Sɔɔmɔ Kpee He Gbɛjianɔtoo

Otsi ni Jeɔ Shishi May 9

Lala 217

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ May 1 Buu-Mɔɔ kɛ May 8 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Yɛ nɔkwɛmɔnii lɛ ateŋ ekome mli lɛ, ha afee gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ “I’m not interested” (Mibɛ he miishɛɛ) lɛ nɔ lɛ agba sane lɛ he nɔkwɛmɔnɔ. (Kwɛmɔ Reasoning wolo lɛ bf. 16 loo Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ bf 8.) Tsĩi saji ni ekolɛ mɛi ni yɔɔ nyɛshikpɔŋkuku lɛ mli lɛ baaná he miishɛɛ jogbaŋŋ lɛ tã.

Min. 15: Okɛ Nyɔŋmɔ Wiemɔ lɛ Atsu Nii Kɛshɛ Tsui lɛ He. Wiemɔ ni abaajɛ February 1, 2005 Buu-Mɔɔ lɛ baafa 28-31 lɛ mli aha. Tsɔɔmɔ bɔ ni Yesu kɛ Ŋmalɛi lɛ tsu nii ni ekɛye ebua Petro lɛ mli. Tsɔɔmɔ bɔ ni wɔbaanyɛ wɔkase Yesu nɔkwɛmɔnɔ lɛ kɛ́ ehe bahia koni wɔjaje wɔbii lɛ, wɔ-Biblia mli nikaselɔi lɛ, kɛ wɔ diɛŋtsɛ wɔsusumɔ kɛ wɔhenumɔi lɛ mli.

Min. 20: “Nyɛfea Weku Be He Gbɛjianɔtoo ni Abaanyɛ Akɛtsu Nii.” Okɛ hiɛkpamɔ wiemɔ ni shɛɛɛ minitii enyɔ atsɔɔ sɛɛnamɔ ni yɔɔ be he gbɛjianɔtoo ni aaaŋma afɔ shi lɛ mli, ni otsɔɔ bɔ ni aaafee aŋma be he gbɛjianɔtoo ni yɔɔ baafa 6 lɛ mli nii. Okɛ sanebimɔi kɛ hetooi ni akɛbaasusu sane ni ji “Weku Be He Gbɛjianɔtoo—Asafoŋ Kpeei” lɛ he lɛ anyiɛ sɛɛ. Ha toibolɔi lɛ atsɔɔ bɔ ni amɛfeɔ koni nifeemɔi krokomɛi akatsĩ asafoŋ kpeei ni amɛaaya lɛ naa. Abaasusu weku be he gbɛjianɔtoo lɛ mli nibii krokomɛi lɛ ahe yɛ otsii ni baanyiɛ sɛɛ lɛ mli.

Lala 176 kɛ naagbee sɔlemɔ.

Otsi ni Jeɔ Shishi May 16

Lala 201

Min. 7: Asafoŋ adafitswai.

Min. 18: “Weku Be He Gbɛjianɔtoo—Weku lɛ Shiɛmɔyaa.” Ha toibolɔi lɛ awie sɛɛnamɔi ni yɔɔ ekome ni amɛfeɔ akɛ weku kɛtsuɔ nii yɛ be kɛ beaŋ yɛ shiɛmɔ nitsumɔ lɛ mli lɛ he.

Min. 20: “Ní Wɔɔfee Biblia Mli Nikasemɔi ni Yaa Hiɛ—Fã 9.” Kɛ́ nyɛmiisusu kuku ni ji 2 lɛ he lɛ, tsĩi oti kome loo enyɔ ni yɔɔ December 2004 Wɔ Maŋtsɛyeli Sɔɔmɔ lɛ baafa 8 lɛ tã. Ha afee Biblia mli nikasemɔ he nɔkwɛmɔnɔ kuku. Beni agbe nikasemɔ 2 ni yɔɔ Taoɔ wolo bibioo lɛ mli lɛ kasemɔ naa lɛ, mɔ ni kwɛɔ nikasemɔ lɛ nɔ lɛ abi nikaselɔ lɛ akɛ: “Te obaafee tɛŋŋ otsɔɔ onaanyo ko Nyɔŋmɔ gbɛi lɛ?” Nikaselɔ lɛ atsɔɔ bɔ ni ekɛ Lala 83:19 lɛ baatsu nii aha lɛ mli, ni no sɛɛ lɛ mɔ ni kwɛɔ nikasemɔ lɛ nɔ lɛ ajie eyi.

Lala 134 kɛ naagbee sɔlemɔ.

Otsi ni Jeɔ Shishi May 23

Lala 194

Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ May 15 Buu-Mɔɔ kɛ May 22 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Yɛ nɔkwɛmɔnɔ lɛ ekome mli lɛ, ha afee nɔkwɛmɔnɔ ni miitsɔɔ bɔ ni akɛ woji tɛtrɛbii lɛ eko miiha trukaa yɛ tsɔne ni maŋbii taraa mli lɛ mli.

Min. 15: “Yehowa Gbi lɛ Ebɛŋkɛ.” Kɛ́ oosaa ohe kɛha fã nɛɛ lɛ, kwɛmɔ Daniel Gbalɛ wolo lɛ baafa 59, kuku 28 lɛ mli.

Min. 20: “Weku Be He Gbɛjianɔtoo—Weku Nikasemɔ.” Tsɔ hiɛ oto gbɛjianɔ koni mɔ kome loo mɛi enyɔ awie bɔ ni amɛto amɛweku nikasemɔ lɛ he gbɛjianɔ, kɛ bɔ ni ebiɔ ni amɛbɔ mɔdɛŋ ni amɛfee lɛ daa lɛ he.

Lala 152 kɛ naagbee sɔlemɔ.

Otsi ni Jeɔ Shishi May 30

Lala 190

Min. 10: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha May lɛ aha. Tsɔɔmɔ wolo ni akɛbaaha yɛ June. Ha akɛ shiɛmɔ wiemɔi ahe gbɛtsɔɔmɔi ni akɛha yɛ nɔ ni aŋma ahɔ January 2005 Wɔ Maŋtsɛyeli Sɔɔmɔ lɛ mli lɛ afee nɔkwɛmɔnɔ kome loo enyɔ (kɛ́ ehi kɛha nyɛsafo lɛ shikpɔŋkuku lɛ). Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii.

Min. 20: “Weku Be He Gbɛjianɔtoo—Daa Gbi Ŋmalɛ Lɛ.” Ha toibolɔi lɛ agba bɔ ni amɛweku lɛ náa daa gbi ŋmalɛ lɛ ni amɛkɛ ekomefeemɔ susuɔ he daa lɛ he sɛɛ, kɛ be he gbɛjianɔtoo ni amɛna akɛ ehi kɛha no feemɔ.

Min. 15: Ha agba shiɛmɔ nitsumɔ lɛ mli niiashikpamɔi ni aná yɛ March, April kɛ May mli lɛ, loo ha afee he nɔkwɛmɔnii. Tsɔ hiɛ oto gbɛjianɔ koni mɔ kome loo mɛi enyɔ agba mɔdɛŋ ni amɛbɔ ni amɛkɛ amɛhe wo shiɛmɔ nitsumɔ lɛ mli babaoo yɛ Kaimɔ be lɛ mli, kɛ jɔɔmɔi ni no ha amɛná.

Lala 115 kɛ naagbee sɔlemɔ.

Otsi ni Jeɔ Shishi June 6

Lala 155

Min. 8: Asafoŋ adafitswai.

Min. 17: Bɔ ni Aaafee Aye Abua Mɛi ni Wieɔ Wiemɔ Kroko Lɛ. Wiemɔ kɛ toibolɔi ni akɛaagba sane ni damɔ Good News for People of All Nations lɛ hiɛkpamɔ wiemɔ lɛ nɔ. Tsɔɔmɔ nibii ni yɔɔ wolo hee bibioo lɛ mli. Nyɛgbaa nibii etɛ ni wɔbaanyɛ wɔfee kɛye wɔbua mɛi ni wieɔ wiemɔ kroko ni wɔnuuu lɛ he sane. Okɛ wiemɔi ni yɔɔ July 2003 Wɔ Maŋtsɛyeli Sɔɔmɔ lɛ baafa 8 lɛ afata he. Tsɔɔmɔ mli akɛ kɛji akɛ mɔ lɛ náaa Maŋtsɛyeli shɛɛ sane lɛ he miishɛɛ po lɛ, esa akɛ aŋmala Please Follow Up (S-43) lɛ nɔ nii. Ha afee nɔkwɛmɔnɔ ni miitsɔɔ bɔ ni abaafee akɛ wolo hee bibioo lɛ atsu nii.

Min. 20: “Teemɔ Mɛi ni Oyahaa Amɛ Woji Tɛtrɛbii Daa lɛ Amiishɛɛ Shi.” Kɛ́ nyɛmiisusu kuku ni ji 3 lɛ he lɛ, gbalamɔ jwɛŋmɔ kɛya Reasoning wolo lɛ baafa 227-232 lɛ nɔ. Abaanyɛ akɛ saji nɛɛ atsu nii koni akɛ ŋmalɛ kome asaa he, ní akɛgba nɔ ni Nyɔŋmɔ Maŋtsɛyeli lɛ baatsu lɛ he sane. Ha afee nɔkwɛmɔnɔ ko ni miitsɔɔ bɔ ni shiɛlɔ ko baanyɛ ekɛ mɔ ko ni ehaa lɛ woji tɛtrɛbii lɛ daa lɛ asusu ŋmalɛ kome ko he. Esa akɛ shiɛlɔ lɛ agba he sane kuku, ni etsɔɔ lɛ bɔ ni ebaanyɛ ekɛ ŋmalɛ lɛ atsu nii, koni no aye abua shiatsɛ lɛ koni enu shishi jogbaŋŋ ni ena bɔ ni enɛ he yɔɔ sɛɛnamɔ yɛ eshihilɛ mli.

Lala 107 kɛ naagbee sɔlemɔ.

[Shishigbɛ niŋmai]

Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.