Okɛ Mɛi Ni Jáa Yehowa Abɔ

Nɔ ni ba Israelbii lɛ anɔ yɛ Moab ŋa lɛ nɔ lɛ ji kɔkɔbɔɔ kɛhã Kristofoi. (1Ko 10:6, 8, 11) Israelbii lɛ kɛ Moab yei ni jeŋba ekpɔtɔ, ni jáa amaga hu lɛ bɔi bɔɔ, ni no hã amɛfee eshai ni yɔɔ hiɛdɔɔ. Enɛ hã amɛteŋ mɛi pii gboi. (4Mo 25:9) Mɛi ni wɔkɛtsuɔ nii, wɔskulbii, wɔkutsoŋbii, wɔwekumɛi, kɛ mɛi krokomɛi ni wɔle lɛ ateŋ mɛi pii jáaa Yehowa. Mɛni Biblia mli sane nɛɛ tsɔɔ wɔ yɛ nibii gbohii ni baanyɛ aba wɔnɔ kɛ́ wɔkɛ mɛi ni jáaa Yehowa lɛ bɔ lɛ he?

KWƐMƆ VIDIO NI JI, BIBLIA MLI NƆKWƐMƆNII NI BƆƆ WƆ KƆKƆ ŊMƐNƐ​—VIDIO LƐ FÃ KO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛɛ susumɔi ni ejaaa Zimri kɛ enanemɛi lɛ jie lɛ kpo amɛtsɔɔ Yamin?

• 

  Mɛɛ gbɛ nɔ Finehas ye ebua Yamin ni ená jwɛŋmɔ ni ja?

• Mɛɛ srɔto yɔɔ mɔ ko ni jáaa Yehowa ni okɛbaaye jogbaŋŋ, kɛ enaanyo ni obaatsɔ lɛ teŋ?

• Yɛ asafo lɛ mli po lɛ, mɛni hewɔ esa akɛ wɔkwɛ jogbaŋŋ yɛ mɛi ni wɔkɛbɔɔ waa lɛ he lɛ?

• Mɛni hewɔ esaaa akɛ wɔyafataa kui ni atsetsee yɛ social media nɔ, ni wɔleee amɛmli bii lɛ ahe lɛ?