Adafitswai

◼ Woji ni akɛbaaha yɛ September: Is There a Creator Who Cares About You? Kɛ́ enɛ eko bɛ lɛ, abaanyɛ akɛ Life—How Did It Get Here? By Evolution or by Creation? wolo lɛ aha. October: Akɛ Buu-Mɔɔ kɛ Awake! woji tɛtrɛbii lɛ aha. November: Kasemɔ Nii Kɛjɛ Tsɔɔlɔ Kpele lɛ Ŋɔɔ. December: Gbɔmɔ ni Fe Mɔ Fɛɛ Mɔ ni Ehi Shi Pɛŋ.

◼ Abaasusu Vidio ni ato he gbɛjianɔ ni ji No Blood—Medicine Meets the Challenge lɛ he yɛ December Sɔɔmɔ Kpee lɛ mli. Amrɔ nɛɛ, akɛ vidio nɛɛ ewo DVD nɔ yɛ Blɔfo wiemɔ mli akɛ Transfusion Alternatives—Documentary Series lɛ fã. Fioo ko pɛ yɔɔ. Kɛ́ aatao DVD lɛ kɛ vidio kasɛt lɛ eko lɛ, esa akɛ ashɛ kɛtsɔ asafo lɛ nɔ amrɔ nɔŋŋ.

◼ Abaaha afi 2005 Kaimɔ be lɛ he maŋshiɛmɔ krɛdɛɛ lɛ yɛ Hɔgbaa, April 10, 2005. Abaatsɔɔ wiemɔ lɛ saneyitso sɛɛ mli. Asafoi ni no mli lɛ kpokpaa nɔkwɛlɔi saraa amɛ loo amɛyaa kpokpaa nɔ kpee nakai otsi lɛ naagbee lɛ baaha maŋshiɛmɔ krɛdɛɛ lɛ yɛ otsi ni baanyiɛ sɛɛ aba lɛ mli. Asafo ko akaha maŋshiɛmɔ krɛdɛɛ lɛ dani April 10, 2005 shɛ.

◼ Akɛ Kingdom Hall Maintenance Checklist (CN-14) lɛ miimaje asafoi fɛɛ. Kɛjɛ afi nɛɛ nɔ kɛyaa lɛ, asafo ni Maŋtsɛyeli Asa lɛ yɔɔ egbɛi amli lɛ baaŋmala wolo nɛɛ nɔ nii daa September. Esa ákɛ akɛ wolo lɛ amaje nitsumɔhe nine lɛ dani September 10, afi 2004 aho. Esa akɛ asafo fɛɛ asafo ni kpeeɔ yɛ Maŋtsɛyeli Asa lɛ nɔ lɛ nine ashɛ CN-14 wolo ni aŋmala nɔ nii agbe naa lɛ eko nɔ. Kɛ́ ehe miihia ni asaa nibii komɛi lɛ, no lɛ esa akɛ onukpai lɛ atsu enɛɛmɛi ahe nii koni ehe aba sɛɛnamɔ kɛha asafo lɛ. Kpokpaa nɔkwɛlɔ lɛ baakwɛ asafo lɛ tsumaa he woji kɛ Kingdom Hall Maintenance Checklist (CN-14) wolo lɛ mli kɛ́ ebasara asafo lɛ.

◼ Aakai onukpai lɛ koni amɛtsu gbɛtsɔɔmɔi ni akɛha yɛ April 15, 1991 Watchtower lɛ baafa 21-23, ni kɔɔ mɔ ko ni ashwie lɛ kɛjɛ asafo lɛ mli loo ekɛɛ ekɛ asafo lɛ ebɔɔɔ dɔŋŋ ni baasumɔ ni ahe lɛ kɛba asafo lɛ mli ekoŋŋ lɛ he lɛ he nii.

◼ Akɛni otsi anaagbee enumɔ yɔɔ October mli hewɔ lɛ, ebaafee nyɔŋ ni sa jogbaŋŋ akɛ aatsu gbɛgbalɔi awalɔ nitsumɔ lɛ.

◼ Áfee tsakemɔ ni nyiɛ sɛɛ nɛɛ yɛ afi 2004 Ga wiemɔ kpokpaa wuji anɔ kpeei ni ato he gbɛjianɔ aha kpokpai lɛ mli:

Nov. 26-28, afi 2004: Accra “A” Kpokpaa ni ji 1, 34

Jan. 7-9, 2005: Accra “G” Kpokpaa ni ji 25, 49

◼ Aawo fɔlɔi ni yɔɔ bii toimulɔi lɛ hewalɛ ni amɛto gbɛjianɔ jogbaŋŋ koni amɛye amɛbua amɛ. Esa ákɛ akɛ amɛ afee Biblia mli nikasemɔ. Nyɛyea nyɛbua amɛ ni amɛná asafoŋ kpeei, kpeei bibii, kɛ kpeei wuji fɛɛ ahe sɛɛ. Aaha nyɛle akɛ, atsɔɔ asafoŋ kpeei wiemɔi ashishi kɛyaa Amerika Mumuii Awiemɔ mli yɛ asafoi ni nyiɛ sɛɛ nɛɛ amli: Beach Road (Nungua), Adabraka North, Buduburam, Efia Kuma, Techiman, Mampong Ashanti West, kɛ Nkoranza. Ato gbɛjianɔ ni etsɛŋ ni akɛ asafoi krokomɛi baafata he. Kɛ́ toimulɔi komɛi kɛ nyɛ asafo lɛ miibɔ ni amɛkɛ nɛkɛ asafoi nɛɛ ni atsĩ ta yɛ yiteŋ gbɛ lɛ eko kwraa bɛŋkɛɛɛ bɔ ni sa lɛ, nyɛfainɛ nyɛhaa nitsumɔhe nine lɛ alea.