Sɔɔmɔ Kpee He Gbɛjianɔtoo

Otsi ni Jeɔ Shishi June 11

Lala 153

Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 4 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ June 1 Buu-Mɔɔ aha, kɛ gbɛ ni abaatsɔ nɔ akɛ June Awake! lɛ he klɛŋklɛŋ shiɛmɔ wiemɔ lɛ atsu nii.

Min. 15: Asaa Wɔ Jogbaŋŋ Kɛmɔ Shi akɛ Nyɔŋmɔ Wiemɔ lɛ Tsɔɔlɔi. Wiemɔ ni abaajɛ sane ni yɔɔ February 15, 2002 Buu-Mɔɔ lɛ baafa 24-28 lɛ mli aha. Kristofoi komɛi shashaoɔ shi akɛ amɛkɛ mɛi ni yɔɔ wiemɔ lɛ he miishɛɛ lɛ aaaje Biblia mli nikasemɔ shishi ejaakɛ amɛnuɔ he akɛ amɛnyɛŋ amɛkɛ mɛi akase nii. Shi Yehowa tsɔɔ e-Wiemɔ lɛ, emumɔ krɔŋkrɔŋ lɛ, kɛ esafo lɛ nɔ ehaa wɔhe saa akɛ shiɛlɔi. Jeee woji ni wɔkɛaaha mɛi pɛ ji oti ni ma wɔhiɛ. Esa akɛ wɔbɔ mɔdɛŋ hu ni wɔtsɔɔ mɛi anii. (Mat. 28:19, 20) Wo shiɛlɔi hewalɛ koni amɛkɛfee oti ni ma amɛhiɛ akɛ amɛbaaje Biblia mli nikasemɔi ashishi.

Min. 20: Nyɛfea Nibii Fɛɛ ni Nyɛkɛwoa Nyɔŋmɔ Hiɛ Nyam. Wiemɔ kɛ toibolɔi ni akɛaagba sane ni damɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ yitso 13 lɛ nɔ.

Lala 144 kɛ naagbee sɔlemɔ.

Otsi ni Jeɔ Shishi June 18

Lala 217

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.

Min. 15: Ani Okaiɔ? Toibolɔi ni akɛaagba sane ni damɔ April 15, 2007 Buu-Mɔɔ lɛ baafa 19 lɛ nɔ.

Min. 20: “Wɔyɛ He Miishɛɛ akɛ Wɔkɛ Wɔhe Aaawo Yehowa Sɔɔmɔ lɛ Mli Kɛ Ekãa!”a Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.

Lala 82 kɛ naagbee sɔlemɔ.

Otsi ni Jeɔ Shishi June 25

Lala 15

Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Ha akɛ gbɛtsɔɔmɔi ni yɔɔ baafa 4 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ June 15 Buu-Mɔɔ aha, kɛ gbɛ ni abaatsɔ nɔ akɛ June Awake! lɛ he shiɛmɔ wiemɔ ni ji enyɔ lɛ atsu nii.

Min. 15: Asafoŋ hiamɔ nii.

Min. 20: “Ani Obaanyɛ Obote ‘Shinaa Kpeteŋkpele ni Agbele Naa Kɛha Nitsumɔ Pii’ lɛ Mli?”b Okɛ daa gbɛgbalɔ kome loo enyɔ agba sane kuku. Mɛɛ tsakemɔi amɛfee koni amɛnyɛ amɛtsu daa gbɛgbamɔ nitsumɔ lɛ? Mɛɛ jɔɔmɔi amɛná yɛ enɛ feemɔ mli?

Lala 138 kɛ naagbee sɔlemɔ.

Otsi ni Jeɔ Shishi July 2

Lala 208

Min. 10: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha June lɛ aha. Tsɔɔmɔ wolo ni akɛbaaha yɛ July, ni oha akɛ ehe shiɛmɔ wiemɔi lɛ eko afee nɔkwɛmɔnɔ.

Min. 15: Trukaa Odaseyeli—Gbɛ ko ni He Hiaa ni Atsɔɔ Nɔ Ashiɛɔ Sanekpakpa Lɛ. Toibolɔi ni akɛaagba sane ni damɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 101-102 lɛ nɔ. Tsɔɔmɔ gbɛ̀i kpakpai komɛi ni abaanyɛ atsɔ nɔ aye trukaa odase. Ha toibolɔi lɛ agba niiashikpamɔi ni woɔ mɔ hewalɛ ni amɛná beni amɛyeɔ trukaa odase lɛ.

Min. 20: “Nyɛyaa Nɔ ‘Nyɛwoa Yibii Pii.’”c Kɛ́ nyɛmiisusu kuku 4 lɛ he lɛ, okɛ wiemɔi ni yɔɔ akrabatsa ni yitso ji “Bɔ ni Ooofee ni ‘Okɛ Tsuishitoo Awo Yibii’” ni yɔɔ February 1, 2003 Buu-Mɔɔ lɛ baafa 21 lɛ mli lɛ afata he.

Lala 69 kɛ naagbee sɔlemɔ.

[Shishigbɛ niŋmai]

Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.