Ani Obaanyɛ Oye Obua Kɛtsu Shikpɔŋkuku ni Akɛwoko Asafo Ko Dɛŋ lɛ mli Nii?

Ani oná jɔɔmɔi ni mɛi ni shiɛɔ yɛ shikpɔŋkuku ni akɛwoko asafo ko dɛŋ lɛ mli lɛ náa eko pɛŋ? Yɛ nyɛsɛɛ sɔɔmɔ afi lɛ mli lɛ, shiɛlɔi 747 tsu shikpɔŋkukuji 477 ni akɛwoko asafo ko dɛŋ lɛ mli nii. Be ni ajeɔ afi 2015 sɔɔmɔ afi lɛ shishi lɛ, ehe bahia ni ashiɛ yɛ maji kɛ akrowai ni fa fe 8,000 amli. Ani obaanyɛ oyaye obua?

Ahã asafoi lɛ le enɛ he saji yɛ December 1, 2014 wolo ni aŋma ahã asafoi fɛɛ lɛ mli. Kɛ́ obaanyɛ oye obua kɛtsu shikpɔŋkukuji nɛɛ amli nii yɛ nyɔji ni baaba lɛ amli lɛ, mɛni hewɔ obiii onukpai lɛ ni amɛtsɔɔ bo shikpɔŋkukuji ni abaanyɛ ayashiɛ yɛ jɛmɛ lɛ? Shikpɔŋkukuji babaoo yɛ Brong Ahafo, Northern, Upper East, Upper West, kɛ Volta Kpokpai lɛ amli.

Kɛ́ shiɛlɔi 2 kɛmiimɔ 20 ni sa bi gbɛ kɛjɛ nitsumɔhe nine lɛ, abaanyɛ ahã amɛ shikpɔŋkuku ko ni amɛyatsu mli nii. Ahãa mɛi tsuɔ shikpɔŋkuku ko mli nii kɛ́ hooo lɛ gbi kome kɛmiimɔ nyɔji etɛ. Ohiɛ kpaŋ be ni okɛbaatsu nitsumɔ nɛɛ nɔ kɔkɔɔkɔ. Kɛ́ wɔtsu shikpɔŋkuku ko ni akɛwoko asafo ko dɛŋ lɛ mli nii lɛ, wɔyeɔ wɔbuaa mɛi ni sumɔɔ anɔkwale lɛ koni amɛbafata mɛi ni yɔɔ jeŋ fɛɛ ni jieɔ Yehowa yi lɛ ahe, ekɔɔ he eko bɔ ni ewa akɛ nine baashɛ amɛnɔ loo bɔ ni he ni amɛyɔɔ lɛ etse ehe banee ehã. Kɛ́ obaanyɛ oye obua lɛ, no lɛ abaajɔɔ bo babaoo!​—Jaj. 11:6; Yes. 54:13.