Maŋtsɛyeli Jajelɔi Bɔ Amaniɛ
Osɔfo Yoo Mɔ Kome Shihilɔ ko Kase Anɔkwale Iɛ yɛ Afii 25 Sɛɛ
Biblla lɛ gba efɔ shi akɛ “asafo babaoo” ko ni jɛ jeŋmaji fɛɛ mli baaba ni amɛbaja yɛ Yehowa mumɔŋ sɔlemɔtsu Iɛ mli. (Kpojiemɔ 7:9) Enɛ miiba mli ŋmɛnɛ, ni wɔnaa miishɛɛ waa akɛ wɔmiina mɛi pii kɛ Nyɔŋmɔ anɔkwale Iɛ mli hewalɛ Iɛ miitserɛ apasa jamɔ gboklɛi lɛ amɛmiishwie shi. Niiashikpamɔ ni nyiɛ sɛɛ Iɛ feɔ enɛ he mfoniri.
◻ Awula ko ni yɔɔ Rome, yɛ ltalia Iɛ gba akɛ: “Kɛjɛ migbekɛbiiashi tɔɔ lɛ, no mli lɛ oti ni ma mihiɛ ji ni matsɔ osɔfo yoo mɔ kome shihilɔ, ejaakɛ miishwe ni masɔmɔ Nyɔŋmɔ kɛ mitsui fɛɛ. Minyɛ miwo oti ni ma mihiɛ nɛɛ obɔ beni miye afii 32, yɛ December 8, 1960, beni mikamɔ mi klɛŋklɛŋ kitai kɛha toiboo, ohiayeli, kɛ hetsemɔ lɛ. Minitsumɔ ji ni makwɛ gbekɛbii 30 ni nii yɔɔ mɔbɔ ni ashi amɛ, ni ji awusãi kɛ gbekɛbii ni awo amɛfɔlɔi atsuŋ lɛ anɔ nyɔɔŋ kɛ shwane. Mimii shɛ mihe yɛ minitsumɔ nɛɛ mli.
“Ahoso mihemɔkɛyeli Iɛ waa yɛ afii 10 sɛɛ beni bei ko te shi yɛ nikasemɔ he lɛ. Misusu he, nɔ hewɔ ni, kɛ Nyɔŋmɔ ji mɔ ni kudɔɔ wɔ lɛ, ni eŋmɛɔ gbɛ ni béi kɛ naataomɔi baa Iɛ diɛŋtsɛ eshia Iɛ.”
Osɔfo yoo mɔ kome shihilɔ nɛɛ yɛ nyɛmiyoo ko yɛ France ni ji Yehowa Odasefoi lɛ ateŋ mɔ ko. Eŋmaa wolo ni ekɛyeɔ osɔfo yoo nɛɛ odase ni emaje Iɛ New World Translation of the Holy Scriptures lɛ ekome. Osɔfo yoo nɛɛ gba akɛ: “Afii 23 sɛɛ lɛ, no ji klɛŋklɛŋ ni minaa Nyɔŋmɔ Wiemɔ lɛ.” Nakai beaŋ ni ekpɛlɛ ni Yehowa Odasefoi kɛ lɛ akase Biblia lɛ, ni etsɔɔ mli akɛ: “Beni mitee hiɛ yɛ nikasemɔ Iɛ mli lɛ, mikase bɔ ni mafee male Yehowa Nyɔŋmɔ kɛ etaomɔ nii, kɛ agbɛnɛ esui ni yɔɔ naakpɛɛ lɛ hu. Beni mina mile akɛ ekpɛlɛɛɛ amagai ni akɛtsuɔ nii Iɛ nɔ lɛ, edɔ mi waa, ejaakɛ nikasemɔ he lɛ eyi obɔ kɛ amagai sɔrɔtoi, agboi kɛ bibii fɛɛ. Minu shishi akɛ, kɛ miitao masa Yehowa hiɛ lɛ, minyɛŋ mahi he ko ni tamɔ nɛkɛ. Yɛ be mli ni mikɛ afii 25 esɔmɔ kɛ hetuu-kɛhamɔ akɛ osɔfo yoo ni hiɔ shi ekome lɛ, yɛ naagbee Iɛ mibana anɔkwale Iɛ. No hewɔ lɛ, yɛ October 1, 1985 lɛ, miŋma amɛ wolo akɛ mashi amɛ, ni eha onukpai lɛ ahiɛ fee amɛ yaa.
“Minyɛmimɛi hii kɛ yei ni yɔɔ suɔmɔ waa Iɛ ye amɛbua mi yɛ mumɔŋ kɛ heloo naa fɛɛ. Miida Yehowa kɛ egbɛjianɔtoo Iɛ shi, akɛ abaptisi mi yɛ August 30, 1986, ni mikɛ minaji mamɔ gbɛ diɛŋtsɛ ni kɛ mɔ yaa naanɔ wala mli Iɛ nɔ.”
Yehowa Jɔɔ Bɔ ni Obalaŋta ko Sumɔɔ akɛ Eeesɔmɔ Nyɔŋmɔ lɛ Nɔ
◻ Skul tsɔɔlɔ ko ni yɔɔ Brazil ni eji Yehowa Odasefoi Iɛ ateŋ mɔ ko Iɛ na beni ejajeɔ eskul woji Iɛ akɛ skulbii Iɛ ateŋ mɔ kome ni eye afii 14 Iɛ eŋma akɛ eesumɔ ni ekase Nyɔŋmɔ he nii babaoo. Ekɛ nikaselɔ nɛɛ je Biblia mli nikasemɔ shishi, shi beni gbekɛyoo Iɛ yaa ehiɛ lɛ, eweku ni ji Katolekbii Iɛ tsi nikasemɔ lɛ naa ni amɛtserɛ ewoji Iɛ amli. Nikaselɔ fioo nɛɛ bɔi Biblia lɛ kasemɔ yɛ be mli ni akpa skul, shi abayoo enɛ hu sɛɛ. No hewɔ Iɛ atsa nikasemɔ Iɛ nɔ kɛtsɔ woloŋmaa nɔ. Shi, etsɛɛɛ kɛkɛ ni eweku lɛ na woji lɛ hu ni amɛshã fɛɛ. Etsɛ bɔi enɔ nyɛɛ akɛ eya Mass. Ekɛ Buu-Mɔɔ Iɛ eko tee koni ekane yɛ be mli ni afeɔ sɔlemɔ Iɛ, ni ekɛhɔ sɔlemɔ lɛ wolo ni amɛkɛtsuɔ nii Iɛ teŋ. Enɛ tsa nɔ aahu nyɔji ekpaa, kɛkɛ ni gbi ko Iɛ edɛkɛ shi kɛshi shia ni etee Maŋtsɛyeli Asa Iɛ nɔ. Aafee kpee Iɛ kɛkɛ ni etsɛ bapue yɛ shinaa Iɛ naa ni ekɛɛ nyɛmimɛi Iɛ akɛ amɛkɛɛ ebiyoo Iɛ akɛ kɛ eba shia lɛ, ebaayi Iɛ waa. Mɔdɛŋ fɛɛ ni nyɛmimɛi Iɛ bɔ ni amɛkɛ Iɛ asusu nii ahe Iɛ fee efolo.
Enɔ jetsɛremɔ lɛ, gbekɛyoo lɛ kɛ miishɛɛ kɛ ŋmɔlɔ tee koni eyana nyɛmimɛi Iɛ. Ekɛ ehe faji pii ni ena kɛjɛ yii ni etsɛ yi Iɛ Iɛ mli lɛ tsɔɔ amɛ. Shi mɛni hewɔ ni eyɔɔ miishɛɛ Iɛ? Beni etsɛ shi Maŋtsɛyeli Asa Iɛ nɔ lɛ, eyabibii maŋbii Iɛ ateŋ mɛi pii, kɛ maŋ onukpa Iɛ po saji, yɛ sɛɛnamɔi kɛ nibii ni ebiyoo Iɛ baalaaje yɛ Yehowa Odasefonyo ni ebatsɔ hewɔ lɛ he. Ni maŋ onukpa Iɛ kɛɛ Iɛ akɛ gbɔmɛi kpakpai ji Yehowa Odasefoi, ni amɛsa mɛi ni akɛ hiɛ fɔɔ amɛnɔ. Ekɛfata he akɛ amɛyɛ jeŋba kpakpa, ni akɛ ebaahi jogbaŋŋ akɛ eeena bi ni yɔɔ jeŋba kpakpa tamɔ nakai, nɔ ni nɔ kwɔ kwraa fe gbekɛbii pii anɔ Iɛ.
Yɛ enɛ fɛɛ sɛɛ lɛ, etee nɔ eyi gbekɛyoo Iɛ. Shi tsɛ lɛ kɛɛ Iɛ akɛ eyi lɛ ejaakɛ eshi shia ni eshɛɛɛ Iɛ. Ni ekɛɛ lɛ akɛ ebaayi Iɛ ekoŋŋ kɛ ekpa Biblia lɛ kasemɔ aloo ekpa Yehowa Odasefoi akpeei yaa! Amrɔ nɛɛ ebiyoo lɛ ebatsɔ shiɛlɔ ni yɔɔ ekaa, ni eweku lɛ mlibii Iɛ ateŋ mɛi komɛi jieɔ miishɛɛ kpo yɛ anɔkwale lɛ he.
Lɛlɛŋ, Yehowa jɔɔ obalaŋtai ni kɛ anɔkwayeli shweɔ akɛ amɛaasɔmɔ Iɛ lɛ, taakɛ niiashikpamɔ nɛɛ tsɔɔ Iɛ.—Lala 148:12, 13.