! bf. 5.
10 min: Sanebimɔ He—fã ni ji enyɔ. Teokrase Sɔɔmɔ Skul nɔkwɛlɔ lɛ atsu enɛ he nii.
12 min: “Feemɔ Nɔkwɛmɔnɔ yɛ Nitsumɔi Kpakpai Amli.” Okɛ sanebimɔi ni akɛha lɛ atsu nii. Mãa hiamɔ ni yɔɔ wɔɔhe he gbɛjianɔ ni atoɔ kɛhaa wɔsɛɛnamɔ ni wɔkɛaatsu nii lɛ nɔ mi. Tsɔɔmɔ nɔ hewɔ ni jeŋba kpakpa ni mɔ fɛɛ mɔ aaajie lɛ kpo lɛ he hiaa ha lɛ mli.
15 min: “Okɛ Yehowa Teŋ Naanyobɔɔ ni Yɔɔ Gbagbalii ni Oooná.” Okɛ sanebimɔi ni akɛha lɛ atsu nii. Ha toibolɔi atsɔɔ bɔ ni ŋmalɛi lɛ kɔɔ nikasemɔ lɛ he ehaa. Ha mɔ kome loo mɛi enyɔ atsɔ hiɛ asaa amɛhe ni amɛtsɔɔ nɔ ni eye ebua amɛ ni eha amɛteemɔŋ Biblia mli nikasemɔ efee nɔ ni mɔɔ shi lɛ.
Lala 202 kɛ naagbee sɔlemɔ.
Otsi ni Jeɔ Shishi December 1
Lala 138
10 min: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabuu kɛha November aha. Tsĩi woji ni akɛbaaha yɛ December lɛ tã. Tĩi shiɛmɔ wiemɔi ni akɛha lɛ ekome loo enyɔ mli kuku. Tsɔɔmɔ bɔ ni shiɛlɔi baanyɛ amɛkɛ Watch Tower Publications Index lɛ atsu nii ni amɛkɛtao shiɛmɔ wiemɔi krokomɛi.—Kwɛmɔ September, afi 2001 Wɔ Maŋtsɛyeli Sɔɔmɔ lɛ, bf. 2.
17 min: “Atade ni Sa Jieɔ Nyɔŋmɔ Gbeyeishemɔ Kpo.” Esa akɛ onukpa ko atsu enɛ he nii. Okɛ sanebimɔi ni akɛha lɛ atsu nii. Ha nyɛmi nuu ko ni he esa kɛ nikanemɔ lɛ akane kuku fɛɛ kuku mli waa koni anu.
18 min: Wɔsa Jogbaŋŋ akɛ Wɔtsɔɔ Mɛi Krokomɛi Anii. Toibolɔi kɛ sanegbaa ni damɔ June 1, afi 2000 Buu-Mɔɔ lɛ baafa 16-17, kuku 9-13 lɛ nɔ. Oti titri ni hɔ wɔsɔɔmɔ nitsumɔ lɛ sɛɛ ji ni wɔnyɛ wɔtsɔɔ nii ni emɔ shi. Omanye ni wɔɔye yɛ mɛi ni hiɛ gwantɛŋ su lɛ ayelikɛbuamɔ mli lɛ damɔ nyɛmɔ ni wɔyɔɔ yɛ Maŋtsɛyeli shɛɛ sane lɛ ni wɔkɛhaa amɛ yɛ gbɛ ni haa amɛkaseɔ nii ni ekanyaa amɛ lɛ nɔ lɛ nɔ. Nyɛsusua sanebimɔi ni nyiɛ sɛɛ nɛɛ ahe: (1) Mɛɛ srɔtofeemɔ yɔɔ shiɛmɔ kɛ nitsɔɔmɔ teŋ? (it-2 bf. 672 kk. 2) (2) Mɛni hewɔ mɛi komɛi shashaoɔ shi akɛ amɛaabɔ mɔdɛŋ ni amɛfee Biblia mli nikasemɔ lɛ? (3) Mɛɛ gbɛ nɔ wɔɔtsɔ wɔha wɔnitsɔɔmɔ hesalɛ lɛ aya hiɛ? (4) Mɛɛ gbɛ nɔ wɔɔtsɔ wɔle kɛji akɛ wɔ nikaselɔ lɛ miinu nɔ ni ekaseɔ lɛ shishi? (5) Mɛɛ oti esa akɛ wɔye wɔbua nikaselɔ lɛ ni eshɛ he?
Lala 70 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.