Buu-Mɔɔ—Mumɔŋ Niyenii Yɛ Be Ni Sa Mli
1 Aaafee afii 114 sɔŋŋ nɛ ni Buu-Mɔɔ lɛ etee nɔ ewo ekanelɔi aŋaa ni amɛhiɛ ahi amɛhe nɔ yɛ mumɔŋ Wolo tɛtrɛɛ kroko ni fata he, ni ji Awake! lɛ haa anaa Bɔlɔ lɛ shiwoo ni kɔɔ jeŋ hee ni toiŋjɔlɛ kɛ shweshweeshwe shihilɛ yɔɔ mli yɛ wɔyinɔ nɛɛ mli lɛ mli hekɛnɔfɔɔ. Ni nɛkɛ woji enyɔ nɛɛ fɛɛ efee dɛŋdadei ni kɛ anɔkwayeli etee nɔ eha wɔgbɛ nɔ ekpɛ yɛ jeŋ ni mli ewo duŋ mli (Yes. 60:2) Nyɔŋmɔ Wiemɔ lɛ mli anɔkwale lɛ tsakeee kɔkɔɔkɔ, shi shishinumɔ ni wɔyɔɔ yɛ he lɛ mli tseɔ faŋŋ beni Yehowa kɛ woji nɛɛ kɛ dɛŋdadei krokomɛi tsuɔ nii ni ekɛhaa wɔ mumɔŋ “ŋmaa yɛ be ni sa nɔ” lɛ.—Mal. 24:45;Abɛi 4:18.
2 Okɛ Woji Tɛtrɛbii Iɛ Atsu Nii Jogbaŋŋ Kɛmɔ Shi: Wɔbaanyɛ wɔha ana bɔ ni wɔdaa shi yɛ mumɔŋ sɛɛyoomɔ ni wɔna lɛ he kɛtsɔ ekaa ni wɔkɛaawo mɛi krokomɛi hewalɛ ni amɛkane Buu-Mɔɔ kɛ Awake! lɛ fɛɛ lɛ nɔ. Wɔbaanya wɔkɛ woji tɛtrɛbii lɛ ekomekome ni baa lɛ aha shiatsɛmɛi lɛ kɛ wɔtee amɛ ŋɔɔ klɛŋklɛŋ kwraa yɛ shia-kɛ-shia nitsumɔ lɛ mli aloo beni wɔyeɔ odase trukaa. Mɛi pii heɔ woji tɛtrɛbii komekomei ni baa lɛ eko fɛɛ eko, ni eyɛ faŋŋ akɛ amɛnaa amɛkanemɔ he miishɛɛ. Nɛkɛ gbɔmɛi nɛɛ baana hegbɛ ni aaaha amɛ koni amɛnyɛ amɛshɛ lɛ he miishɛɛ waa. Shi, ehi jogbaŋŋ akɛ okɛ woji tɛtrɛbii lɛ ekomekomei ni baa lɛ aaaba shiatsɛmɛi ni nyɛɛɛ amɛshɛ Iɛ.
3 Te obaafee tɛŋŋ ona akɛ ayɛ he miishɛɛ? Beni okɛ oti kome loo enyɔ ni jɛ wolo tɛtrɛɛ, dɛhiɛmɔ wolo loo wolo bibioo ko mli tsuɔ nii lɛ, kadimɔ bɔ ni shiatsɛ lɛ hereɔ nɔ ehaa. Ani eboɔ sane lɛ toi Jogbaŋŋ? Ani ejieɔ bulɛ kpo yɛ Biblia lɛ he ni enyiɛɔ Biblia mli ŋmalɛi lɛ akanemɔ sɛɛ? Ani ehaa saji ni obiɔ lɛ koni etsɔɔ ejwɛŋmɔ lɛ ahetoo? Kɛ nakai lɛ, no lɛ obaanyɛ oto gbɛjianɔ kɛba sɛɛsaramɔ yɛ otsi mli aloo mra po fe nakai koni okɛ lɛ ana sanegbaa babaoo nyɛfata he yɛ nakai beaŋ. Kɛji eyɛ faŋŋ akɛ shiatsɛ lɛ kaneɔ wolo ni oshi oha lɛ lɛ, ni enaa mumɔŋ nibii ahe sanegbaa he miishɛɛ lɛ, no lɛ obaanyɛ obi lɛ kɛji ebaasumɔ ni enine ashɛ woji tɛtrɛbii lɛ anɔ daa
4 Abaanyɛ akɛ woji tɛtrɛbii lɛ ekomekomei kɛ eshɛɛ he gbɛjianɔtoo lɛ aha nanemɛi nitsulɔi, skulbii, kɛ wekumɛi hu. Abaanyɛ akɛ woji tɛtrɛbii lɛ hu aha nitsumɔ mli hefatalɔi, kɛ agbɛnɛ yɛ gbɛjegbɛ nɔ odaseyeli hu mli.
5 Kɛ asafo lɛ nine shɛ woji tɛtrɛbii heei anɔ nɔŋŋ lɛ, esa akɛ aha shiɛlɔi lɛ anine ashɛ nɔ. Kɛ onine shɛ ehee ko nɔ lɛ, bɔɔ mɔdɛŋ ni ole emli saji fɛɛ Jogbaŋŋ Mɛɛ saji gbɔmɛi ni yɔɔ nyɛ akutso lɛ mli lɛ susuɔ he waa? Jeŋ toiŋjɔlɛ kɛ shweshweeshwe feemɔ? Shika he saji? Nɔyeli kpakpa? Nibii ni ebɔle wɔhe lɛ? Buu-Mɔɔ lɛ gbalaa gbɔmɛi ajwɛŋmɔ kɛyaa enaa tsabaa ni hiɔ shi daa, ni ji Nyɔŋmɔ Maŋtsɛyeli lɛ nɔ, yɛ gbɛ krɛdɛɛ nɔ. (Dan. 2:44; Mat. 6:10) Eji nikeenii ni jara wa waa ni jɛ wɔ ‘Tsɔɔlɔ Kpeteŋkpele’ lɛ ŋɔɔ lɛlɛŋ.—Yes. 30:20.
6 May kɛ June haa wɔ hegbɛi ni hi jogbaŋŋ ni wɔkɛ be babaoo awo shiɛmɔ nitsumɔ lɛ mli. Akɛni May hiɛ otsi naagbeei enumɔ hewɔ lɛ, mɛi pii kɛ amɛhe eha akɛ gbɛgbalɔi awalɔi. Wɔ fee wɔbaanyɛ wɔkɛ otii amamɔ wɔ diɛŋtsɛ wɔhiɛ ni wɔha wɔshiɛmɔ nitsumɔ lɛ aya hiɛ yɛ nɛkɛ nyɔji enyɔ nɛɛ amli, ni wɔkɛ miishɛɛ awo mɔ fɛɛ mɔ ni wɔkɛkpeɔ yɛ shiɛmɔ mli lɛ hewalɛ ni ekane Buu-Mɔɔ kɛ Awake Iɛ.