Bɔ Ni Akɛ Oyi Aná Wala Kɛya Naanɔ! Wolo Lɛ Feɔ Biblia Mli Nikasemɔ Ahãa

Dani obaaya nikaselɔ lɛ ŋɔɔ

1. 

   1. Saamɔ ohe jogbaŋŋ. Be ni osaa ohe lɛ, susumɔ shihilɛ mli ni o-Biblia mli nikaselɔ lɛ yɔɔ, nɔ ni eheɔ eyeɔ, kɛ bɔ ni nikasemɔ nɛɛ baanyɛ aye abua lɛ ni eya ehiɛ lɛ he. Kwɛmɔ akɛ mɛɛ saji ebaawa kɛhã lɛ akɛ ebaanu shishi loo ekɛbaatsu nii. Kwɛmɔ akɛ saji ni yɔɔ fã ni ji “Ehe Saji Krokomɛi” lɛ amli lɛ ateŋ eko baanyɛ aye abua lɛ lo, ni osaa ojwɛŋmɔ akɛ okɛbaatsu nii yɛ nyɛnikasemɔ lɛ mli kɛ́ ehe bahia.

Be ni oyashɛ nikaselɔ lɛ ŋɔɔ

1. 2. Sɔlemɔ kɛje nikasemɔ lɛ shishi ni osɔle kɛmu naa, ja nikaselɔ lɛ ekpɛlɛɛɛ nɔ nakai.

2. 

   3. Kaawie pii. Wiemɔ otii ni yɔɔ nikasemɔ lɛ mli lɛ pɛ ahe, ni ohã nikaselɔ lɛ awie titri.

3. 4. Kɛ́ nyɛyaaje fã hee shishi lɛ, kanemɔ sane ni aŋma yɛ fã ni ji, “Nɔ Ni Obaakase” lɛ, ni owie saneyitsei ni yɔɔ nakai fã lɛ mli lɛ enyɔoo ko he.

4. 5. Kɛ́ nyɛgbe fã ko naa lɛ, okɛ lɛ asusu fã ni ji, “Mɛni Okase Yɛ Fã . . . Lɛ Mli?” lɛ he, koni no awa lɛ ni ekai nibii ni nyɛkase lɛ.

5. 6. Naa bɔ ni nyɛbaakase nii lɛ nyɛhã:

   1. a. Nyɛkanea kukuji ni yɔɔ klɛŋklɛŋ fã lɛ mli.

   2. b. Nyɛkanea ŋmalɛi fɛɛ ni aŋma “Kanemɔ” yɛ he lɛ.

   3. d. Nyɛkanea ŋmalɛi krokomɛi hu ni oona akɛ ebaanyɛ eye ebua nikaselɔ lɛ.

   4. 

      e. Nyɛkwɛa vidioi fɛɛ ni aŋma yɛ he akɛ “Jiemɔ” lɛ (ja ekolɛ onyɛŋ ojie).

   5. ɛ. Bi nikaselɔ lɛ sanebimɔi lɛ fɛɛ.

   6. f. Bi lɛ nɔ ni enaa yɛ mfonirii ni yɔɔ fã ni ji, “Kasemɔ Pii Ofata He” lɛ mli ni nyɛsusu he.

   7. g. Okɛ fã ni ji, “Nɔ Ni Obaanyɛ Ofee” lɛ aye abua nikaselɔ lɛ ni eya ehiɛ. Obaanyɛ owo lɛ hewalɛ ni etsu oti ni atsɔɔ yɛ jɛmɛ lɛ he nii, loo ni ekɛ otii krokomɛi amamɔ ehiɛ, loo ni efee nibii enyɔ nɛɛ fɛɛ.

   8. h. Bi nikaselɔ lɛ kɛji aleenɔ be ni esaa ehe lɛ enya sane ko loo vidio ko ni yɔɔ fã ni ji, “Ehe Saji Krokomɛi” lɛ mli lɛ he waa.

   9. i. Nyɛkɛmaa nyɛhiɛ akɛ, nyɛbaagbe nikasemɔ kome naa yɛ shitamɔ kome mli.

Be ni oshi nikaselɔ lɛ otee

1. 

   7. Yaa nɔ osusu o-Biblia mli nikaselɔ lɛ he. Sɔlemɔ obi Yehowa ni ejɔɔ lɛ ni eye ebua lɛ koni eya ehiɛ. Bi lɛ ni edro bo hu hiɛshikamɔ koni ole nɔ ni obaanyɛ ofee kɛye obua lɛ.