Mɛni Biblia Lɛ Kɛɔ?

Ani “naagbee gbii lɛ” amli wɔyɔɔ lɛ?

Mɛni obaakɛɛ?

• Hɛɛ

• Dabi

• Ekolɛ

Nɔ ni Biblia lɛ kɛɔ

“Naagbee gbii lɛ amli lɛ, bei krɛdɛɛ ní jaraa baaba.” (2 Timoteo 3:1) Nibii ni Biblia lɛ egba, kɛ nibii ni yaa nɔ ŋmɛnɛ lɛ hãa wɔnaa akɛ, wɔyɛ “naagbee gbii lɛ” amli.

Mɛni hu wɔkaseɔ kɛjɛɔ Biblia lɛ mli?

• Tai, hɔji, shikpɔŋhosomɔi, kɛ gbele helai baakadi naagbee gbii lɛ.​—Mateo 24:3, 7; Luka 21:11.

• Yɛ naagbee gbii lɛ amli lɛ, jeŋba sha kɛ nifeemɔi ni tsɔɔ akɛ abɛ bulɛ kɛhã Nyɔŋmɔ lɛ mli baawo wu.​—2 Timoteo 3:2-5.

Mɛɛ hiɛnɔkamɔ yɔɔ kɛhã adesai?

Mɛi komɛi heɔ yeɔ . . . akɛ naagbee gbii lɛ baaba naagbee kɛ́ akpãtã shikpɔŋ lɛ kɛ mɛi fɛɛ ni yɔɔ nɔ lɛ ahiɛ, ni mɛi komɛi hu heɔ yeɔ akɛ shihilɛ lɛ baahi. Te bo hu osusuɔ tɛŋŋ?

Nɔ ni Biblia lɛ kɛɔ

“Jalɔi lɛ, shikpɔŋ lɛ aaatsɔ amɛnɔ̃ ni amɛaahi nɔ daa.”​—Lala 37:29.

Mɛni hu wɔkaseɔ kɛjɛɔ Biblia lɛ mli?

• Naagbee gbii lɛ baaba naagbee kɛ́ akpãtã mɛi fɔji lɛ fɛɛ ahiɛ.—1 Yohane 2:17.

• Abaafee shikpɔŋ lɛ paradeiso.—Yesaia 35:1, 6.