AUGUST 5-11

NYƆŊMƆ WIEMƆ LƐ MLI JWETRII

1. Gbaa Yinɔ Ni Baaba Lɛ Nyɔŋmɔ Hewalɛ Lɛ He Sane

(Min. 10)

Be ni David ji oblanyo lɛ, Yehowa bu ehe (La 71:5; w99 9/1 18 kk. 17)

Be ni David gbɔ lɛ, Yehowa ye ebua lɛ (La 71:9; g04 10/8 23 kk. 3)

David gba mɛi ni ba yɛ esɛɛ lɛ eniiashikpamɔi lɛ (La 71:17, 18; w14 1/15 23 kk. 4-5)

Asha weku ni akɛ amɛhe mfoniri wo nyɛsɛɛ otsi lɛ nifeemɔ ni ji, “Otii Ni Baawa Kɛhã Weku Jamɔ” lɛ mli lɛ. Amɛhã nuu onukpa ko kɛ eŋa eba amɛweku jamɔ lɛ shishi, ni amɛmiibo toi be ni nuu lɛ kɛ eŋa lɛ miigba amɛ niiashikpamɔi, ni amɛkɛ mfonirii miitsɔɔ amɛ ni amɛná miishɛɛ.

BI OHE AKƐ, ‘Mɛi ni kɛ afii pii esɔmɔ Yehowa ni yɔɔ misafo lɛ mli lɛ ateŋ namɔ masumɔ mabibii lɛ saji yɛ wɔ-Weku Jamɔ lɛ shishi?’

2. Pɛimɔ Ŋmalɛi Lɛ Amli Jogbaŋŋ

(Min. 10)

La 72:8—Mɛɛ gbɛ nɔ shi ni Yehowa wo Abraham ni aŋma yɛ 1 Mose 15:18 lɛ ba mli be ni Maŋtsɛ Solomon yeɔ nɔ lɛ? (it-1 768)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) La 71:1-24 (th nikasemɔ 5)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 3) SHĨA FƐƐ SHĨA. Kɛ́ mɔ lɛ kɛ bo bɔi sanenaataamɔ lɛ, okɛ naajɔlɛ afo sanegbaa lɛ sɛɛ. (lmd nikasemɔ 4 oti 5)

5. Kɛ́ Oyaatsa Nɔ

(Min. 4) ODASE NI AYEƆ BE NI ANYIƐƐƐ SHIƐMƆ NƆ. Okɛ owekunyo ko ni sumɔɔɔ ni akɛ lɛ kaseɔ Biblia lɛ atsa sane ko ni nyɛgba be ko lɛ nɔ. (lmd nikasemɔ 8 oti 4)

6. Gbalamɔ Ohemɔkɛyeli Lɛ Mli

(Min. 5) Wiemɔ. ijwfq 49—Saneyitso: Mɛni Hewɔ Yehowa Odasefoi Etsake Amɛhemɔkɛyelii Komɛi Lɛ? (th nikasemɔ 17)

HII SHI AKƐ KRISTOFONYO

7. Nibii Komɛi Ni Nyɛbaanyɛ Nyɛfee Yɛ Weku Jamɔ Mli

(Min. 15) Sanegbaa.

Asha weku nɛɛ nɔŋŋ ni amɛdamɔ shi amɛmiikase Maŋtsɛyeli lalai lɛ eko.

Weku lɛ miikwɛ JW Broadcasting nifeemɔ ko.

Amɛmiika bɔ ni amɛbaafee amɛtsu sane ko he nii amɛhã, ni amɛbiyoo lɛ ekome kɛ emami miiwie.

Gbɛkɛ Weku Jamɔ lɛ ji be ko ni he hiaa waa ni gbekɛbii kɛbaakase “Yehowa tsɔsemɔ kɛ eŋaawoo lɛ” he nii. (Efe 6:4) Nikasemɔ kãaa shi akɔɔɔ, shi ebaanyɛ efee nɔ ko ni ŋɔɔ, titri lɛ, be ni gbekɛbii lɛ shweɔ ni amɛle Biblia mli anɔkwalei lɛ. (Yoh 6:27; 1Pe 2:2) Wiemɔ akrabatsa ni ji “Nibii Ni Abaanyɛ Afee Yɛ Weku Jamɔ Mli” lɛ he kuku. Ebaawa fɔlɔi ni amɛhã weku jamɔ lɛ afee nɔ ni woɔ mɔ hewalɛ ni ŋɔɔ hu. No sɛɛ lɛ, nyɛsusua sanebimɔi nɛɛ ahe:

Te otii ni awie he lɛ ateŋ nɔ ni obaasumɔ ni oka okwɛ?

Your answer
Ani ona oti kroko ni baanyɛ awa nyɛweku lɛ?

Your answer

NIBII NI ABAANYƐ AFEE YƐ WEKU JAMƆ MLI

BIBLIA:

Nyɛboa daa otsi Biblia kanemɔ lɛ he rikɔdiŋ toi loo nyɛtoa naa kɛkanea. Weku lɛ mli bii lɛ ateŋ mɔ fɛɛ mɔ baanyɛ akane Biblia mli gbɔmɛi lɛ eko naa wiemɔi
Ŋmalamɔ sanebimɔi ni kɔɔ daa otsi Biblia kanemɔ lɛ he oshwie shi. Hã weku lɛ mli bii lɛ ateŋ mɔ fɛɛ mɔ ahala sanebimɔi lɛ ateŋ ekome ni efee niiamlitaomɔ yɛ he. No sɛɛ lɛ amɛbaanyɛ amɛgba weku lɛ nɔ ni amɛkase lɛ yɛ weku jamɔ ni baanyiɛ sɛɛ lɛ shishi
Bi amɛ sane ko, loo wiemɔ shihilɛ ko he, ni nyɛtaoa Biblia mli shishitoo mlai ni kɔɔ he lɛ yɛ Ŋmalɛi Ni Baawa Wɔ Ni Wɔhi Shi Akɛ Kristofoi lɛ mli
Nyɛfea Biblia mli sane ko he drama
Daa otsi lɛ, ŋmaa ŋmalɛ ko yɛ kaadi ko hiɛ, ni oŋmala emli wiemɔi lɛ yɛ kaadi lɛ sɛɛ, ni nyɛbɔa mɔdɛŋ nyɛkpea emli wiemɔi lɛ nyɛwoa nyɛyitsoŋ. Obaanyɛ oŋmala nɔ ni yɔɔ saji krokomɛi A, ni yɔɔ Suɔmɔ Mɛi—Feemɔ Amɛ Kaselɔi broshuɔ lɛ mli lɛ nɛkɛ. Nyɛsusua kaadi srɔtoi ni nyɛfee yɛ otsii ni eho lɛ amli lɛ ahe
Nyɛkasea Oyi Aná Wala Kɛya Naanɔ! wolo lɛ fã ko
Hã weku lɛ mli bii lɛ ateŋ mɔ fɛɛ mɔ akase “Sanebimɔi Ni Biblia Lɛ Ehã Hetoo” loo “Biblia Mli Ŋmalɛi Ni Agbala Mli” lɛ saji lɛ eko ni ebawie he. Abaana saji nɛɛ yɛ jw.org lɛ nɔ fã ni ji BIBLIA TSƆƆMƆI lɛ shishi

ASAFOŊ KPEE:

Nyɛsaa nyɛhe kɛhã asafoŋ kpee lɛ fã ko
Nyɛkaa bɔ ni nyɛbaahã saji ahetoo nyɛkwɛa. Nyɛkadia bei abɔ ni ebaahe nyɛ kɛhã hetoi lɛ eko fɛɛ eko
Nyɛkasea Maŋtsɛyeli lalai
Nyɛsusua nɔ ni nyɛbaanyɛ nyɛwie kɛwo mɔ ko hewalɛ dani abaaje asafoŋ kpee shishi loo be ni akpa lɛ he, ni nyɛkaa nyɛkwɛa
Kɛ́ weku lɛ mli nyo ko yɛ skul asaimɛnt lɛ, ebaanyɛ efee etsɔɔ weku lɛ mli bii lɛ

SHIƐMƆ:

Nyɛsaa nyɛhe kɛhã shĩa fɛɛ shĩa shiɛmɔ nitsumɔ lɛ
Nyɛsaa nyɛhe kɛhã sɛɛkuukɛsaramɔ
Nyɛsusua shihilɛ ko ni nyɛbaanyɛ nyɛkɛkpe be ni nyɛnyiɛɛɛ shiɛmɔ nɔ lɛ he, ni no sɛɛ lɛ nyɛkaa bɔ ni nyɛbaanyɛ nyɛje sanegbaa shishi yɛ nakai shihilɛ lɛ mli lɛ nyɛkwɛa
Nyɛsusua nibii pɔtɛi komɛi ni nyɛbaanyɛ nyɛfee kɛlɛɛ nyɛsɔɔmɔ lɛ mli yɛ Kaimɔ be lɛ mli loo be ni nyɛba nitsumɔ mli hejɔɔmɔ loo ahã skul gbɛ lɛ he

WEKU LƐ HIAMƆ NII:

Kɛ́ weku lɛ loo emli nyo ko kɛ shihilɛ ko miikpe lɛ, nyɛkaa bɔ ni nyɛbaatsu he nii nyɛhã lɛ nyɛkwɛa. Nyɛbaanyɛ nyɛfee nakai yɛ shihilɛi ni ekolɛ nyɛbaanyɛ nyɛkɛkpe lɛ hu ahe. Shihilɛi lɛ ekomɛi baanyɛ akɔ pɔlitis kɛ maŋ saji, hiɛwaa ni ayeɔ mɛi yɛ skul, nuu kɛ yoo teŋ sharamɔ loo gbii juji ahe
Kɛ́ nyɛmiika bɔ ni nyɛbaatsu shihilɛ ko he nii nyɛhã lɛ nyɛmiikwɛ lɛ, fɔlɔi lɛ ateŋ mɔ ko baanyɛ afee enii tamɔ lɛ ji gbekɛ lɛ, ni gbekɛ lɛ baafee enii tamɔ fɔlɔ lɛ. Gbekɛ lɛ baatao nii amli yɛ sane lɛ he, kɛkɛ lɛ ekɛ fɔlɔ lɛ ni miifee enii tamɔ gbekɛ lɛ esusu he

NIBII KROKOMƐI NI NYƐBAANYƐ NYƐFEE:

Nyɛkwɛa JW Broadcasting^® nifeemɔ ko ni nyɛsusua he
Nyɛkanea sane ko loo nyɛkwɛa vidio ko ni yɔɔ jw.org lɛ nɔ, ni nyɛsusua he
Nyɛsusua saji loo vidioi ni yɔɔ jw.org lɛ nɔ, ni yitsei ji “Oblahii Kɛ Oblayei” loo “Gbekɛbii” lɛ eko he. Abaana saji nɛɛ yɛ jw.org lɛ nɔ fã ni ji BIBLIA TSƆƆMƆI lɛ shishi
Nyɛsusua otii komɛi ni nyɛŋmala nyɛshwie shi be ni nyɛtee kpokpaa wulu nɔ kpee ko loo kpokpaa nɔ kpee ko lɛ he
Nyɛkwɛa adebɔɔ nɔ ko loo nyɛtaoa nii amli yɛ he, ni nyɛsusua nɔ ni etsɔɔ nyɛ yɛ Yehowa he lɛ he
Eyɛ mli aahu lɛ, nyɛfɔ̃a mɔ ko nine ni ebafata nyɛhe ni nyɛbibii lɛ saji
Nyɛsusua otii ni weku lɛ mli bii lɛ ateŋ mɔ fɛɛ mɔ baanyɛ ekɛma ehiɛ yɛ Yehowa sɔɔmɔ lɛ mli lɛ he, ni nyɛsusua bɔ ni amɛbaafee amɛshɛ he lɛ hu he
Nyɛfea ekome kɛfea nɔ ko tamɔ Noa adeka lɛ nɛkɛ loo nyɛkasea map srɔtoi kɛ akrabatsai ni yɔɔ Jeŋ Hee Shishitsɔɔmɔ lɛ loo asafo lɛ woji lɛ amli lɛ ekomɛi

Jiemɔ VIDIO ni ji, Feemɔ Nibii Ni Baahã Nyɛweku Jamɔ Lɛ Aya Nɔ Aŋɔɔ lɛ. No sɛɛ lɛ bi toibolɔi lɛ akɛ:

Kɛ́ gbekɛbii bɛ shĩa lɛ, mɛni wu ko baanyɛ afee ni ehã weku jamɔ ni amɛfeɔ lɛ aŋɔɔ eŋa lɛ naa?

Your answer

8. Asafoŋ Biblia Nikasemɔ

(Min. 30) bt yitso 13 kk. 17-24