Gbɛi ni Mɛi Komɛi Tsɔɔ nɔ Amɛtsuɔ Onia Kɛha Maŋtsɛyeli-shiɛmɔ Nitsumɔ Lɛ
◻ TOOYELI KƐHA JEŊ MUU FƐƐ NITSUMƆ LƐ: Mɛi pii kɛ shika pɔtɛɛ ko fɔɔ shi daa ni amɛkɛwoɔ tooyeli adekai ni akadi amɛ akɛ: “Tooyeli Kɛha Asafo lɛ Jeŋ Muu Fɛɛ Nitsumɔ—Mateo 24:14” lɛ amli. Daa nyɔŋ nɔ lɛ, asafoi lɛ kɛ shika nɛɛ majeɔ kɛyaa jeŋ muu fɛɛ nitsumɔ he yitso lɛ yɛ Brooklyn, New York, aloo amɛkɛyaa nitsumɔ he nine ni bɛŋkɛ amɛ lɛ.
◻ NIKEENII: Abaanyɛ akɛ shika ni ataoɔ akɛke lɛ amaje tɛɛ kɛbaha Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, aloo abaanyɛ akɛya Asafo lɛ nitsumɔ he nine ni sɔmɔɔ maŋ ni oyɔɔ mli lɛ. Abaanyɛ akɛ jwetrii kɛ nibii krokomɛi ni jara wa hu ake. Esa akɛ aŋma wolo fioo ko afata nɛkɛ nikeenii nɛɛ ahe ni akɛtsɔɔ mli akɛ amɛji nibii ni akɛmiike kwraa.
◻ NIBII NI AKƐHA SHI AKƐKEKO LƐ HE GBƐJIANƆTOO: Abaanyɛ akɛ shika aha Buu Mɔɔ Asafo lɛ ni ehi edɛŋ kɛyashi mɔ ni kɛha lɛ aaagbo, kɛ gbɛjianɔtoo akɛ kɛ ehe miihia mɔ ni kɛha lɛ, abaaku sɛɛ akɛha lɛ.
◻ INSURANCE: Abaanyɛ aŋma Buu Mɔɔ Asafo lɛ gbɛi akɛ mɛi ni baana insurance gbɛjianɔtoo ko he sɛɛ lɛ ateŋ mɔ ko aloo yɛ nitsumɔ hejɔɔmɔ mli gbɛjianɔtoo hu mli. Esa akɛ atswa Asafo lɛ adafi yɛ gbɛjianɔtoo ni tamɔ nakai he.
◻ SHIKA NI AKƐTO BANK: Abaanyɛ aha shika ni akɛto, shika nɔ woji, aloo nitsumɔ mli hejɔɔmɔ mli shika ahi shi aha aloo akɛha Buu Mɔɔ Asafo lɛ yɛ mɔ lɛ gbele sɛɛ, yɛ bɔ ni nyɛ maŋ shikatoo hei ŋmɛɔ gbɛ ni afee lɛ naa. Esa akɛ atswa Asafo lɛ adafi yɛ gbɛjianɔtoi ni tamɔ nakai ahe.
◻ NITSUMƆI AMLI GBƐFAŊNƆ KƐ SHIKA NI AKƐFA: Abaanyɛ akɛ nitsumɔi amli gbɛfaŋnɔ ni ayɔɔ kɛ shika ni akɛfa ni abaaku sɛɛ abawo ekoŋŋ lɛ aha Buu Mɔɔ Asafo lɛ akɛ nibii ni akɛmiike kwraa aloo kɛ gbɛjianɔtoo akɛ akɛ emli sɛɛnamɔi lɛ baaha mɔ ni kɛke lɛ.
◻ SHIKPƆJI KƐ TSŨI: Abaanyɛ akɛ shikpɔji kɛ tsũi ni baahi hɔɔmɔ lɛ aha Buu Mɔɔ Asafo lɛ kɛtsɔ ke kwraa ni akɛaake nɔ, aloo ni abaashi shikpɔŋ loo tsu lɛ yɛ mɔ ni kɛke lɛ dɛŋ, koni ehi tsu lɛ mli aloo ekwɛ nɔ aahu kɛyashi be mli ni eeegbo. Esa akɛ mɔ ni taoɔ ekɛ shikpɔŋ loo tsu ko aha Asafo lɛ ana Asafo lɛ dani efee nakai.
◻ SHAMAŊSHEO KƐ NII NI AHAA MƆ KROKO GBƐI KÃA NƆ: Abaanyɛ akɛ nibii ni ayɔɔ loo shika ake Watch Tower Bible and Tract Society of Pennsylvania lɛ kɛtsɔ shamaŋsheo ni aŋma yɛ mla naa nɔ, aloo abaanyɛ aha Asafo lɛ gbɛi akã shika ni akɛto lɛ nɔ. Bei komɛi lɛ, jamɔ gbɛjianɔtoo ko gbɛi ni kãa shika ko nɔ lɛ haa amɛnaa too woo mli hegbɛi komɛi. Esa akɛ akɛ shamaŋsheo loo shika lɛ he wolo lɛ ekome amaje Asafo lɛ.
Kɛji ootao nɛkɛ saji nɛɛ amli babaoo lolo lɛ, ŋmaa wolo kɛya Watch Tower Bible and Tract Society of Pennsylvania, P. O. Box 760, Accra, Ghana, aloo kɛya Asafo lɛ nitsumɔ he nine ni bɛŋkɛ bo fe fɛɛ.