Teokrase Sɔɔmɔ Skul lɛ Mlitĩi
Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ December 28, 2015 lɛ mli. Akɛ be ni akɛbaasusu sanebimɔi lɛ eko fɛɛ eko he lɛ efata he koni eye ebua kɛhã niiamlitaomɔ kɛ́ aasaa he kɛmiihã skul lɛ otsi fɛɛ otsi.
Ani David fee mɛi ni eŋɔ amɛ nom lɛ niseniianii taakɛ mɛi damɔɔ 1 Kronika 20:3 lɛ nɔ amɛmuɔ sane naa lɛ? [Nov. 2, w05 2/15 bf. 27]
Mɛni tsirɛ David ni ejie nihãmɔ mumɔ kpo, ni mɛni baaye abua wɔ ni wɔ hu wɔfee nakai? (1 Kron. 22:5) [Nov. 9, w05 10/1 bf. 11 kk. 7]
Be ni David kɛɛ Solomon akɛ: “Le otsɛ Nyɔŋmɔ lɛ,” no mli lɛ mɛni etsɔɔ lɛ? (1 Kron. 28:9) [Nov. 16, w10-E 11/1 bf. 30 kk. 3, 7]
Mɛni Solomon nibimɔ ni yɔɔ 2 Kronika 1:10 lɛ hãa wɔnaa yɛ ehe, ni mɛni enɔkwɛmɔnɔ lɛ baanyɛ aye abua wɔ ni wɔfee yɛ sɔlemɔ ni wɔsɔleɔ wɔhãa Yehowa lɛ he? (2 Kron. 1:11, 12) [Nov. 23, w05 12/1 bf. 19 kk. 6]
Yɛ 2 Kronika 6:29, 30 lɛ naa lɛ, mɛɛ nyɛmɔ krɛdɛɛ ko Yehowa yɔɔ, ni mɛni hewɔ esa akɛ wɔjɛ wɔtsuiŋ wɔsɔle wɔhã lɛ lɛ? (Lala 55:23) [Nov. 30, w10-E 12/1 bf. 11 kk. 7]
Mɛni nɔ Asa damɔ esɔle koni eye asraafoi akuu ko ni yi fa waa lɛ anɔ kunim lɛ, ni mɛɛ nɔmimaa enɛ hãa wɔnáa yɛ mumɔŋ ta ni wɔwuɔ lɛ mli? (2 Kron. 14:11) [Dec. 7, w12 8/15 bf. 8 kk. 6–bf. 9 kk. 1]
Mɛni hewɔ wɔbaanyɛ wɔkɛɛ akɛ bɔ ni Yehowa kɛ Maŋtsɛ Yehoshafat ye ehã be ni etɔ̃ lɛ maa Nyɔŋmɔ suɔmɔ lɛ nɔ mi kɛhãa wɔ lɛ, ni te enɛ baanyɛ asa bɔ ni wɔkɛ mɛi krokomɛi yeɔ wɔhãa lɛ he ehã tɛŋŋ? (2 Kron. 19:3) [Dec. 14, w03 7/1 bf. 17 kk. 13; cl bf. 245 kk. 12]
Mɛni hewɔ esa akɛ ‘wɔhi wɔgbɛhe’ ni ‘wɔdamɔ shi diŋŋ’ yɛ wɔbei nɛɛ amli lɛ, ni te wɔɔfee tɛŋŋ wɔfee nakai? (2 Kron. 20:17) [Dec. 21, w05 12/1 bf. 21 kk. 2; w03 6/1 bf. 21 kk. 15-16]
Mɛni wɔkaseɔ yɛ nɔ ni 2 Kronika 21:20 lɛ wie yɛ Yehoram gbele he lɛ mli? [Dec. 21, w98 11/15 bf. 32 kk. 4]
Yɛ 2 Kronika 26:5 lɛ naa lɛ, namɔ ná oblanyo fioo Uzia nɔ hewalɛ kpakpa, ni mɛɛ gbɛ nɔ oblahii kɛ oblayei baanyɛ akase nɔ ko kɛjɛ Kristofoi ni edara yɛ mumɔŋ ni yɔɔ asafo lɛ mli lɛ adɛŋ? [Dec. 28, w07 12/15 bf. 10 kk. 2, 4]