Tsui ni Eye Emuu ni Wɔkɛsɔmɔɔ
1 David to okadi kpakpa yɛ tsui ni eye emuu ni akɛsɔmɔɔ Yehowa lɛ mli. Ehiɛnyiɛmɔ lɛ na hewalɛ kpakpa yɛ Israel maŋ muu lɛ fɛɛ nɔ. Ni tsui ni eye emuu mli hu amɛjɛ amɛkɛ nibii ha kɛha Yehowa sɔlemɔtsu lɛ maa. Yɛ sɛɛ mli lɛ David sɔle akɛ enɛ afee amɛtsuiŋ sane “kɛya naanɔ.”—1 Kron. 29:9,18.
2 Mɛni hewɔ tsui ni eye emuu ni akɛsɔmɔɔ Yehowa bianɛ lɛ he hiaa waa nakai, tamɔ bɔ ni eji yɛ blema Israel lɛ? Kɛ aaatsɔɔ mli yɛ faŋŋ mli lɛ, Yehowa sumɔɔ mɛi ni kɛ tsui ni eye emuu sɔmɔɔ lɛ lɛ. Ninalɔ Hanani kɛɛ Maŋtsɛ Asa akɛ: “Ejaakɛ Yehowa yɔɔ nɛɛ, ehiŋmɛii kpaa shikpɔŋ muu lɛ fɛɛ nɔ, ni ejieɔ ehewalɛ kpo ehaa mɛi ni amɛtsui ehi kɛwula shi yɛ egbɛfaŋ lɛ.”—2 Kron. 16:9.
Fl MAŊTSƐYELI NITSUMƆ LƐ SƐƐ
3 Wɔbaanyɛ wɔkɛ tsui ni eye emuu asɔmɔ ŋmɛnɛ kɛtsɔ Maŋtsɛyeli shiɛmɔ nitsumɔ lɛ ni yaa nɔ yɛ shikpɔŋ muu Iɛ fɛɛ nɔ lɛ ni wɔɔdi sɛɛ lɛ nɔ. (Mat. 24:14) Shika ni wɔkɛaaye abua nitsumɔ nɛɛ he miihia, shi wɔhewalɛ, be, nyɛmɔi kɛ wiemɔ mli hewalɛ ni wɔkɛaatsu nii ni wɔkɛgbɛ sanekpakpa nɛɛ wɔshwa ni mɛi krokomɛi anu lɛ he hiaa babaoo moŋ. (2 Kor. 9:7) Ani oona miishɛɛ ni baa kɛjɛɔ tsui ni eye emuu ni akɛwoɔ Yehowa nitsumɔ kpeteŋkpele lɛ mli lɛ mlibaa lɛ eko?
4 Aawo wɔ ŋaa koni yɛ August mli lɛ wɔjɛ wɔtsuiŋ wɔtsɛ gbɔmɛi ni sumɔɔ jalɛ nifeemɔ lɛ yɛ be mli ni wɔwieɔ anɔkwa toiŋjɔlɛ kɛ shweshweeshwe shihilɛ jɛɛhe lɛ he ni wɔkɛ woji bibii ni akɛɛ wɔkɛtsu nii lɛ ekome haa lɛ. Yɛ be mli ni efɔŋfeemɔ yaa hiɛ yɛ jeŋ fɛɛ lɛ, gbɔmɛi miisusu anɔkwa toiŋjɔlɛ kɛ shweshweeshwe shihilɛ gbɛkpamɔi ahe babaoo agbɛnɛ. Wɔha hegbɛ ni wɔkɛaatsɔɔ amɛ akɛ wɔtsui eye emuu yɛ Yehowa he kɛtsɔ sɔɔmɔ nitsumɔ lɛ ni wɔkɛ wɔhe woɔ mli kwraa lɛ nɔ kɛ agbɛnɛ kɛtsɔ heshibalɔi lɛ ni wɔtsɔɔ amɛ kɛyaa toiŋjɔlɛ Jɛɛhe diɛŋtsɛ lɛ ŋɔɔ lɛ.
ANI ETSƐŊ Nl OOOFEE GBƐGBALƆ?
5 Akɛni August kɛ 1989 sɔɔmɔ afi lɛ baa naagbee hewɔ lɛ, eka shi faŋŋ akɛ obaasumɔ ni ona sɔɔmɔ nitsumɔ lɛ mli gbɛfaŋnɔ ni fa yɛ nyɔŋ lɛ mli ni obu onitsumɔ he akɔntaa amrɔ nɔŋŋ. Ŋwanejee ko bɛ he akɛ enɛ kɛ teokrase otii ni okɛmamɔɔ shi ohaa ohe yɛ afi lɛ shishijee lɛ baakpa gbee.
6 Mɛi pii miitsu nii waa ni amɛmiitswa amɛsɔɔmɔ nitsumɔ lɛ amɛma shi kɛ yiŋtoo akɛ amɛbaatsɔmɔ daa gbɛgbalɔi yɛ sɔɔmɔ afi hee ni jeɔ shishi yɛ September mli lɛ mli. Ani osusu enɛ he? Ani obaanyɛ otsake obe mli koni ofee daa gbɛgbalɔ? Ani obaasumɔ ni oha oshihilɛ afee mlɛo, kɛ ehe miihia bɔni afee ni ona be babaoo oha Yehowa sɔɔmɔ lɛ? (Mat. 6:22) Kɛji akɛ obaasumɔ ni ofee nakai diɛŋtsɛ ni obaanyɛ okɛ ohe awo gbɛgbamɔ sɔɔmɔ mli hu lɛ, belɛ yaa Yehowa ŋɔɔ yɛ sɔlemɔ mli ni obi eyelikɛbuamɔ kɛ gbɛtsɔɔmɔ. (Abɛi 16:3) Wiemɔ ogbɛkpamɔi kɛha daa gbɛgbamɔ sɔɔmɔ lɛ he otsɔɔ onukpai lɛ. Kɛji akɛ ona akɛ shihilɛ mli ni oyɔɔ lɛ baaŋmɛ bo gbɛ ni ofee daa gbɛgbalɔ lɛ, kwɛmɔ ni ofee ni okɛ ogbɛbimɔ wolo lɛ abaha wɔ kɛ hooo lɛ gbii 30 dani oje shishi.
7 Eba akɛ onukpai kɛ gbekɛbii fɛɛ aaatsɔɔ akɛ amɛmiisɔmɔ Yehowa kɛ tsui ni eye emuu. Wɔkaŋmɛ gbɛ kɔkɔɔkɔ ni mligbalamɔ ba wɔtsui mli. (Marko 12:30) Ekaa ni wɔfeɔ wɔkɛfiɔ Maŋtsɛyeli-shiɛmɔ nitsumɔ lɛ sɛɛ lɛ baaye abuɔ wɔ ni wɔna tsui ni yeɔ emuu yɛ Yehowa he.