Maŋtsɛyeli Jajelɔi Bɔ Amaniɛ
Kɛjɛ Jwɛŋmɔŋ Nɔnyɛɛ Mli Kɛtee Miishɛɛ Mli
YEHOWA ji miishɛɛ Nyɔŋmɔ. (1 Timoteo 1:11) Esumɔɔ ni mɛi ni sɔmɔɔ lɛ lɛ hu ana miishɛɛ. No hewɔ lɛ, kɛji esɔɔlɔi Iɛ ateŋ mɔ ko na jwɛŋmɔŋ nɔnyɛɛ lɛ, Yehowa baaye ebua Iɛ ni enyɛ edamɔ piŋmɔ Iɛ naa ni yɛ bei komɛi amli po lɛ enyɛɔ enaa miishɛɛ mumɔ ekoŋŋ. Niiashikpamɔ ni nyiɛ sɛɛ nɛɛ ni jɛ Uruguay lɛ feɔ enɛ he mfoniri.
Nyɛmiyoo ko ta shi yɛ helatsamɔ he ko yɛ Montevideo eemɛ ni akɛ X-ray ni asha Iɛ lɛ he amaniɛbɔɔ aha lɛ. Awula ko ni ta emasɛi Iɛ miishe gbeyei waa yɛ nɔ ni datrɛfonyo lɛ baakɛɛ lɛ yɛ nɔ ni ejɛ nibii ni akwɛ yɛ ehe lɛ mli eba lɛ hewɔ. Nyɛmiyoo lɛ kɛɛ Iɛ akɛ kɛjɛ be mli ni ebatsɔ Yehowa Odasefonyo nɛɛ, esheko nɔ ko nɔ ko gbeyei da. Shi kɛlɛ, obalayoo lɛ kɛɛ lɛ akɛ esumɔɔɔ Odasefoi asane ejaakɛ amɛkpaa shihilɛ ni nɔ kwɔ tsɔ fe nine gbɛ kɛjɛɔ gbɔmɛi lɛ adɛŋ.
Kɛkɛ ni nyɛmiyoo lɛ gba lɛ bɔ ni Biblia mli anɔkwale lɛ he nilee ni ena lɛ eye ebua lɛ. Ebiyoo ko ni eye afii 18 lɛ je mli ni enɛ ha ekɛ afii kpaanyɔ yaje jwɛŋmɔŋ nɔnyɛɛ shihilɛ mli. Jwɛŋmɔŋ helai ahe datrɛfoi aloo tsofai ni jara wawai nyɛɛɛ aye ebua Iɛ ni eye nɛkɛ jwɛŋmɔŋ nɔnyɛɛ nɛɛ nɔ kunim. Bei babaoo ji bei ni, taakɛ ekɛɛ lɛ, eyajeɔ helatsamɔ he, shi hiɛyaa ko jɛɛɛ mli baaa. Sɔɔlɔi ji mɛi ni batsuɔ eshia nitsumɔi amɛhaa lɛ, ejaakɛ Iɛ diɛŋtsɛ enyɛɛɛ nɔ ko nɔ ko he nii etsu. Ebɔ mɔdɛŋ akɛ eeegbe ehe ejaakɛ jeŋ shihilɛ eje etsine. Etamɔ nɔ ni nɔ ko nɔ ko yeee ebuaaa.
Kɛkɛ ni, ekɛɛ yoo lɛ akɛ, gbi ko Iɛ Yehowa Odasefoi ba eŋɔɔ ni amɛshi Biblia kasemɔ he woji amɛha lɛ. Enɛ tsiɛ miishɛɛ ni eyɔɔ yɛ Nyɔŋmɔ Wiemɔ lɛ mli Iɛ hiɛ, ni eje shishi ebɔi Biblia Iɛ kanemɔ kɛjɛ shishijee kɛyashi naagbee. Kɛkɛ ni nɔ ko je shishi ebɔi tsakemɔ yɛ emli. Kɛkɛ ni ebɔi shitee leebi maŋkpa ni ebɔi eshia nitsumɔi lɛ ahe miishɛɛnamɔ. Kɛkɛ ni yɛ naagbee lɛ ekpɛ eyiŋ akɛ lɛ diɛŋtsɛ ebaatsu eshia nitsumɔi lɛ ni ena akɛ eenyɛ eefee hu. Ebafee tamɔ mɔ ni hela mɔ ko lɛ da! Enɛ ha ena miishɛɛ waa diɛŋtsɛ.
Ekuuu esɛɛ eyaaa jwɛŋmɔŋ helai ahe datrɛfonyo lɛ ŋɔɔ dɔŋŋ. Nilee ni ena yɛ Nyɔŋmɔ Wiemɔ Iɛ mli lɛ kanya shwe ni eshweɔ akɛ eeehi shi lɛ, ni enɛ bafee tsofa ni hi ha lɛ fe fɛɛ. Etao Yehowa Odasefoi lɛ, ni amɛkɛ Iɛ je daa gbi nikasemɔ shishi. Eje shishi ebɔi kpeeiyaa hu, ni etsɛɛɛ ni abaptisi lɛ. Amrɔ nɛɛ jwɛŋmɔŋ nɔnyɛɛ gbaaa enaa dɔŋŋ, shi moŋ enaa miishɛɛ yɛ Yehowa sɔɔmɔ mli.
Awula ni ta he ni amɛɔ yɛ lɛ bo Iɛ toi jogbaŋŋ. Kɛkɛ ni ekɛɛ nyɛmiyoo lɛ akɛ: “Bei babaoo ni eho lɛ, mikɛ Yehowa Odasefoi kpeɔ; shi kɛji wɔsɛɛ be ko lɛ, mibatsɔ Yehowa Odasefoi lɛ ateŋ mɔ kome diɛŋtsɛ lɛ, no Iɛ ejɛ nɔ ni okɛɛ mi nɛɛ hewɔ. Osane lɛ toi ni mibo lɛ efee tamɔ nɔ ni miije shishi miina la yɛ he ko ni ewo duŋ.”
Mɛi pii miina bɔ ni amɛyeee omanye akɛ amɛ diɛŋtsɛ amɛaabɔ mɔdɛŋ akɛ amɛaana shihilɛ mli naagbai lɛ anaa lɛ, ni no hewɔ lɛ amɛmiitsɔ amɛhe kɛmiiba Yehowa Nyɔŋmɔ ŋɔɔ. Kwɛ bɔ ni amɛnaa miishɛɛ waa amɛhaa akɛ amɛaale Nyɔŋmɔ jeŋ hee ni baa, ni mɛi fɛɛ baana miishɛɛ yɛ mli, ni jwɛŋmɔŋ nɔnyɛɛ baafee tsutsu nii Iɛ he nii!—Abɛi 16:20.