Feemɔ Ekaa Yɛ Maŋtsɛyeli Lɛ He Sane Lɛ Gbɛɛ Kɛ Shwamɔ Mli
1 Yehowa ji nitsumɔi kpakpai a-Nyɔŋmɔ, ni eyɛ ekaa akɛ eeetsu amɛhe nii kɛgbe naa. Nɔ fɛɛ nɔ ni efeɔ lɛ, efeɔ koni ehi eha mɛi ni sɔmɔɔ lɛ lɛ Yesu to okɛdi kpakpa efɔ shi yɛ e-Tsɛ lɛ ekaafeemɔ lɛ kasemɔ mli. Be ko lɛ ekaa ni eyɔɔ kɛha Yehowa we lɛ kanya lɛ ni eshwie mɛi ni kɛ sɔlemɔwe lɛ feɔ jarawoo he lɛ kɛjɛ jɛmɛ. (Yoh. 2:14-17) Esa akɛ wɔ hu wɔtsɔɔ akɛ wɔyɛ ekaa yɛ wɔ sɔɔmɔ ni wɔkɛhaa Yehowa lɛ mli kɛ wɔmiisumɔ ni eyoo wɔ aka gbɔmɛi “ni hiɛ dɔɔ yɛ nitsumɔi kpakpai ahe.”—Tito 2:14.
2 Kristofoi anitsumɔi kpokpai lɛ ahe baa sɛɛnamɔ kɛhaa mɛi krokomɛi. Nɔ ni sɛɛnamɔ yɔɔ he fe fɛɛ ni wɔɔfee wɔha mɔ ko ji ni wɔye wɔbua lɛ ni ele Yehowa ni esɔmɔ lɛ. (Yoh. 17:3) Wɔ tsɔɔ wɔ Maŋtsɛyeli-shiɛmɔ kɛ kaselɔ feemɔ nitsumɔ ni yɔɔ ekaa lɛ nɔ wɔkɛ yelikɛbuamɔ ni tamɔ nɛkɛ haa.
3 Mɛni ji ekaafeemɔ loo hiɛdɔɔ? Ekɛɛ ji henumɔ ni mli wa kɛha nɔ ko feemɔ. Ekaa ni Kristofoi yɔɔ lɛ jɛ bɔ ni amɛshwɛɔ diɛŋtsɛ ni amɛfee nɔ ni ja ni sa. Hela wiemɔ kɛha “ekaa” shishi ji “ni aha nɔ ko atswa.” Akɛ Nyɔŋmɔ sɔɔlɔi lɛ, esa ekɛ wɔjie nɛkɛ su nɛɛ kpo yɛ be mli ni wɔgbɛɔ Maŋtsɛyeli lɛ he sane lɛ wɔshwaa lɛ. Ani wɔ feɔ ekaa yɛ sɔɔmɔ nitsumɔ Iɛ mli? Ani wɔmiifee nɔ fɛɛ nɔ ni wɔɔnyɛ ni wɔkɛye wɔbua mɛi krokomɛi ni amɛkase Yehowa yiŋtoi ahe nii?
Jiemɔ Ekaa Kpo Yɛ Woji Bibii Lɛ Kɛhamɔ Mli
4 Wɔbaana hegbɛ ekoŋŋ ni wɔkɛ woji bibii ni hiɛ baafai 32 lɛ eko fɛɛ eko aha yɛ September mli ja Skul kɛ Yehowa Odasefoi lɛ pɛ. Wɔbaanyɛ wɔkɛ Na Wolo Mli Ŋɔɔmɔ yɛ Shikpɔŋ nɔ Kɛya Naanɔ!, “Naa! Miifee Nii Fɛɛ Ehee,” The Divine Name That Will Endure Forever, aloo Nɔyeli ni kɛ Paradeiso Baaba Lɛ aha. Saamɔ ohe ni okɛ woji bibii nɛɛ ateŋ nɔ ni sa kɛha shikpɔŋkuku lɛ loo gbɔmɔ ni okɛ lɛ kpeɔ yɛ shinaa naa lɛ aha lɛ.
5 Kɛ wɔɔfee ekaa yɛ Maŋtsɛyeli lɛ he sane lɛ gbɛɛ-kɛ-shwamɔ mli lɛ, belɛ ebiɔ ni wɔsaa wɔhe jogbaŋŋ. Ani wɔle Saneyitso Kɛha Sanegbaa hee Iɛ jogbaŋŋ? Te wɔɔfee tɛŋŋ ni wɔkɛ Sane yitso Kɛha Sanegbaa lɛ atsa wolo bibioo ni wɔkɛhaa lɛ nɔ? Mɛɛ saji otii ni yɔɔ woji bibii lɛ amli wɔbaanyɛ wɔtsi ta? Kɛ wɔhe be ni wɔle woji bibii enumɔ lɛ amli saji jogbaŋŋ ni wɔna he miishɛɛ yɛ wɔjwɛŋmɔ mli lɛ, enɛ baawula wɔ ni wɔkɛha mɛi ni yɔɔ wɔshikpɔŋkuku lɛ mli lɛ yɛ ekaa naa.
ŊAAWOI NL ABAANYƐ ATSƆ NƆ AKƐ WOJI BIBII LƐ AHA
6 Yɛ be mli ni ojie ohe kpo yɛ gbɛ ni sa ni kɛ shihilɛ ni wɔyɔɔ mli lɛ kpaa gbee naa lɛ, obaanyɛ okɛɛ akɛ: “Ani osusu kɛji akɛ efɔŋfeemɔ ni yaa nɔ yɛ je lɛ mli ŋmɛnɛ lɛ kɔɔ Nyɔŋmɔ he lo? [Ŋmɛɛ gbɛ ni eha hetoo.] Biblia lɛ tsɔɔ mli akɛ etsɛŋ ni abaakpata efɔŋfeelɔ lɛ fɛɛ ahiɛ. [Kanemɔ Lala 92:7.] Akɛni nɛkɛ sane lɛ ji hewɔ lɛ, namɔ wɔbaa nyɛ wɔtsɔ wɔhe kɛya eŋɔɔ kɛha gbɛtsɔɔmɔ kɛ hebuu? [Kanemɔ Lala 145:20.] No hewɔ lɛ wɔ yiwalaheremɔ gbɛ kome pɛ ji wekukpaa ni aaaka wɔkɛ wɔ-Bɔlɔ lɛ, Yehowa Nyɔŋmɔ teŋ. Ehe miihia ni wɔsusu jɔɔmɔi ni ewo shi yɛ he kɛha adesai toibolɔi fɛɛ lɛ he.” Kɛkɛ lɛ obaanyɛ ogbele Wala yɛ Shikpɔŋ Nɔ wolo bibioo lɛ baafa 49 ni okane eyitso ni maa jɔɔmɔi ni afee he mfoniri lɛ nɔ mi lɛ. Aloo obaanyɛ ogbele Nɔyeli wolo bibioo lɛ baafa 29 ni otsɔɔ jɔɔmɔi ni yɔɔ jɛmɛ lɛ mli. Mɛi komɛi baasumɔ ni amɛkɛ “Naa!” wolo bibioo lɛ kukuji 49 kɛ 50 atsu nii ni amɛkɛtsɔɔ nɔ ni Nyɔŋmɔ Maŋtsɛyeli lɛ baafee eha adesai lɛ mli.
7 Akɛni jaramɔ bei nɛ hewɔ lɛ, sane ni wɔhiɛ lɛ he miihia waa. Ehe miihia ni wɔfee ekaa yɛ Maŋtsɛyeli lɛ he sane lɛ gbɛɛ-kɛ-shwamɔ mli, ni wɔwo mɛi krokomɛi hewalɛ ni amɛbale Nyɔŋmɔ kɛ e-Wiemɔ lɛ. Kɛ wɔkɛ ekaa gbɛ nɛkɛ nilee ni haa wala nɛɛ wɔshwa lɛ, wɔyeɔ wɔ Nyɔŋmɔ jamɔ hetuu-kɛhamɔ kɛ suɔmɔ ni wɔyɔɔ kɛha Yehowa lɛ he odase. Bi ohe akɛ: ‘Ani miyɛ ekaa loo mihiɛ dɔɔ yɛ nitsumɔi kpakpai ahe? Ani abaanyɛ atsɔɔ bɔ ni mifiɔ shiɛmɔ nitsumɔ lɛ sɛɛ mihaa lɛ mli akɛ nɔ ni yɔɔ ekaa ni jɛ susuma muu fɛɛ mli?’ Wɔ hetoi lɛ baanyɛ awie babaoo yɛ bɔ ni ekaa loo hiɛdɔɔ ni wɔyɔɔ lɛ hi ha he. Babaoo ni wɔnaa gbɛfaŋnɔ yɛ Maŋtsɛyeli sane lɛ gbɛɛ-kɛ-shwamɔ mli lɛ, babaoo ekaa ni wɔyɔɔ lɛ hu baaji. Mɛi krokomɛi baana akɛ wɔji gbɔmɛi ni yɔɔ ekaa kɛha nitsumɔi kpakpai lɛlɛŋ.