“Ŋmɛlɛtswai Enyiɛ Esa akɛ Maŋma?”

Ani obi nakai sane lɛ pɛŋ? Enɛ he gbɛtsɔɔmɔi yɛ Gbɛjianɔ wolo lɛ baafa 86-87 lɛ. Yɛ be kɛ beaŋ lɛ, akɛ ehe gbɛtsɔɔmɔi krokomɛi hu haa, tamɔ nɔ ni yɔɔ September 2008 Wɔ Maŋtsɛyeli Sɔɔmɔ lɛ Sanebimɔ He lɛ. Akɛni wɔkɛ shihilɛi srɔtoisrɔtoi kpeɔ hewɔ lɛ, awoko wɔ mlai tsaralaa yɛ he. Enɛ hewɔ lɛ, ebafeŋ nɔ ni sa akɛ asafoŋ onukpai loo mɛi krokomɛi kɛ gbɛtsɔɔmɔi krokomɛi aaaha.

Kɛ́ nyɛnaaa sane ko naa, ni akɛ ehe gbɛtsɔɔmɔ ko hako yɛ asafo lɛ woji amli lɛ, shiɛlɔ fɛɛ shiɛlɔ baanyɛ abi ehe akɛ: Ani mikɛ nakai be lɛ tsu nii kɛshiɛ? Aloo mikɛtsu nɔ kroko ni kɔɔɔ shiɛmɔ nitsumɔ lɛ he lɛ he nii? Esa akɛ nɔ ni wɔbaaŋma yɛ wɔshiɛmɔ nitsumɔ lɛ he akɔntaabuu wolo lɛ nɔ daa nyɔɔŋ lɛ afee nɔ ni baaha wɔná miishɛɛ shi jeee nɔ ni baaha wɔhenilee ayi wɔ. (Bɔf. 23:1) Yɛ anɔkwale mli lɛ, oti titri ni ma wɔhiɛ ji bɔ ni wɔɔfee wɔkɛ wɔbe atsu nii jogbaŋŋ yɛ shiɛmɔ nitsumɔ lɛ mli, shi jeee ŋmɛlɛtswai abɔ ni esa akɛ wɔŋma.—Heb. 6:11.