Sanebimɔ He

● Ani eji nɔ ni ja loo esa akɛ nyɛmi ko aaaha wiemɔ yɛ je lɛŋ nyo ko ni ale lɛ waa akɛ ehe gbɛi akɛ efɔŋfeelɔ lɛ yarafeemɔ shishi?

Sanebimɔi teɔ shi yɛ be kɛ bei amli yɛ wiemɔ ni aaaha yɛ yarafeemɔ shishi yɛ be mli ni Yehowa Odasefoi lɛ ateŋ mɔ ko wekunyo ko ni heee yeee egbo aloo yɛ be mli ni mɔ lɛ kɛ Yehowa Odasefoi ebɔɔɔ kwraa lɛ he. Gbɛ ni ŋmɛɔ pɛpɛɛpɛ ni aaatsɔ nɔ aha wiemɔi ni tamɔ nɛkɛ kɛha mɔ ni tamɔ nɛkɛ lɛ jeɔ kpo yɛ The Watchtower ni ji June 1, 1977 lɛ baafai 346-7.

Kɛ abi bo ni obaha wiemɔ yɛ jeŋnyo ko ni ale lɛ waa akɛ efɔŋfeelɔ lɛ yarafeemɔ shishi lɛ, esaaa akɛ wɔhaa wiemɔ ni tamɔ nɛkɛ ejaakɛ ewieŋ Yehowa gbɛjianɔtoo loo asafo lɛ he ekpakpa.​—Abɛi 18:⁠3.

Ni mɔ ni ejɔko ehe nɔ ni ekɛ ehe ewo nɔ fɔŋ feemɔ mli yɛ tsutsu hu? Sɔrɔtofeemɔ yɛ mɔ ni etee nɔ ehi shihilɛ gbonyo mli lɛ kɛ mɔ ni tsutsu lɛ efee nakai ni agbɛnɛ aatsake lɛ yɛ mumɔŋ ni eebɔ mɔdɛŋ ni ewo gbɔmɔ hee lɛ teŋ. (Rom. 12:2: Efe. 4:​17, 20-24) Ekolɛ mɔ lɛ tsɔko Kristofonyo ni ejɔɔ ehe nɔ ni abaptisi lɛ ni miinyiɛ jalɛ gbɛi anɔ loo ehe tse lolo. (1 Kor. 6:​9-11; Kpoj. 7:​9, 10) Shi ekolɛ eeto gbɛjianɔ ni etsake eshihilɛ, ni abaanyɛ asusu enɛ he kɛ abi ni awie yɛ eyarafeemɔ shishi. Kɛji akɛ onukpai lɛ nuɔ he akɛ egbaŋ asafo lɛ toiŋjɔlɛ naa ni ekɛ ahorabɔɔ baŋ Nyɔŋmɔ webii anɔ lɛ, no lɛ ateee shi awooo kɛ onukpa ko ni ehe nilee ŋmɛɔ lɛ gbɛ baafee nakai.​—1 Kor. 10:​23, 24, 29, 32, 33.